Fréttablaðið - 28.09.2009, Blaðsíða 16

16 28. september 2009 MÁNUDAGUR
timamot@frettabladid.is
MERKISATBURÐIR
1930 Elliheimilið Grund í
Reykjavík vígt.
1958 Samtals 79,2 prósent
kjósenda í Frakklandi
samþykkja nýja stjórnar-
skrá í þjóðaratkvæða-
greiðslu sem markar upp-
haf fimmta lýðveldisins í
sögu Frakklands.
1968 Við Menntaskólann við
Hamrahlíð er sett upp
höggmyndin Öldugjálfur
eftir Ásmund Sveinsson.
1969 Brot úr Murchison-loft-
steininum falla til jarðar í
Ástralíu.
1988 Önnur ríkisstjórn Stein-
gríms Hermannssonar
tekur við völdum.
1991 Stofnað er landssamband
björgunarsveita og hlýtur
nafnið Landsbjörg.
Þennan dag árið 1943
gáfu Haraldur Böðvars-
son, útgerðarmaður
á Akranesi, og kona
hans, Ingunn Sveins-
dóttir, Skagamönnum
Bíóhöllina á Akranesi.
Vildu þau hjónin
Haraldur og Ingunn
að öllum ágóða sem
hugsan lega hlytist af
rekstri hússins yrði
varið til menningar-
mála á Akranesi.
Bíóhöllin rúmar
um 300 manns í sæti
og er hljómburður í henni mikill og góður. Þótt
Bíóhöllin á Akranesi sé eitt elsta kvikmynda-
hús landsins, en hafist var handa við byggingu
þess árið 1942, er það
enn í notkun og þykir
sómi af.
Kvikmyndasýning-
ar eru í húsinu einu
sinni til tvisvar í viku.
Auk þess hefur Bíó-
höllin undanfarin
misseri verið nýtt til
ýmissa samkoma á
Akranesi svo sem tón-
leikahalds, leiksýn-
inga, fundahalda og
ýmissa annarra við-
burða.
Húsið er enn í eigu
Akraneskaupstaðar. Afkomandi þeirra hjóna, Ís-
ólfur Haraldsson sem sjá má á myndinni, hefur
séð um reksturinn.
ÞETTA GERÐIST: 28. SEPTEMBER ÁRIÐ 1942
Bíóhöllin gefin Skagamönnum
ÞORSTEINN ERLINGSSON LÉST
ÞENNAN DAG ÁRIÐ 1914.
„Ég trúi því sannleiki að
sigur þinn að síðustu veg-
inn jafni.“
Þorsteinn Erlingsson (1858-
1914) ólst upp í Hlíðar-
endakoti í Fljótshlíð. Þor-
steinn fékkst mikið við
blaðamennsku, þýðingar og
kveðskap. Ádeila á kirkju og
ríkjandi hefðir í þjóðfélag-
inu er ríkur þáttur í skáldskap
hans. Auk þess var hann mikill
náttúruunnandi og dýravinur
og kemur hvort tveggja vel
fram í kvæðum hans.
Radisson SAS Hótel Saga og Park Inn
Island standa fyrir árlegu samfélags-
átaki nú í september og að þessu sinni
er það til styrktar Umhyggju, styrktar-
félagi langveikra barna.
Bjarni Gunnar Kristinsson, yfir-
matreiðslumaður á Grillinu og sjón-
varpskokkur í Eldum íslenskt, mun
leggja átakinu lið með því að bjóða
upp á matreiðslunámskeið á Grillinu
mánudagskvöldið 5. október klukkan
17. Þátttökugjald er 5.000 krónur og
rennur óskipt til umhyggju.
Septembermánuður ár hvert er til-
einkaður ábyrgum viðskiptaháttum og
samfélagsátaki hjá keðjunni Rezidor
Hótel sem er móðurfélag hótelanna
Radisson SAS og Park Inn. Sjötta árið
í röð taka hótelkeðjurnar um allan
heim höndum saman og láta gott af sér
leiða með því að virkja starfsmenn,
gesti og almenning til góðra verka.
Liður í því er að safna fé til styrktar
World Childhood Foundation sem og
að styrkja innlendan málstað.
Eldað til styrktar Umhyggju
SAMFÉLAGSÁTAK Sjötta árið í röð taka hótel
undir Rezidor Hótel-keðjunni höndum
saman og láta gott af sér leiða.
FRÉTTABLAÐIÐ/GVA
Séu í raun til einhver lög um réttlæti á
borð við karmalögmálið þá fór heldur
lítið fyrir þeim daginn sem Ágústu Ernu
Hilmarsdóttur, 35 ára hjúkrunarfræð-
ingi, var tjáð að hún væri með brjósta-
krabbamein.
Árum saman hafði hún unnið að bætt-
um stuðningi við krabbameinssjúka.
Starf hennar hófst í raun árið 1994
þegar systir hennar Hildur Björk Hilm-
arsdóttir veiktist af bráðahvítblæði, þá
23 ára. Við tók átta mánaða lyfjameð-
ferð. Meðan á henni stóð reyndi Hildur
að setja sig í samband við samtök ungs
fólks með krabbamein. Leitin að þeim
bar ekki árangur, þau voru einfaldlega
ekki til á þessum tíma. Þegar lyfjameð-
ferðinni lauk virtist bati hafa fengist.
En þegar 27 ára afmælisdagurinn var í
nánd greindist Hildur aftur með krabba-
mein. Ljóst var að hún þyrfti að fara í
beinmergskipti til Svíþjóðar til að fá bót
meina sinna. Ágústa var eini mögulegi
merggjafinn og við tóku erfiðir tímar
hjá þeim systrum.
„Við göntuðumst oft með það á þess-
um tíma að við værum alveg mergjað-
ar systur,“ segir Ágústa. En þær voru
ekki bara mergjaðar systurnar heldur
bjó í þeim mikill kraftur og hann vildu
þær nýta til að styðja annað ungt fólk
sem glímdi við krabbamein og aðstand-
endur þeirra. Í byrjun október árið 1999
tók stuðningsfélagið Kraftur til starfa
og voru systurnar meðal stofnenda. Frá
þeim tíma hefur félagið stutt við bak
ungra krabbameinssjúklinga.
Félagsmenn Krafts fagna tíu ára af-
mæli félagsins 3. október. „Við erum
ekki grátkór, heldur ungt fólk sem styð-
ur hvert annað, með bjartsýni og von að
leiðarljósi.“ Setningin á undan kemur
fram í kynningartexta félagsins og það
viðhorf kemur sterklega fram þegar
Ágústa ræðir reynslu sína. Hún var for-
maður aðstandendanefndar í nær átta ár,
hafði á sér stuðningssíma samtakanna
á sér í álíka langan tíma en í þann síma
getur fólk hringt hvenær sem er í leit að
aðstoð. Auk þess var hún hjúkrunarfræð-
ingur á blóðlækningadeild Land spítalans
en síðar stofnaði hún fyrirtæki sitt Hrif
en það býður upp á alhliða heilsueflingu
innan fyrirtækja.
Það var því ekki að undra að fólk teldi
óvenju grimmilegt óréttlæti að hún fengi
brjóstakrabba aðeins 35 ára. „Sumir
sögðu að þetta væri kaldhæðni. Ég veit
ekkert um það. Ég held að ég hafi alltaf
gert mér grein fyrir að þetta gæti hent
mig eins og aðra,“ segir Ágústa en lík-
urnar áttu þó að vera takmarkaðar þar
sem brjóstakrabbi þekkist ekki í fjöl-
skyldu hennar og þar fyrir utan var hún
um það bil þrjátíu árum undir meðal-
aldri þeirra sem greinast með meinið.
Ágústa hefur verið frá vinnu í um eitt
og hálft ár en meðferðin lagðist mjög
þungt á hana. Segir hún að það hafi ekki
verið sjúkdómurinn sjálfur sem henni
hafi þótt erfiðast að takast á við, hún hafi
verið þess fullviss um að lifa af og hræð-
ist auk þess ekki dauðann. „Heldur hafi
mér þótt skelfilegast að fara frá vinn-
unni sem ég hafði lagt svo mikið á mig
við að byggja upp,“ segir Ágústa. Svo vel
vildi hins vegar til að Hildur systir henn-
ar er menntaður íþróttakennari og þar
að auki í MBA-námi á þessum tíma og
nýttist það vel við stjórnun fyrirtækis-
ins. „Ég hef verið að byggja mig upp að
undanförnu með gönguferðum auk þess
sem ég stundaði veiði í sumar,“ segir Ág-
ústa bjartsýn á framtíðina. „Það verður
nú ekki annað sagt en það sé kraftur í
okkur.“
karen@frettabladid.is
ÁGÚSTA OG HILDUR HILMARSDÆTUR: STOFNUÐU KRAFT FYRIR ÁRATUG
Systurnar lifðu af krabbamein
BÁÐAR FENGU KRABBAMEIN Hildur veiktist
tvívegis af bráðahvítblæði. Systurnar stofn-
uðu þá félagið KRAFT til aðs styðja við ungt
fólk með krabbamein. Í fyrra veiktist svo
Ágústa af brjóstakrabbameini.
FR
ÉTTA
B
LA
Ð
IÐ
/A
N
TO
N

AFMÆLI
HILARY DUFF leikkona er 22 ára
í dag.
MIKA HÄKKINEN Formúlu 1
kappi er 41 árs í dag.
Ástkær faðir okkar, tengdafaðir, afi, lang-
afi og langalangafi,
Magnús Þórarinn
Sigurjónsson
Lindargötu 61, Reykjavík,
verður jarðsunginn frá Dómkirkjunni þriðjudaginn
29. september kl. 15.00.
Ólafur Magnússon Jóna Guðjónsdóttir
Jónína Magnúsdóttir
Gylfi Þór Magnússon
Anna Sigurlaug Magnúsdóttir Frímann Ingi Helgason
Sigurjón Magnússon Helga Tryggvadóttir
og afabörn.
Ástkær eiginmaður minn, faðir,
tengdafaðir, sonur, tengdasonur og bróðir,
K. Árni Kjartansson
Lindarhvammi 4, Hafnarfirði,
verður jarðsunginn frá Laugarneskirkju þriðjudaginn
29. september kl. 13.00. Blóm og kransar vinsamlega
afþakkaðir en þeim sem vilja minnast hans er bent á að
láta líknarfélagið Karítas, Ægisgötu 26, njóta þess.
Guðrún Júlíana Ágústsdóttir
Ágúst M. Árnason Linda Garðarsdóttir
Sigurbjörg Unnur Árnadóttir Lára E. Mathiesen
Kjartan Ingimarsson
Steinunn Jónsdóttir
og systkini hins látna.
Þökkum öllum þeim sem sýndu okkur hlý-
hug í langvarandi veikindum og við andlát
og útför eiginkonu, móður, tengdamóður
og ömmu okkar,
Maryjar Alberty
Sigurjónsdóttur
hjúkrunarkonu, Faxatúni 32, Garðabæ.
Sérstakar þakkir til hjúkrunarfólks og lækna á ýmsum
deildum Landspítala, St. Jósefspítala Hafnarfirði,
starfsfólki dagvistar og hjúkrunarfólki í Holtsbúð,
Heimahjúkrun Garðabæjar og Sjúkraþjálfun
Garðabæjar. Þið hafið öll gefið okkur styrk í sorginni.
Guð blessi ykkur öll.
Jón Fr. Sigvaldason
Ragnheiður Edda Jónsdóttir Guðmundur Þór Kristjánsson
Líney Rut Guðmundsdóttir
Jón Grétar Guðmundsson