Fréttablaðið - 28.09.2009, Blaðsíða 20

28. SEPTEMBER 2009 MÁNUDAGUR4 ● fréttablaðið ● híbýli og viðhald
Íslendingar virðast hafa meiri
tíma í kreppunni en áður til
þess að dytta að húsum sínum,
innanhúss sem utan. Litlar
breytingar, sem ekki eru mjög
kostnaðarsamar en gera mikið
eins og að mála, hafa verið
mjög vinsælar.
„Það hefur orðið áherslubreyt-
ing með tilkomu kreppunnar.
Þeir stóru í geiranum hafa dregið
saman en almenningur hefur hald-
ið dampi og gerir breytingar sem
eru ódýrar en fríska upp á heimil-
in,“ segir Arnar Már Þorsteinsson,
sölumaður í málningardeild Húsa-
smiðjunnar í Skútuvogi. „Fólk er
einnig að dytta að utanhúss. Veðrið
yfir sumartímann í ár hefur verið
sérstaklega gott og bjargað miklu
auk þess sem maður skynjar að
fólk hefur meiri tíma. Í stað þess
að fara í utanlandsferðir og önnur
ferðalög hefur fólk verið að gera
heimilið sitt að sínum sælureit.“
Hann segir söluna á málningu
sambærilega og síðustu ár. „Lita-
val fólk hefur hins vegar aðeins
verið að breytast. Áður keypti fólk
nánast ekkert nema hvíta máln-
ingu, nánast sjúkrahúshvíta, en nú
er fólk farið að taka aðeins hlýlegri
liti og sterkari. Það málar ef til vill
aðeins einn vegg í þeim litum en
hvítu litirnir eru líka orðnir fjöl-
breyttari. Fólk er líka farið að gera
hlutina meira upp á eigin spýtur og
það málar jafnt flísar sem eldhús-
innréttingar í stað þess að brjóta
niður og henda eins og áður var al-
gengt. Það reynir sem sagt að nýta
hlutina betur en áður.“
Valdimar Gunnar Sigurðsson,
málarameistari og söluráðgjafi
Flugger, tekur undir orð Arnars
varðandi áherslubreytingar frá
nýbyggingum til viðhaldsverk-
efna á eldri byggingum. „Margir
hafa notað sumarfríið sitt til þessa
að fegra og verja fasteignir sínar
utanhúss í sumar. Fúavarnarefnin
á skjólveggi og sólpalla standa þá
upp úr en mikil þróun hefur átt sér
stað síðastliðin ár í notkun nátt-
úruvænni efna og einnig eru í boði
fleiri litir en áður hefur þekkst. Nú
þegar hausta tekur og yfir vetrar-
mánuðina er mest málað innan-
dyra og við hjá Flugger erum búnir
að setja fram innanhúsmálninguna
og veggfóðrið.“
Kristján Aðalsteinsson, mál-
arameistari, eigandi Litagleði og
félagi í Málarameistarafélaginu,
segir meira um svokölluð smá-
verk, viðhald og endurbætur á
húseignum en mun minna um ný-
byggingar. „Ætli það sé ekki 50 til
70 prósenta samdráttur í stærri
verkefnum. Það góða fyrir hinn al-
menna neytenda er að nú er meira
af faglærðum mönnum í faginu en
áður, þar sem aðstoðarmenn voru
oft ófaglærðir. Fólk er að kaupa
vinnu af fagmönnum og þá fylgir
ábyrgð með verkinu.“ Kristján
segir að málarameistarar máli allt
sem þurfi að mála hvort sem það
séu flísar og eldhúsinnréttingar,
hurðir eða gluggar. - uhj
Heimilið gert að sælureit
Valdimar, söluráðgjafi Flügger, segir að
efnin séu nú náttúruvænni.
FRÉTTABLAÐIÐ/STEFÁN
Arnar Már í Húsasmiðjunni segir
almenning gera ódýrar breytingar.
FRÉTTABLAÐIÐ/STEFÁN
Kristján, málarameistari í Litagleði, segir fleiri faglærða núna við störf. FRÉTTABLAÐIÐ/ANTON
● ENDURNÝTING RIGNINGARVATNS Íslendingar búa við alls-
nægtir vatns en vatnsskortur og þörfin til að spara vatn er til víða um
heim. Þannig fékk hollenski hönnuðurinn Bas van der Veer upp á snið-
ugri leið til að safna
rigningarvatni úr
rennum.
Hann útbjó ílát
sem hægt er að festa
við rennu. Á ílátinu
er einnig gat fyrir
garðkönnu þannig
að hægt er að safna
vatni beint í hana. Þá
má tengja garð-
slöngu við ílátið og
vökva garðinn með
uppsöfnuðu rigning-
arvatni.
Þetta er bæði snið-
ug lausn og falleg.
www.basvander-
veer.nl.
Flekki sem fá að þorna inn
í við getur verið erfitt að
losna við og þarf oft að beita
sérstökum aðferðum til
að fjarlægja þá án
þess að skemma
viðinn. Erfiðustu
blettirnir eru
fjarlægðir með eftirfar-
andi hætti:
- Til að losna við bjór-
, vín-, kaffi-, ávaxta-,
berja-, mjólkur- og
blóðbletti er best
að nota mildan
hreingerningar-
vökva eins og
grænsápu í vatni.
- Til að losna við
tjöru, skósvertu, súkku-
laði, fitu og olíu þarf hins vegar að
nota míneralska terpentínu. Það
ber þó að gera með varúð.
- Á blek og varalit er best að
nota rauðspritt en á lím og annað
því um líkt aseton. Best er að
leggja klút vættan í efninu á blett-
inn og hvolfa glasi yfir. Það er svo
látið standa í nokkrar mínútur og
límið síðan skafið burt.
- ve
Flekkir fjarlægðir
Best er að fjarlægja flekki sem fyrst.
Ef þeir ná að þorna inn í viðinn þarf að
beita ákveðnum brögðum.
NORDICPHOTOS/GETTY
Sérfræðingar spá bláum tónum vinsældum á næstunni á meðan hvítur er á undan-
haldi. NORDICPHOTOS/GETTY
GÓÐ
VINN
UAÐ
STAÐ
A SK
IPTIR
MÁL
I
ÞVO
TTAH
ÚS