Fréttablaðið - 02.09.2009, Blaðsíða 27

MIÐVIKUDAGUR 2. SEPTEMBER 2009 7ljósanótt ● fréttablaðið ●
SUNNUDAGUR 6. SEPTEMBER
09.00 Opið golfmót í Leiru í boði
Hótels Keflavíkur.
11.00 Söguganga um gamla
varnarsvæðið – Ásbrú.
12.00-14.00 Fjölskylduhátíð
Keflavíkurkirkju.
13.00-17.00 Opið hús hjá Pílukast-
félagi Reykjaness. Staðsetning:
Hrannargata 6.
14.00 Fjölskyldutónleikar á vegum
gospelkrakka Hjálpræðishersins í
Duushúsum.
16.00 Hátíðartónleikar – Íslandsbanki
og Nettó. Staðsetning: Salur Fjöl-
brautaskóla Suðurnesja.
Kórar svæðisins og einsöngvarar
flytja lög og atriði úr söngleikjum og
óperum m.a. úr Jesus Christ Superstar,
Fiðlaranum á þakinu, My Fair Lady og
La boheme. Söngvarar: Valdimar
Haukur Hilmarsson baritón, Bragi
Jónsson bassi, Rúnar Guðmundsson
tenór, Jóhann Smári Sævarsson bassi,
Bylgja Dís Gunnarsdóttir sópran,
Dagný Jónsdóttir sópran, Jelena
Raschke sópran, Elmar Þór Hauksson
tenór, Karlakór Keflavíkur, Kvennakór
Suðurnesja, Kór Keflavíkurkirkju,
Orfeus. Hljómsveitir: Talenturnar.
Hanna Björg Konráðsdóttir, Birna
Rúnarsdóttir, Sólmundur Friðriksson,
Kristján Jóhannsson og Sigrún Gróa
Magnúsdóttir. Léttsveit Tónlistarskóla
Reykjanesbæjar. Stjórnandi er Arnór
Vilbergsson.
SÝNINGAR
SÝNINGAR Í DUUSHÚSUM
Duusgötu 2 - 8
Opið: fimmtudag 13 - 17, föstudag 11
- 17, laugardag 12 - 19, sunnudag 13 -
18.
Flökkuæðar - Loftfar/Vessels - Inga
Þórey Jóhannsdóttir í listasal
Farangur og farartæki er helsti
efniviður Ingu Þóreyjar sem í verkum
sínum leitar að svæðinu milli svefns
og vöku, þess augljósa og þess sem er
óaðgengilegt. Sýningin samanstend-
ur af þrívíðum málverkum, máluðum
skúlptúrum, hljóð- og ljósaverki sem
stillt er upp þannig að úr verður
nokkurs konar umferðarmiðstöð.
Sýningin stendur til 18. október.
Verk Eggerts Guðmundssonar í
bíósal
Verkin á sýningunni eru fjölbreytt að
efnisvali: olíuverk, teikningar o.fl. en
verkin eiga það sammerkt að flest
þeirra eru í eigu bæjarbúa sjálfra.
Eggert Guðmundsson var fæddur í
Stapakoti í Innri-Njarðvík, árið 1906.
Eggert var vinsæll málari og hélt fjölda
sýninga bæði hér á Íslandi og erlendis.
Sýningin í Duushúsum mun standa til
27. september.
Völlurinn - sýning um starfsemi
bandarísku herstöðvarinnar og þau
áhrif sem hún hafði sem vinnustaður
og nágranni á byggðarlögin í kring.
Bátasafn Gríms Karlssonar
Norðurljós á Ljósanótt - ljósmyndir
Olgeirs Andréssonar í anddyri
Duushúsa.
Leyfið börnunum að koma til mín -
Keflavíkurkirkja. Myndlistarsýning
listamanna úr Reykjanesbæ fjallar um
textann í MK 10.13-16 sem jafnan er
lesinn við skírn. Málverkin verða til
sölu og rennur hluti andvirðisins til
æskulýðsstarfs við Keflavíkurkirkju.
Libia og Ólafur í Suðsuðvestur,
Hafnargötu 22
Libia Castro og Ólafur Ólafsson sýna
myndbandsverkið Caregivers (2008)
sem þau unnu fyrir Evrópu-tvíæring-
inn Manifesta 7 sem haldinn var á
Norður-Ítalíu á síðasta ári. Sýningin
mun standa til 11. október.
SÝNINGAR Í GRÓFINNI 8
40 ára afmælissýning myndlistar-
manna
Listasafn Erlings Jónssonar -
Skúlptúrar og lágmyndir
Steinunn Guðnadóttir hönnuður -
Vörur úr leðri með fiskroði.
Rut Ingólfsdóttir, keramiker - Gifsverk
– Gúbbar
Halla Har - Listakona
Árni Jakob sýnir
tíu ára afmælishátíðar
● ÁRGANGAR
GANGA SAMAN
Dagskrá Ljósanætur nær há-
punkti sínum á laugardaginn
og hefst með árgangagöng-
unni á Hafnargötunni. Þar hitt-
ast árgangar við sitt húsnúmer
á Hafnargötunni. Þannig hittast
þeir sem eru fæddir árið 1950
við Hafnargötu 50 og svo fram-
vegis. Árgangagangan hefst frá
Hafnargötu 88 þar sem yngstu
þátttakendurnir eru og geng-
ur sem leið liggur niður Hafnar-
götuna í átt að hátíðarsvæði.
Við lok göngunnar raða þátttak-
endur sér upp fyrir framan stóra
sviðið þar sem Árni Sigfússon
bæjarstjóri setur dagskrána og
við tekur óvænt skemmtiatriði.
Árgangagangan er skemmti-
legur viðburður á ljósanótt og
tilvalin fyrir árganga að hittast
- oft verða fagnaðarfundir.
Gangan er opin öllum, bæði
innfluttum og gestum á hátíð-
inni. Í ár er heiðursárgangurinn
1959 sem ætlar að fjölmenna
og halda upp á 50 árin með
stæl í göngunni.
Sjá nánari upplýsingar um dagskrá Ljósanætur á ljosanott.is. Þar er
einnig hægt að fá dagskrána í símann í samstarfi við Ými mobile guide.
Veittar verða upplýsingar um Ljósanótt á sýningunni Reykjanes 2009 í
Akademíunni, Menntavegi 1.
Ljósanótt er menningar- og fjölskylduhátíð og eru foreldrar hvattir til þess
að njóta hátíðarinnar með börnum sínum. Minnt er á útivistartíma
barna.
Góða skemmtun!
Kynntu þér námið, íbúðirnar
og aðstöðuna á sýningunni
Reykjanes 2009.
Frumkvöðlanámið er öflug blanda hagnýtra námsgreina
og vinnu við þróun viðskiptahugmyndar undir handleiðslu
færustu sérfræðinga. Nemendur útskrifast með gráðuna
PDE (Professional Diploma in Entrepreneurship).
Kennsla fer fram í Eldey, frumkvöðla- og orkusetri en þar
hafa nemendur aðgang að rannsóknar- og skrifstofuaðstöðu,
fundarherbergjum, kaffistofu og gagnasmiðju innan um
frumkvöðla og sprotafyrirtæki á vegum NMÍ.
Auk námskeiða veita sérfræðingar og vísindamenn frá HÍ
og NMÍ nemendum aðstoð og ráðgjöf við vinnslu
viðskiptaáætlunar, fjármögnunar, styrkumsókna, stofnunar
og reksturs fyrirtækja.
Nemendur hafa einnig aðgang að þjónustu náms- og
starfsráðgjafa og upplýsingafræðings á bókasafni Keilis.
Frumkvöðlanámið hjá Keili er einstaklingsmiðað tveggja anna
nám. Námið hentar bæði þeim sem eru í vinnu og þeim sem
vilja helga sig þróun viðskiptahugmyndar sinnar.
Námskeiðin eru kennd í lotum sem eru að jafnaði frá
fimmtudegi til laugardags á tveggja vikna fresti. Lánasjóður
íslenskra námsmanna (LÍN) veitir lán fyrir skólagjöldum og
framfærslu eftir reglum sjóðsins og framvindu nemenda.
FRUMKVÖÐLANÁM
Nám byggt á þinni
viðskiptahugmynd
Keilir býður upp á eins árs frumkvöðlanám (60 ECTS) á háskólastigi.
Námið er skipulagt í samstarfi Keilis, verkfræði-og náttúruvísindasviðs
Háskóla Íslands og Nýsköpunarmiðstöðvar Íslands. Í lok námsins standa
nemendur uppi með fullþróaða viðskiptahugmynd og viðskiptaáætlun
sem tilbúin er til fjármögnunar.
Tökum enn við umsóknum!