Sjómannablaðið Víkingur - 01.10.1981, Side 30

Björgvin ÍS 468, einn af súðbyrðingunum sem Emst Pettersen smíðaði.
Þrátt fyrir öll mótmæli setti ég
tækið í gang og byrjaði á því að
spyrja Ernst hvort hann væri
fæddur hér á Seyðisfirði.
Hann svaraði mér ekki strax,
heldur gaf sér góðan tíma til að
kveikja í pípunni. Og hvað kom
þessi spurning svo sem bátasmíð-
um við? Var ég ekki kominn til að
forvitnast um bátasmíðar eða
hvað?
— Jú, jú, svaraði hann loks. Ég
er fæddur hér á Seyðisfirði árið
1910 í húsinu sem stendur fyrir
utan gamla bakaríið. Pabbi var
norskur og kom hingað upphaf-
lega til að reisa hús. Hann var
smiður og starfaði hjá trésmíða-
verksmiðju í Lilleström nálægt
Osló. Þeir sendu hús um allt,
mikið til Þýskalands. Pabbi kom
hér á gufuskipi vorið 1905, en
húsaefnið var sett um borð í segl-
skútu sem átti að flytja það hing-
að. En skútan var allt sumarið á
leiðinni til landsins og kom ekki
með viðinn fyrr en um haustið,
þannig að pabbi lenti hér í síldar-
vinnu hjá Wathne um sumarið.
En húsið reisti hann. Það stendur
hérna fyrir innan og heitir Fram-
hús.
Pabbi fór aldrei til baka heldur
settist hér að. Það var svo mikið af
norsku fólki hérna, margar fjöl-
skyldur . . . og hér komu norsk
skip oft að landi.
— Lærðir þú þá trésmíðar hjá
föður þínum?
— Nei, ekki gerði ég það. En ég
átti töluvert við trésmíðar alveg
frá því ég var strákur. Maður var
alltaf í kringum þetta. Pabbi
stundaði ekki mikið trésmíðar
eftir að ég óx úr grasi. Lengst af
var hann verkstjóri við fiskverkun
hjá Mjemgárd gamla og síðan hjá
Ragnari Imsland, sem varnorskur
í aðra ætt. Hann hafði fiskverkun
hérna útfrá þar sem nú er nóta-
verkstæðið.
Þegar ég var að alast upp starf-
aði fólk aðallega við saltfiskverk-
un, en þó var alltaf eitthvað um að
hingað kæmi síld á sumrin. En
það var ekkert í líkingu við það
sem síðar varð. Wathnesbræður
ráku fiskverkun og svo var það
Stefán Jónsson og Imsland og
margir fleiri. Það voru geysilega
mikil umsvif í kringum saltfiskinn
á þessum árum.
Imsland reisti verslun nálægt
1920 og stendur húsið enn. Þetta
er eitthvert vinsælasta hús hér á
Seyðisfirði . . . þar er mikill gesta-
gangur, enda hýsir það nú Áfeng-
isverslunina. Það held ég nú.
Pabbi byggði þetta hús ásamt
fleiri smiðum. En svo fór Imsland
á hausinn eins og svo margir aðrir
þegar Islandsbanki fór um koll.
Ég spyr Ernst hvernig skóla-
göngu hafi verið háttað þegar
hann var að alast upp.
Hann lítur á mig með pípuna
uppi í sér og hlær við.
VÍKINGUR
Skoðun og viðgerðir
gúmmíbáta allt árið.
gúmmibAtaþjónustan
Eyjagötu 9 Örfirisey
Sími 14010
30