Sjómannablaðið Víkingur - 01.10.1981, Blaðsíða 57

tíminn getur verið mjög misjafn
hjá mönnum. Áður fyrr þegar
skólinn var í tveim deildum þurftu
menn að hafa reynslu á fleiri en
einni tegund skipa.
Dansleikir með
Kvennó
Hvernig er félagslífið hjá ykkur
hérna?
Gunnar: Það er ekkert komið í
gang ennþá. Við vorum með tíma
á sal sl. miðvikudag eins og ætl-
unin er að hafa í vetur með fyrir-
lestrum um ýmis efni. Þá tók ég að
mér að kynna reglur skólans o.þ.h.
og síðan æxlaðist það þannig að
ég tók að mér að vera formaður
nemendafélagsins því sá sem kos-
inn var í fyrra er hættur í skól-
anum.
Sigurður: Það er starfandi
íþróttanefnd, skemmtinefnd og
ritnefnd. Blaðið kemur út tvisvar á
vetri og ágóðinn fer í ferðasjóð
þriðja bekkjar. Skemmtinefnd sér
um að halda nokkra dansleiki sem
haldnir eru með öðrum skólum,
kvennaskólanum t.d. . .. það
verður að blanda þetta aðeins.
Gunnar: Við æfum handbolta
og fótbolta og keppum við Vél-
skólann o.fl. Svo eru frjálsir
íþróttatímar í leikfimisal Kenn-
araháskólans.
— Háir það ykkur ekkert að
hér skuli vera bara eitt kyn?
Gunnar: Það háir okkur ekkert
meira en í starfinu. Það er yfirleitt
bara eitt kyn líka út á sjó. Annars
hafa verið nokkrar stelpur í skól-
anum.
Það er ein að koma núna á
þriðja stigið, segir Sigurður og
bendir út um gluggann þar sem
Eyrarfoss er að sigla inn í höfnina.
Blaðamanni fannst undarlegt að
hægt væri að greina það úr þessari
fjarlægð en slíkt þjálfast víst eins
og það að vera fjárglöggur í sveit-
inni.
Gunnar: Þær voru þrjár í fyrra,
ein útskrifaðist sem farmaður. Það
byrjaði víst engin stelpa á fyrsta
stigi núna.
Yfirvinnusýki
Síðan berst talið að reynslu
Sigurðar og Gunnars á farskipum
og hvað þeim finnst að betur
mætti fara á þeim vinnustað.
Sigurður: Það er ekki leyfilegt
enn út á sjó að neita að vinna
yfirvinnu þó það viðgangist í
landi. Menn eru kannske búnir
með sína átta tíma þegar þeim er
skipað að fara út að mála af því að
það er sól. Þar geta þeir svo verið
allt upp í 20 tíma. Ef menn neita
að vinna yfirvinnu er bara reynt
að koma þeim í land þó að í
samningum standi að menn séu
sjálfráðir hvort þeir vinni yfir-
vinnu eða ekki.
Gunnar: Það virðist ekkert
skipta máli hvort er sunnudagur
eða ekki. Við vorum ræstir upp á
sunnudegi einu sinni og skipað að
fara út að mála. Þegar búið var að
ræsa alla, byrjaði að rigna svo
ekkert var hægt að gera. Um
fjögur leytið var svo allt orðið
þurrt aftur og stýrimaðurinn
hringdi niður og sagði okkur að
fara út. Við neituðum því allir —
dagurinn að verða búinn.
Sigurður: Það er eins og menn
geti ómögulega hætt að láta vinna
yfirvinnu. Við erum látnir mála í
höfnum frekar en að fara í land.
Gunnar: Ég var einu sinni alltaf
að mála sama blettinn. Það var
undir olíuröri sem náði aldrei að
þorna almennilega milli þess sem
losað var í höfnum. Ég var látinn
mála það aftur og aftur. Menn
geta orðið óskaplega þreyttir á
svona vinnubrögðum, þau þekkj-
ast t.d. ekki á fiskiskipum. Þar eru
skipin máluð almennilega einu
sinni á ári.
Að vera yfir- eða
undirmaður
Sigurður: Það er vonandi að
maður passi sig á að fara ekki út í
svona vitleysu ef maður verður
stýrimaður.
— Er valdastrúktúrnum haldið
við um borð?
Sigurður: Hérna borða undir-
menn sér og yfirmenn sér. Ég hef
heyrt þetta sé að breytast á
Norðurlöndunum. Það eru víst
komnir sameiginlegir borðsalir.
Mér finnst viðhorfið líka vera að
breytast hér. Það eru einstöku
gamlir menn sem eru harðir á
þessu. Sumir skipstjórar ganga á
eftir hásetunum allan daginn til
að sjá hvort þeir geri ekki ein-
hverja vitleysu. Ég var einu sinni
nýbúinn að þvo brúna, brúar-
gluggana og allt saman þegar
skipstjórinn fór með tannstöngul
og gat plokkað út drullu einhvers
staðar. Ég var látinn þrífa allt
aftur .. .
Og strákarnir halda áfram að
mennta sig í sjómannafræðum,
kannske með örlítið önnur viðhorf
til starfsins en afar þeirra. Breyttir
tímar en .. . sjórinn verður alltaf
til þrátt fyrir tæknibyltingar.
Við óskum þeim góðs gengis.
E.Þ.
57
VÍKINGUR