Samvinnan - 01.09.1958, Blaðsíða 6
Aðsetur Kaupfélags Saurbæinga var nýlega flutt frá Salthólmavík að Skriðulandi,
uppi við þjóðveginn. Þar var byggt nýtt verzlunarhús og sést það hér á myndun-
um. Það er, eins og sjá má, í nútímastíl, allt á einni hæð og vel skipulagt. Neðri
myndin er úr sölubúðinni. Skúli Norðdahl arkitekt teiknaði húsið.
inga. Húsinu fylgir 1 ha. eignarlóð úr
landi Máskeldu.
Aðrar eignir Kaupfélags Saurbæinga
eru íbúðarhús kaupfélagsstjóra að Ásum
við Salthólmavík ásamt 10 ha. af Iandi,
sem að nokkru er ræktað. Þar á kaup-
félagið einnig vörugeymslu, sláturhús og
þrjá báta. Tveir þeirra voru notaðir til
uppskipunar og auk þeiiTa var einn
mótorbátur. Nú er í ráði að selja þá,
vegna þess, að bryggjugerð í Skarðsstöð
gerir að minnsta kosti óþarft að eiga þá
alla.
í Skarðsstöð var byrjað á bryggju fyr-
ir tveim árum og nú er hún hálfgerð eða
rúmlega það. í vor sem leið var skipað
þar upp sementi og timbri úr millilanda-
skipum, bæði fyrir Kaupfél. Saurbæinga
og Kaupfél. í Króksfjarðarnesi. í Skarðs-
stöð er ætlað að verði útflutningshöfn
fyrir Dalasýslu.
Kaupfélagið á stóran Henchel-vöru-
bíl og með honum eru mikið til allar
vörur til félagsins fluttar. Svínadalur
verður oft ófær og þá er vegurinn rudd-
ur, ef bíllinn þarf að komast eftir nauð-
synjum. Aftur á móti er leiðinni yfir
Bröttubrekku yfirleitt haldið opinni.
Gamla búðin í Salthólmavík var rifin
í sumar. Hún var byggð 1914. Á sínum
tíma var það gott hús, en óupphitað og
þess vegna var erfitt að geyma i því
vörur. Timbrið úr húsinu verður að
nokkru leyti notað til að byggja gevmslu
yfir sekkjavöru á Skriðulandi. I Salt-
hólmavík á félagið einnig verkamanna-
hús, sem notað er til þess að hýsa menn
í sláturtíð.
Guðmundur Hjálmarsson, kaupfélagsstj. Páll Theódórs, Stórholti, formaður K.S. Lárus Daníelss., Fr.-Brekku, í stjórn K.S.
6 SAMVINNAN