Fréttablaðið - 21.09.2009, Qupperneq 15

Sölufulltrúi Jóna María Hafsteinsdóttir jmh@365.is 512 5473
„Pabbi fann þessa borðplötu, sag-
aði hana í tvennt og setti á hana
borðfætur,“ segir Tinna um fund-
arboðið góða. Úr varð hin smekk-
legasta mubla sem yfirleitt nýtist
sem fundarborð en má einnig taka
í sundur og nota sem tvö aðskil-
in borð. „Svo fær mamma við
og við að kippa því fram og nota
undir kökurnar,“ segir Tinna Ósk
Grímars dóttir, grafískur hönnuð-
ur, prentsmiður og ein þriggja drif-
fjaðra vefsíðunnar mömmur.is.
Á síðunni mömmur.is má sjá
myndir og leiðbeiningar um hvern-
ig útbúa eigi kökur sem eiga fáa
sína líka, þar eru líka hugmynd-
ir um hin ýmsu þemu sem notast
má við í veisluhaldi auk þess sem
þar er hægt að panta kort fyrir
hin ýmsu tilefni sem Tinna Ósk
útbýr. Kortagerðin og síðuhönn-
unin hófst fyrir alvöru síðasta
haust en þá ætlaði Tinna Ósk, að
snúa aftur úr fæðingarorlofi til
vinnu. Ekki gengu áætlanir eftir
því þegar hún kom til starfa beið
hennar uppsagnarbréf vegna sam-
dráttar á vinnustaðnum. Þótt erfitt
hafi verið að missa vinnuna ákvað
Tinna að láta ekki hugfallast held-
ur nýta sér menntun sína til að
skapa sér ný tækifæri. Hún fékk
styrk frá Vinnumálastofnun til að
útfæra hugmynd að síðunni mömm-
ur.is en henni hafði hún haldið úti í
samvinnu við systur sína, Hjördísi
Dögg Grímarsdóttur, og móður,
Petrúnu Berglindi Sveinsdóttur.
Tinna Ósk sér um viðhald og
hönnun síðunnar auk kortagerðar-
innar en Hjördís og Petrún sjá um
kökugerðina og textann á síðunni.
„Þetta sló alveg í gegn,“ segir
Tinna um viðtökurnar á kortun-
um. Hún segir fólk kunna vel að
meta að geta keypt íslenska vöru í
gegnum Netið. Tinna hefur komið
sér upp smekklegri skrifstofu til
að sinna fyrirtækinu sem rekið
er í húsi foreldra hennar á Akra-
nesi. Inni á skrifstofunni stendur
svo eftirlætishúsgagn Tinnu og
fundarborð mæðgnanna sem fjöl-
skyldufaðirinn Grímar útbjó af
stakri útsjónasemi. „Þessi borð-
plata hefur orðið að mjög fjölnota
húsgagni sem ég held mikið upp á,“
segir Tinna.
karen@frettablad.is
Mömmurnar funda við
borðið frá pabbanum
Tinna Ósk Grímarsdóttir, grafískur hönnuður og vefstjóri síðunnar mömmur.is, segir fundarborðið á
heimilinu eftirlætishúsgagnið sitt. Það smíðaði pabbi hennar úr gömlum munum héðan og þaðan.
Tinna Ósk Grímarsdóttir, ein þriggja driffjaðra vefsíðunnar mömmur.is, við borðið góða sem Grímar faðir hennar útbjó fyrir
mæðg urnar til að nota sem fundarborð, skrifborð og hlaðborð undir kökur og góðgæti. FRÉTTABLAÐIÐ/ANTON
LÍTIÐ LÍFRÍKI AÐ VETRI Í sumar vöknuðu margir til vitundar
um hve gott og gefandi það getur verið að rækta sínar eigin mat-
jurtir. Með Aerogarden er hægt að stunda ræktun allt árið. Maður
einfaldlega fyllir hann af vatni, kemur fræboxunum fyrir og stingur í
samband. Innan skamms birtast tómatar, kryddjurtir eða jarðarber.
Frekari upplýsingar má finna á grodurhus.is.
Meirapróf
Upplýsingar og innritun
í síma 5670300