Samvinnan - 01.08.1949, Blaðsíða 15

I sumar hafa Ferðaskrifstofa ríkisins og
Skipaútgcrð ríkisins efnt í fyrsta sinn til
hópfcrða íslendinga til annarra landa. Af
gjaldcyrisástæðum var ákveðið að farið
skyldi til Glasgow, enda hafa ferðamenn
af Bretlandseyjum farið þaðan hingað til
lands á íslen/.kum skipum. Alls munu um
1000 íslendingar hafa tekið þátt í þessum
ferðum í sumar, en um 400 ferðamenn af
Bretlandseyjum. Vilhj. S. Vilhjálmsson,
rithöfundur, var með í fyrstu ferðinni 3.
—13. júní sl., og segir hann lesendum
„Samvinnunnar“ hér í stórum dráttum
frá því, sem bar við í förinni á sjó og
landi og þeim áhrifum, sein hann varð
fyrir. — Flestar myndimar tók Sigurður
Úlfarsson, húsgagnasmiður.
Majórinn.
Fyrsta hópferð íslendinga til
SKOTLANDS
|j Eftir Vilhjálm S. Vilhjálmsson |
Ungur Skuu.
I.
INNST nokkur sá unglingur á ís-
landi, út við sjó eða upp til dala,
sem ekki dreymir um að komast eitt
sinn út og sjá önnur lönd? Eg hef
engan hitt, sem ekki hefur átt slíkan
draum. Fyrrum var það aðeins draum-
ur, sem flestir trúðu varla á að mundi
rætast — og trúa ungir menn þó í
lengstu lög að þeim verði allir vegir
færir, — og þegar fullorðinsárin komu,
heimili, maki og börn, gleymdist
draumurinn að mestu, varð aðeins að
gamalli, glæsilegri von, sem ekki rætt-
ist, en sem hugurinn hvarflaði til á
hvíldarstundum og vakti óljósa, hálf-
gleymda þrá.
Nú er þetta breytt, eins og allt ann-
að með íslenzku þjóðinni. Allir ung-
lingar telja nú, að draumurinn um að
fara út og sjá heiminn, muni rætast
fyrr en varir, jafnvel næsta sumar eða
hitt sumarið, eða einhvern tíma bráð-
um. Þeir búa sig undir það, safna sér
fé til fararinnar og afla sér kunnleika
um þau lönd, sem þá langar mest til
að kynnast.
Líkast til eru fáar þjóðir haldnar
eins sterkri útþrá og við íslendingar.
Astæðan er auðsæ. Land okkar er langt
frá öðrum löndum, einangrað í víð-
áttumiklu hafi, gjörólíkt flestum öðr-
um löndum, en auk þess voru forfeður
okkar djarfir landleitarmenn og arfur-
inn frá þeim er í blóði okkar.
Eg efast um, að nokkur þjóð hafi á
síðustu árum, síðan styrjöldinni lauk,
ferðazt eins mikið úr landi sínu og við
íslendingar. Ástæðurnar fyrir því að
þeir hafa getað þetta, liggja og í aug-
um uppi. Löngunin til ferðalaganna
hefur alltaf verið fyrir hendi, efni
hefur aðeins skort þar til nú. Nú hefur
efnahagsafkoma fólks gjörbreytzt frá
15