Fréttablaðið - 19.06.2009, Qupperneq 10

19. júní 2009 FÖSTUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Á maður ekki að geta
treyst upplýsingum
sem koma fram í bæk-
lingum fyrirtækja?
Jóhann Frímann hafði
samband vegna Byko-
bæklings þar sem aug-
lýst var ferðagasgrill
á 9.900 kr. og sagt að
„þrýstijafnari og slanga
fylgja“. Þegar Jóhann
lét á þetta reyna í Byko
á Akureyri var honum
sagt að þrýstijafnar-
inn og slangan kostuðu
3.900 kr. aukalega. „Ég var ekki sáttur og
náði í bæklinginn og sýndi starfsmanni og
öðrum sem virtist vera yfirmaður,“ skrif-
ar Jóhann. „Sá staðfesti að þrýstijafnarinn
fylgi ekki með í kaupunum. Fyrst rök-
studdi hann það með því að í bæklingnum
væri fyrirvari um mögulegar breytingar.
Þegar ég var ekki sáttur við það svar, var
næsta mótbára sú að þetta væri prentvilla
og hann ítrekaði það þegar ég mótmælti!“
Niðurstaðan hjá Jóhanni var að láta
nokkur vel valin orð falla um lélegt við-
skiptasiðferði og strunsa út.
Björk Þórarinsdóttir hjá Expo sem
sá um gerð Byko-bæklingsins svarar:
„Þarna hefur greini-
lega átt sér stað mis-
skilningur og mannleg
mistök innanhúss hjá
Byko. Lagerinn sem var
í viðkomandi verslun
var frá því í fyrra og þá
fylgdi ekki með þrýsti-
jafnari og slanga með.
Í sendingunni sem kom
síðasta haust fylgdi
aftur á móti þrýstijafn-
ari og slanga með. Að
sjálfsögðu átti þrýsti-
jafnari og slanga að
fylgja með öllum ferðagasgrillum hvort
sem þau voru úr eldri sendingu eða
nýlegri. Mistökin liggja í því að réttu upp-
lýsingarnar komust ekki til skila í allar
verslanir og biðst Byko hér með afsök-
unar á þessum leiðu mistökum. Að sjálf-
sögðu er hægt að treysta upplýsingum
sem koma í Byko-blaðinu, en því miður
getur komið fyrir að leiðindavillur fari í
prent og við höfum lagt okkur öll fram við
að leysa þau mál með hagsmuni viðskipta-
vina að leiðarljósi.“
Þessu til viðbótar má bæta við að Byko
býðst til að gefa Jóhanni ferðagasgrill.
Með þrýstijafnara og slöngu.
Neytendur: Einn óánægður með Byko-bækling
Ballaðan um þrýstijafnara og slöngu
BYKO-BÆKLINGURINN Jóhann fékk ekki
þrýstijafnara og slöngu þótt það stæði í
bæklingnum.
UMHVERFISMÁL Lömunareitrið PSP hefur greinst
í kræklingi úr Eyjafirði, að því er fram kemur á
heimasíðu Matvælastofnunar. Stofnunin varar
sterklega við neyslu og tínslu á kræklingi og öðrum
skelfiski úr Eyjafirði. Í sýnum sem nýlega voru
tekin til þörungaeitursgreiningar reyndist magn
PSP vera rétt undir viðmiðunarmörkum en magn
Alexandrium-þörunga sem valda eitrun yfir hættu-
mörkum.
Áhrif PSP-eitrunar á spendýr eru í því fólgin að
eitrið truflar natríumbúskap taugafrumna, sem
leiðir af sér truflun á taugaboðum og getur valdið
lömun, öndunarerfiðleikum og jafnvel dauða. Þessi
gerð þörungaeitrunar hverfur úr skelfiskinum á
skömmum tíma eftir að þörungar hafa horfið af haf-
svæðinu.
Fylgst verður á næstunni með þróun mála, að
því er fram kemur hjá MAST. Varað er við neyslu á
skelfiski þar til sýnt hefur verið fram á að PSP-eitur
sé undir viðmiðunarmörkum í kræklingi.
Við tínslu á villtum kræklingi þarf að hafa í huga
að hann gæti verið eitraður. Ef grunur er um eitrun
eftir neyslu á skelfiski ætti strax að leita læknis. - jss
Matvælastofnun varar sterklega við tínslu og neyslu skelfisks:
Eitraður kræklingur í Eyjafirði
KRÆKLINGUR Fólki er bent á að neyta ekki kræklings úr
Eyjafirði vegna eitrunarhættu.
Helgarblaðið:
Ferðalög
Töfrar Indlands –
í Fréttablaðinu á morgun.
Jónmundur Guðmarsson
fráfarandi bæjarstjóri
Seltjarnarness í helgarviðtali.
Létu langþráðan draum
rætast
- Eyþór Guðjónsson og
Ingibjörg Guðmundsdóttir
og skemmtigarðurinn þeirra
í Grafarvogi.
TEHERAN, AP Írönsk yfirvöld segjast
hafa komið í veg fyrir sprengjuárásir
hryðjuverkamanna á kjördag í
forsetakosningunum fyrir tæpri
viku. Samkvæmt upplýsingum frá
ráðuneyti leyniþjónustumála tókst
lögreglu og leyniþjónustustofnunum
að koma í veg fyrir sprengjuárásir
í moskum og á fjölförnum stöðum
í höfuðborginni Teheran síðasta
föstudag þegar forsetakosningar
fóru fram.
Að sögn fulltrúa ráðuneytisins
skipulögðu nokkrir hryðju verka -
hópar árásirnar í sameiningu. Hann
segir alla hópana tengjast fornum
óvinaríkjum Írana, þar á meðal
Ísrael.
Margir mótmælendur í Teheran
klæddust svörtu í gær til að syrgja
þá sem fallið hafa í átökum í
landinu síðan á mánudag. Þetta var
fjórði dagurinn í röð sem úrslitum
forsetakosninganna var mótmælt.
Talið er að yfir hálf milljón hafi
tekið þátt í mótmælunum.
Forsetaframbjóðandinn Mir-
Hossein Mousavi, sem varð annar
í forsetakjörinu fyrir tæpri viku,
hvatti mótmælendur til að klæðast
sorgarklæðum til að heiðra minn-
ingu þeirra sem létust í skotárás
öryggissveita á mánudag. Mousavi
hvatti í gær stuðningsmenn sína til
að halda áfram mótmælum, en þó
með friðsömum hætti.
Byltingarráðið í Íran hefur
kallað frambjóðendurna þrjá sem
biðu ósigur í kosningunum til að
bera vitni vegna rannsóknar á
framkvæmd kosninganna.
kjartan@frettabladid.is
Segjast hafa komið í
veg fyrir hryðjuverk
Yfirvöld í Íran segjast hafa komið í veg fyrir sprengjuárásir á kjördag fyrir tæpri
viku. Mótmælendur klæddust svörtu í Teheran í gær til að syrgja hina föllnu.
TEHERAN Talið er að yfir hálf milljón hafi tekið þátt í mótmælum í höfuðborg Írans í gær. Margir klæddust svörtu til að syrgja þá
sem féllu í skotárás öryggissveita. NORDICPHOTOS/AFP