Fréttablaðið - 11.06.2009, Blaðsíða 10

11. júní 2009 FIMMTUDAGUR
LÖGREGLUMÁL Sigurður Ólason, sem
situr í gæsluvarðhaldi grunaður
um að tengjast alþjóðlegum glæpa-
hring, stofnaði í janúar fyrirtækið
Hollís ásamt Hollendingi og Ísraela.
Hann hefur síðan, í gegnum félagið,
oftsinnis tekið á móti peningum frá
mönnunum tveimur. Talið er að pen-
ingunum hafi verið varið til kaupa á
vörubílum og vinnuvélum, og að um
peningaþvætti vegna fíkniefnavið-
skipta sé að ræða.
Ísraelinn, Erez Zizov, og Hollend-
ingurinn, Ronny Verwoerd, hafa
báðir verið handteknir á meginlandi
Evrópu vegna málsins.
Ársæll Snorrason, vinur Sigurðar
til fjölda ára, situr einnig í varðhaldi
vegna málsins og er samkvæmt
heimildum Fréttablaðsins talinn
vera tenging Sigurðar við mennina
tvo. Hann hafi kynnst Hollendingn-
um þegar hann sat í fangelsi í Hol-
landi vegna fíkniefnasmygls fyrir
nokkrum árum.
Lögreglan hefur hlerað síma sak-
borninga í málinu um langt skeið, að
því er heimildir blaðsins herma.
Sigurður, sem er 54 ára, var
handtekinn á skrifstofu sinni í fyrir-
tækinu R. Sigmundsson á mánudag.
Hann er í stjórn félagsins og hefur
þar aðsetur. Sigurður hlaut þriggja
ára fangelsisdóm árið 2001 fyrir
aðild sína að smygli á þrjátíu kíló-
um af hassi til landsins.
Þá er Sigurður skráður eigandi að
minnst sextán öðrum fyrirtækjum,
sem flest eru til heimilis að Suður-
landsbraut 6, eins og Hollís, eða að
Tjaldanesi, heimili Sigurðar.
Sigurður er skráður stjórnarmað-
ur í flestum fyrirtækjunum, pró-
kúruhafi í stórum hluta þeirra og
framkvæmdastjóri nokkurra. Hann
hefur einnig verið skráður eigandi
fjölda annarra fyrirtækja undan-
farin ár sem nú hafa verið afskráð.
Hann tengist enn fleiri fyrirtækj-
um sem stjórnarmaður, stofnandi
og skráður endurskoðandi.
Sigurður, eða félög honum tengd,
á tugi fasteigna í borginni. Sola
Capital á til dæmis um tuttugu fast-
eignir og Funahöfði ehf. um tíu. Sig-
urður á meðal annars helmingshlut
í Austurstræti 3, þar sem skyndi-
bitastaðurinn Subway er til húsa.
Hann keypti húsnæðið af Ásgeiri
Þór Davíðssyni, kenndum við Gold-
finger, árið 2007.
Einn til viðbótar er í varðhaldi
vegna málsins. Sá heitir Gunnar
Viðar Árnason og var handtekinn
22. maí eftir að nokkur kíló af hörð-
um fíkniefnum fundust í hraðsend-
ingu, en sá fundur hratt málinu af
stað. Zizov og Verwoerd eru taldir
tengjast því smygli.
stigur@frettabladid.is
Keypti vörubíla fyrir
gróða af fíkniefnum
Athafnamaðurinn Sigurður Ólason er talinn hafa þvættað peninga í gegnum fé-
lagið Hollís, sem hann stofnaði með hollenskum og ísraelskum fíkniefnasölum.
Sigurður tengist miklum fjölda annarra fyrirtækja hérlendis og á tugi fasteigna.
Í nóvember 2007 kom upp eldur í tvílyftu timburhúsi við Grettisgötu. Engan
sakaði í brunanum en rýma þurfti fjölda húsa í grenndinni. Húsið var í eigu
Sigurðar.
Fram kom í fréttum í kjölfarið að mikið ónæði hefði verið af fólki sem hafst
hefði við í húsinu. Það hefði verið í mikilli óreglu og ítrekað hefðu komið upp
mál vegna fíkniefnabrota og þýfi og vopn gerð upptæk. Ekki var útilokað að
um íkveikju hefði verið að ræða.
Í samtali við Vísi.is daginn eftir brunann sagðist Sigurður upphaflega hafa
leyft óreglufólkinu að hafast við í húsinu gegn smávægilegri greiðslu, en síðan
rekið það á dyr. Eftir það hafi hann og menn á hans vegum vaktað húsið og
séð til þess að þar væri enginn. Spurður hvort hugsanlega hafi verið kveikt í
húsinu vegna fíkniefnauppgjörs sagðist Sigurður ekki geta sagt til um það.
SIGURÐUR ÓLASON Sigurður var hand-
tekinn á skrifstofu sinni í fyrirtækinu
R. Sigmundssyni á mánudag. Hann sat
þar í stjórn. MYND / STÖÐ 2
ÓLJÓS UPPTÖK Húsið skemmdist mikið í
brunanum, aðallega að innan.
TENGDIST HÚSBRUNA Á GRETTISGÖTU
REYKJAVÍK „Borgin hefur enga lög-
sögu yfir þessum eignum. Ég fór
í það strax í byrjun hrunsins að
athuga þetta hjá
borgarlögmanni
og fleirum. Ríkið
þarf að endur-
heimta þær, eða
embætti sérstaks
saksóknara,“
segir Þorleifur
Gunnlaugsson,
borgarfulltrúi
VG, um Fríkirkju-
veg 11.
Hann segir Ólaf F. Magnússon
borgarfulltrúa „ansi borubrattan“,
þegar hann gagnrýni í blaðinu í gær
að VG hafi ekki stutt tillögu Ólafs
um að Björgólfi yrði boðið að skila
eigninni án endurgjalds.
Hann rifjar upp að meirihluti
Sjálfstæðisflokks og F-lista hafi selt
húsið Novator, fyrirtæki Björg ólfs
Thors Björgólfssonar athafna-
manns.
„Ólafur F. sjálfur afhenti
þessum mönnum lóðina og
við það tækifæri sagði ég
að hann lægi marflat-
ur fyrir þeim. Þetta
kemur því úr hörð-
ustu átt,“ segir Þor-
leifur.
Nú bíði hann þess
að „þessar eignir og
margar aðrar verði teknar af þess-
um manni [Björgólfi] en við erum
orðin langeyg eftir því“.
VG hafi verið eini flokkurinn í
borgarstjórn sem hafi barist gegn
sölu hússins. „En Ólafur F. var
borgar stjóri á þessum tíma og tal-
aði fyrir því. Svo notar hann þetta
mál til að ráðast á okkur, ég skil það
eiginlega ekki,“ segir Þorleifur.
- kóþ
Borgarfulltrúi VG segir Ólaf F. borubrattan að tala um Fríkirkjuveg 11:
Borgin tekur húsið ekki aftur
FRÍKIRKJUVEGUR 11 Reykja-
víkurborg seldi þetta
hús Björgólfi Thor
Björgólfssyni
og hefur það
staðið autt og
ónotað síðan.
ÞORLEIFUR
GUNNLAUGSSON
Roskilde University - Denmark
ruc.dk/global
Bachelor of Science
Interdisciplinary studies in an international environment
Námsbraut á meistarastigi
Námsbrautir á grunnstigi
Vegna bilunar í vefvistunarkerfi
dagana 2. til 5. júní komust
umsóknir því miður ekki til skila.
Allir sem sóttu um nám hjá okkur þessa
daga eru því vinsamlegast beðnir að hafa
samband í síma 525 4444.