Fréttablaðið - 22.06.2009, Blaðsíða 2

2 22. júní 2009 MÁNUDAGUR
Minna kólesteról
www.ms.is
Benecol er náttúrulegur
mjólkurdrykkur sem
lækkar kólesteról í blóði.
Mikilvægt er að halda
kólesterólgildum innan
eðlilegra marka því of
hátt kólesteról í blóði er
einn helsti áhættuþáttur
kransæðasjúkdóma.
Ein flaska á dag dugar
til að ná hámarksvirkni.
Elín Rósa, var þetta hola í
höggi?
„Nei, því miður. Ekki golflega séð.“
Elín Rósa Guðmundsdóttir og Jón Rafn
Valdimarsson voru gefin saman á golfvelli
á þjóðhátíðardaginn, eftir að hafa slegið
átján holur með prestinum.
FRAMKVÆMDIR Viðgerðir á turni
Hallgrímskirkju stefna nú í að
kosta nær tvöfalt meira en upp-
haflega var talið. Reykjavíkurborg
og ríkið eru beðin að auka framlag
sitt til endurbótanna.
„Ef ekki kemur til viðbótarfjár-
magn mun verkið stöðvast fljót-
lega og afleiðingarnar verða þær
að viðgerðir sem þegar hafa verið
framkvæmdar munu liggja undir
skemmdum,“ segir í greinargerð
sem fylgir tillögu Hönnu Birnu
Kristjánsdóttur borgarstjóra um
að borgin veiti meira fé til Hall-
grímskirkju.
Reykjavíkurborg ákvað á árinu
2007 að greiða 12,4 milljónir á ári
fram til ársins 2013 til viðgerðanna
á turni Hallgrímskirkju. Ríkið
leggur fyrir sitt leyti fram jafn háa
upphæð. Nú leggur borgarstjóri til
að framlengja þessar greiðslur allt
til ársins 2019 að því tilskildu að
ríkið geri slíkt hið sama. Þannig
munu greiðslur frá ríki og borg á
endanum nema 322 milljónum.
Í greinargerð með tillögu
borgarstjóra kemur fram að upp-
hafleg kostnaðaráætlun fyrir
verkið hafi hljóðað upp á 228 millj-
ónir króna. „Þegar viðgerðir hóf-
ust kom hins vegar í ljós að steypu-
skemmdirnar voru miklu meiri
en upphaflega var talið,“ segir í
greinargerðinni, þar sem fram
kemur að nú sé áætlað að viðgerð-
arkostnaðurinn verði 540 milljón-
ir króna.
Í greinargerð borgarstjóra er
sérstaklega vikið að því hvort jafn-
ræðisregla kunni að vera brotin
með því að greiða umræddar fjár-
hæðir úr borgarsjóði í þetta verk-
efni fyrir einn tiltekin trúarsöfn-
uð, það er þjóðkirkjuna. „Um er
að ræða höfuðkirkju landsins og
eitt helsta kennileiti Reykjavíkur-
borgar sem jafnframt er hluti af
byggingarsögu Íslands,“ segir í
rökstuðningi fyrir því að jafnræð-
isregla stjórnsýslulaga komi ekki í
veg fyrir þessa fjárveitigu. „Enda
fara ólögbundin verkefni sveitar-
stjórna eftir efnum og ástæðum
hverju sinni,“ segir þar enn frem-
ur.
Í bréfi Jóhannesar Pálmason-
ar, formanns sóknarnefndar Hall-
grímskirkju, og fleiri til kirkju-
málaráðherra, borgarstjórans og
biskups Íslands kemur fram að
ákveðið hafi verið að halda verk-
inu áfram þrátt fyrir óvissu með
fjármögnun. Frestun framkvæmd-
anna væri kostnaðarsöm auk þess
sem ný og gömul steypa í kirkju-
turninum yrði þá berskjölduð.
„Raunverulegur kostnaður ríkis-
ins við áframhald framkvæmda
er litlu meiri en annars sennileg-
ur kostnaður ef verkið stöðvast,“
segir meðal annars í bréfinu.
Afgreiðslu tillögu borgarstjór-
ans var frestað á fundi borgarráðs
á fimmtudag. gar@frettabladid.is
Hálfur milljarður í
Hallgrímskirkjuturn
Reykjavíkurborg og ríkinu er ætlað að greiða 322 milljónir króna fyrir viðgerð
á turni Hallgrímskirkju. Skemmdir eru miklu meiri en talið var. Kostnaðará-
ætlun hefur tvöfaldast. Of dýrt er talið að hætta við. Borrgaráð frestaði málinu.
HANNA BIRNA
KRISTJÁNSDÓTTIR
JÓHANNES
PÁLMASON
HALLGRÍMSKIRKJA Steypuskemmdir í turni Hallgrímskirkju eru sagðar vera miklu
meiri en upphaflega var talið. FRÉTTABLAÐIÐ/ARNÞÓR
ISLAMABAD, AP Herþotur réðust á
grunaða felustaði hryðjuverka-
manna í tveimur bæjum í Pak-
istan í gær og drápu 27 manns.
Á meðan sagði forseti landsins
Asif Alil Zardari að allt landið
styddi baráttuna gegn öfgamönn-
um.
Zardari sagði að fyrri aðgerðir
hefðu ekki verið árangursríkar
vegna þess að almenningur hefði
ekki stutt þær.
Herinn hefur gert árásir síð-
ustu vikuna á staði í Bajur, sem
grunaðir eru um að hýsa hryðju-
verkamenn, og hefur ofbeldi
aukist hratt, en fimm mánuðir
eru síðan herinn lýsti yfir sigri
þar eftir mánaðalangar árásir.
-mmf
Árásir í Pakistan:
27 létust í flug-
árásum hersins
FÓLK „Þetta er allt vistvæn fram-
leiðsla, sem Bandaríkjamenn
eru mjög heitir fyrir, og íslenski
steinninn er
skemmtilegt
efni. Nú þegar
við erum búin
að gæðaprófa
vörurnar í
bak og fyrir
er líklegt að
við förum með
vörur okkar
líka til Banda-
ríkjanna,“
segir Dagný Alda Steinsdótt-
ir innanhússarkitekt. Hún á og
rekur Alda Design sem hefur
verið að selja þunnar steyptar
flísar, borðplötur, vaska og jafn-
vel sólbekki úr íslenskum steini.
Vörurnar njóta vaxandi vin-
sælda hér heima og næsta skref
verður útflutningur að sögn
Dagnýjar Öldu.
- jma / sjá Allt í miðju blaðsins
Flísar og borðplötur vinsælar:
Íslenskt grjót til
útflutnings
DAGNÝ ALDA
STEINSDÓTTIR
EFNAHAGMÁL Hugmyndir eru uppi
innan ríkisstjórnarinnar um að
loka Þjóðmenningarhúsinu við
Hverfisgötu tímabundið og að
skera niður um fimm prósent
hjá Þjóðleikhúsinu og Sinfóníu-
hljómsveit Íslands, að því er
heimildir Fréttablaðsins herma.
Þetta er liður í niðurskurðar-
tillögum ríkisstjórnarinnar. Þá
verður reynt að finna Þjóðmenn-
ingarhúsinu nýtt hlutverk þegar
það opnar á ný.
Skorið verður niður um 1,5
prósent í menningar- og mennta-
málum á þessu ári.
Fram kom á blaðamannafundi
Jóhönnu Sigurðardóttur fjár-
málaráðherra og Steingríms J.
Sigfússonar á föstudaginn var að
skorið yrði niður um 7 prósent í
menntamálum á næsta ári. - kh
Niðurskurður ríkisstjórnar:
Þjóðmenning-
arhúsinu lokað
ÍTALÍA Mafíuforinginn Salvataore
Miceli var handtekinn í Venesú-
ela í fyrrinót samkvæmt ítalska
varnarmálaráðuneytinu. Miceli
sem náðist af Interpol hefur
verið á flótta frá réttvísinni
allt frá árinu 2001 vegna maf-
íutengsla og eiturlyfjasmygls.
Miceli var á lista yfir þrjátíu
hættulegustu menn Ítalíu.
„Handtaka Miceli er mikið
áfall fyrir Cosa Nostra,“ sagði
fyrrum yfirmaður mafíurann-
sóknardeildar ítalska ríkisins,
Giuseppi Luma, en Cosa Nostra
er sikileyska mafían.
Ítalska lögreglan hefur náð að
handtaka nokkra háttsetta mafí-
ósa undanfarin ár þar á meðal
yfirforingjann Bernardo Prov-
enzano árið 2006 og arftaka hans
Salvatore Lo Piccolo árið 2007.
amb
Miceli náðist í Venesúela
Mafíuforingi
handtekinn
SAMNINGAR „Ég er heldur bjart-
sýnni nú en ég var á föstudags-
kvöld,“ sagði Gylfi Arnbjörnsson,
forseti ASÍ, í gærkvöldi. Fulltrú-
ar vinnumarkaðarins funduðu
með fulltrúum ríkisstjórnarinnar
um helgina og munu funda áfram
í dag. Fyrir helgi stefndi allt í að
Samtök atvinnulífsins myndi segja
upp kjarasamningum hinn 1. júlí.
Að sögn Gylfa varð engin bein
niðurstaða af fundahöldunum um
helgina. Leitað hafi verið leiða til
að þoka málum í átt að samkomu-
lagi um ríkisfjármálin á þessu
ári og allt fram til ársins 2013.
Þá hafi verið rætt um stöðuna í
gjaldeyrismálum, uppbyggingu
nýju bankanna, ríkiseignir, niður-
skurð í verklegum framkvæmdum
og fleira. Einnig hafi verið komið á
framfæri þeim ákvörðunum ríkis-
stjórnar sem gætu leitt til þess að
Seðlabankinn gæti fyrr og hraðar
tekið ákvarðanir um vaxtalækk-
un og þannig komið til móts við
atvinnulífið.
Að sögn Vilhjálms Egilsson-
ar, framkvæmdastjóri Samtaka
atvinnulífsins, var í gær farið yfir
málin og reynt að leita leiða til að
komast í gegnum þessa erfiðu
stöðu. „Það er ekkert útséð með
þetta. Líkurnar á samkomulagi
hafa aukist örlítið en þetta getur
farið á alla vegu,“ segir Vilhjálm-
ur Egilsson. - kg
Fulltrúar vinnumarkaðarins funda áfram með fulltrúum ríkisstjórnarinnar í dag:
Segist heldur bjartsýnni nú
SEÐLABANKINN Vaxtalækkanir voru meðal þess sem rætt var á fundi fundi fulltrúa
vinnumarkaðarins og ríkisstjórnarinnar.
SPURNING DAGSINS
ÍRAK, AP Bresk stjórnvöld hafa
fengið lík tveggja lífvarða sem
rænt var í Bagdad fyrir tveim-
ur árum. Þetta staðfesti breska
ríkisstjórnin í gær.
Lífverðirnir, Jason Creswell
frá Glasgow í Skotlandi og Jason
Swindlehurst frá Skelmersdale,
störfuðu fyrir kanadíska örygg-
isfyrirtækið GardaWorld í Írak.
Sjía-múslimar rændu mönnunum
ásamt þremur öðrum í maí árið
2007, fyrir utan fjármálaráðu-
neytið í Bagdad.
Gordon Brown, forsætisráð-
herra Breta, sendi fjölskyldum
mannanna samúðarskeyti í gær.
- kh
Bresk stjórnvöld harmi slegin:
Líkin af bresk-
um gíslum
LÖGREGLUMÁL Bíladagar á Akureyri
voru haldnir um helgina og gengu
stórslysalaust fyrir sig að sögn
lögreglunnar á Akureyri.
Erilsamt var hjá lögreglu bæði á
föstudags- og laugardagskvöld en
nokkur þúsund manns sóttu bæinn
heim til þess að taka þátt í viðburð-
um helgarinnar.
Eitthvað var um pústra, slags-
mál og líkamsárásir og samkvæmt
upplýsingum frá slysadeild Fjórð-
ungssjúkrahússins á Akureyri var
það heldur meira en á venjulegri
sumarhelgi.
Nokkrir voru stöðvaðir grunað-
ir um ölvunarakstur eða akstur
undir áhrifum fíkniefna. -mmf
Bíladagar á Akureyri fóru fram um helgina í blíðskaparveðri:
Ölvun og slagsmál á Bíladögum
BÍLADAGAR Mikill mannfjöldi var saman komin á Bíladögum á Akureyri um helgina.
Dagarnir gengu þó stórslysalaust fyrir sig.