Fréttablaðið - 22.06.2009, Qupperneq 12

12 22. júní 2009 MÁNUDAGUR
timamot@frettabladid.is
MERKISATBURÐIR
1372 Englendingar bíða ósigur
fyrir sameinuðum flota
Frakka og Kastilíumanna
í orrustunni við La Ro-
chelle.
1636 Herstjórnarveldið í Japan
bannar allar ferðir Japana
til og frá landinu.
1633 Kaþólska kirkjan í Róm
neyðir Galileo Galilei til
að endurskoða kenningu
sína um að jörðin gangi
umhverfis sólina.
1783 Eitruð ský frá Lakagígum
ná til Le Havre í Frakk-
landi.
1941 Þjóðverjar ráðast inn í
Sovétríkin.
1978 Karon, fylgihnöttur Plútós,
finnst.
1991 Hjónum frá Hellissandi
er bjargað úr alldjúpri
sprungu á Snæfellsjökli.
Fyrir sjötíu árum mæld-
ist mesti hiti á Íslandi á
Teigarhorni í Berufirði á
Austfjörðum. Hitinn mæld-
ist 30,5 gráður.
Þennan dag voru
tvær veðurathugunar-
stöðvar sem mældu hita
yfir þrjátíu gráðum, en
það voru Teigarhorn og
Kirkjubæjarklaustur. Þessi
staðreynd og það að há-
þrýstimet var sett í sama
veðurkerfi dregur úr lík-
unum á því að þrjá-
tíu stig hafi eingöngu
mælst vegna þess að eitt-
hvað hafi verið bogið við mæliaðstæður. Ákveð-
in óvissa fylgir þessum mælingum því fyrir sjötíu
árum var mælum komið
fyrir á nokkuð annan hátt
en nú.
Sumarið 1939 gengu
óvenju margar hitabylgjur
yfir landið. Þó var ekki
bara hlýtt heldur komu
til dæmis kaldir dagar
snemma í júlí þar sem
gerði næturfrost á fáeinum
stöðvum.
Margir muna eftir hita-
bylgjunni sem gekk yfir
landið á síðasta ári. Þá fór
hitinn hæst í 29,7 gráð-
ur á Þingvöllum hinn 30.
júlí en mörg hitamet voru
slegin víða um land þótt Íslandsmetið frá 1939
hafi enn ekki verið slegið. Heimild: www.vedur.is
ÞETTA GERÐIST : 22. JÚNÍ 1939
Mesti hiti mælist á ÍslandiDAN BROWN RITHÖFUNDUR ER 45 ÁRA
„Ég eyði lífi mínu einn fyrir
framan tölvuna. Það breyt-
ist ekki og ég reyni við
sömu áskoranirnar alla
daga.“
Dan Brown er bandarískur
spennusagnahöfundur sem er
hvað þekktastur fyrir skáld-
sögu sína, Da Vinci lykilinn.
Mynd eftir samnefndri bók
hans, Englar og djöflar, var
nýlega frumsýnd á Íslandi.
AFMÆLI
ÞÓR H.
TÚLINÍUS
leikari er 50
ára.
GUÐRÚN
GUNNARS-
DÓTTIR
söngkona
er 46 ára.
STÓRKOSTLEG BREYTING Helga Guðrún Johnson segir Íslendinga góðu vana í kaffidrykkju en í gamla daga hafi verið drukkið molakaffi.
FRÉTTABLAÐIÐ/ARNÞÓR
Þegar Kaffibrennsla Ó. Johnson og Ka-
aber hóf starfsemi sína í Fálkahúsinu
í Reykjavík sá einn piltur á reiðhjóli
með bögglabera um að koma kaffinu
í verslanir. Nú, 85 árum síðar, hefur
fyrirtækið vaxið og dafnað, sameinast
helsta keppinauti sínum til margra ára
og haldið dreifingarkerfi sínu í Reykja-
vík en flutt framleiðsluna á Akureyri.
„Fram að því að Kaffibrennsla Ó.
Johnson og Kaaber var stofnuð voru
kaffibaunir fluttar inn í sekkjum og
fólk brenndi þær í ofninum heima hjá
sér og malaði í litlum kvörnum,“ segir
Helga Guðrún Johnson, stjórnarfor-
maður Ó. Johnson og Kaaber. „Þetta
er í rauninni fyrsta kaffibrennslan
sem fjöldaframleiðir og er með neyt-
endapakkningar sem eru seldar í versl-
unum.“
Helga Guðrún segir mikið hafa
breyst á 85 árum. „Þegar Kaffi-
brennslan var stofnuð var algengt að
fólk notaði svokallaðan kaffibæti til
þess að drýgja kaffið. Kaffibætirinn
var framleiddur fram á áttunda ára-
tuginn. Þetta var á krepputímunum
þegar var lítið um gjaldeyri og kaffi
var dýrt.“
Helga Guðrún segir að tímamót
hafi orðið upp úr 1980 þegar tollar á
pökkuðu kaffi voru aflagðir. „Fram að
þeim tíma voru innlendir kaffifram-
leiðendur nánast einráðir á markaðn-
um. Þá fer innflutt kaffi að flæða inn í
landið og innlendir kaffiframleiðend-
ur áttu nokkuð undir högg að sækja
upp úr því. Núna á þessum síðustu og
verstu tímum hefur orðið hugarfars-
breyting þannig að fólk kaupir frekar
innlent kaffi og að auki er verðið hag-
stæðara.“
Aðspurð segir Helga Guðrún að
kaffidrykkja Íslendinga hafi breyst
stórkostlega á undanförnum 85 árum.
„Nú eru Íslendingar orðnir mjög góðu
vanir. Þeir vilja öðruvísi kaffi og
kannski færri bolla af góðu, sterku og
bragðmiklu kaffi, jafnvel með flóaðri
og freyðandi mjólk. Í gamla daga var
náttúrlega bara drukkið molakaffi eða
tíu dropar.“
Helga Guðrún segir Nýju kaffi-
brennsluna gera sitt besta til að koma
til móts við breyttar kaffivenjur Ís-
lendinga, kröfur þeirra og vænting-
ar. „Fyrir utan gömlu góðu tegundirn-
ar, Braga og Kaaber, sem Íslending-
ar hafa alist upp við, framleiðum við
Dilettokaffi, Íslandskaffi og nokkrar
tegundir af Rúbínkaffi sem bæði má
fá í baunum og möluðu. Þar af er ein
ný tegund, Baunablanda Valdísar. Við
erum með kaffi fyrir allar tegundir af
kaffivélum, baunavélar, pressukönnur
eða venjulegar uppáhellingar.“
Þegar Helga Guðrún er innt eftir
því hvort haldið hafi verið upp á af-
mælið segir hún hófstillta stemningu
hafa myndast. „Allir starfsmenn, bæði
norðan og sunnan heiða, fengu hátíðar-
tertu í tilefni afmælisins.“
En hvað er á dagskrá Nýju Kaffi-
brennslunnar í nánustu framtíð? „Við
brennum og mölum dag og nótt, sláum
hvergi af gæðunum og gerum okkar
besta í tengslum við verð.“
martaf@frettabladid.is
NÝJA KAFFIBRENNSLAN: Á SÉR 85 ÁRA LANGA SÖGU
Nátengd kaffisögu Íslendinga
Námskeið um ræktun
kryddjurta verður hald-
ið hjá Endurmenntun Há-
skóla Íslands annað kvöld
frá klukkan 19.30 til 22.
Í fréttatilkynningu frá
Endurmenntun segir að
ferskleiki sé afar mikilvæg-
ur til að kryddjurtir njóti
sín til fulls og því sé fátt
betra en að hafa aðgang að
þeim beint úr eigin ræktun.
Ræktun, ræktunarskipulag,
sáning, forræktun, plöntun,
jarðvegur, áburðargjöf, um-
hirða, plöntuheilbrigði, upp-
skera, geymsla og ræktun
innandyra á helstu tegund-
um kryddjurta sem þrífast
utandyra hérlendis verða
því á meðal helstu efnis-
þátta á námskeiðinu.
Björn Gunnlaugsson
hefur umsjón með nám-
skeiðinu, sem er í samstarfi
við Horticum menntafélag.
Námskeiðsgjald er 4.900
krónur.
Nánar á www.endur-
menntun.hi.is.
Krydd í tilveruna
GOTT Í GOGGINN Ræktun og notkun kryddjurta verður til umfjöllunar á
námskeiði á vegum Endurmenntunar Háskóla Íslands. NORDICPHOTOS/GETTY
Móðir okkar, tengdamóðir, amma, lang-
amma og langalangamma,
Sólborg Hulda
Þórðardóttir,
Hjúkrunarheimilinu Sóltúni, áður
Stigahlíð 18, Reykjavík,
lést fimmtudaginn 11. júní. Útför hennar fer fram frá
Háteigskirkju miðvikudaginn 24. júní kl. 15.00.
Þórður Adólfsson Elsa Jóhanna Gísladóttir
Adólf Adólfsson Monika Magnúsdóttir
og fjölskyldur.
Ástkær fósturfaðir minn, tengdafaðir,
afi og langafi,
Geir Sigurðsson
pípulagningamaður,
Strandaseli 1, Reykjavík,
sem lést á Landspítalanum 15. júní sl. verður jarð-
sunginn frá Fossvogskapellu miðvikudaginn 24. júní
kl. 15.00. Blóm og kransar vinsamlegast afþakkaðir en
þeim sem vilja minnast hans er bent á Ljósið, endur-
hæfingar- og stuðningsmiðstöð krabbameinsgreindra.
Starfsfólki á krabbameinsdeild Landspítalans eru færð-
ar hjartans þakkir fyrir góða og hlýja umönnun.
Ása Birna Áskelsdóttir Stefán Ómar Oddsson,
Þórný Pétursdóttir Baldur Már Bragason
Ómar Rafn Stefánsson
Ragnhildur Birna Stefánsdóttir
og barnabarnabörn.
Eiginmaður minn, faðir tengdafaðir og afi,
Albert Ólafsson
bakarameistari,
verður jarðsunginn frá Fossvogskirkju þriðjudaginn
23. júní kl 13.00. Blóm og kransar afþakkaðir. Þeim
sem vilja minnast hans er bent á Alzheimerfélagið eða
Asma- og ofnæmisfélagið.
Ragnhildur Einarsdóttir
Anna E. Thorsen Benny Thorsen
Erla Albertsdóttir
Einar Albertsson
Ólafur Albertsson Imelda Caingcoy
Albert Albertsson
og barnabörn.