Sjómannablaðið Víkingur - 01.10.1981, Qupperneq 64

Skipstjórnarkennslan
útí á landi
Útvegsmannafélagiö
greiðir húsaleiguna
Á Höfn í Hornafirði er starf-
rækt skipstjómarbraut sem gefur
1. stigs réttindi. Guðmundur Ingi
Sigurbjömsson skólastjóri Gagn-
fræðaskólans, tjáði blaðinu að
slíkt nám hafi einnig verið á veg-
um skólans í hitteðfyrra og mein-
ingin sé að svo verði annað hvert
ár. Hitt árið er boðið upp á iðn-
nám í skólanum á Höfn.
— Við viljum leggja áherslu á
gæði námsins og ætlum okkur því
að halda okkur við þetta fyrsta
stig, segir Guðmundur Ingi.
Reynslan varð sú að þeir sem voru
hjá okkur í hitteðfyrra fóru lang
flestir í Stýrimannaskólann í
Reykjavík og luku þar 2. stigi. Það
þyrfti að kosta svo miklu til hér, ef
bæta ætti öðru stiginu við, að við
teljum það ekki forsvaranlegt.
Samstarfið við útvegsmenn hér
á staðnum hefur verið einstakt.
Við þurfum að leigja hús fyrir
kennsluna og leiguna af því borg-
ar útvegsmannafélagið. Einnig
höfum við þurft að fjárfesta í
ýmsum kennslutækjum og hafa
þeir aðstoðað okkur mjög við það.
Ég tel að svona velvilji sé mjög
fátíður og hann er sannarlega
hvatning fyrir okkur.
— Hve margir nemendur
stunda nám hjá ykkur?
— Það eru 15 nemendur í
þessu núna. Af þeim eru sex að-
komumenn. Við tókum á leigu
einbýlishús og leigjum þeim her-
bergi þar. Þetta er eini skólinn á
Austurlandi sem býður upp á
skipstjórnarnám og sækja nem-
endur hingað, af fjörðunum, allt
norðan frá Neskaupstað. Annars
eru nú tengsl okkar við Austur-
landið kapituli út af fyrir sig því í
raun tilheyrum við Austurlandi
hvorki landfræðilega né að við
eigum samleið með þeim í öðrum
málum. Þetta getur komið sér illa
t.d. fyrir krakka sem sækja um
inngöngu í fjölbrautaskóla á
höfuðborgarsvæðinu, en fá ekki
inngöngu því þau eiga að fara í
Menntaskólann á Egilsstöðum.
Nemendur eru hér á öllum
aldri, þó nokkuð margir fjöl-
skyldufeður sem eiga jafnvel böm
á framhaldsskólaaldri. Það er
mjög gott fyrir þessa menn að geta
náð sér í 120 tonna réttindin hér
því þeir létu líklega ekki verða af
því ef þeir þyrftu að fara eitthvað
annað til þess.
Við rekum þessa braut alveg
sjálfstætt, erum með einn kennara
sem kennir allar sérhæfðu grein-
arnar en almennu bóklegu grein-
arnar sjá kennarar úr Gagn-
fræðaskólanum um. Við höfum
boðið upp á sjóvinnu sem val í 9.
bekk en áhuginn er lítill og ekki
nógur til að slíkt sé starfrækt.
Krakkarnir fá líklega nóg af fisk-
vinnu á sumrin og nenna ekki að
standa í neinu slíku í skólanum á
veturna. e.Þ.
Útgerðarmenn — vélstjórar.
Önnumst allar raflagnir og viðgerðir í bátum, skipum og verk-
smiðjum. Áratuga þjónusta við íslenskan sjávarútveg tryggir
reynslu og öryggi frá sérþjálfuðu starfsfólki.
64
VÍKINGUR