Fálkinn - 13.06.1962, Blaðsíða 16

UM ÞESSAR MUNDIR eru nokkrir leikarar úr
Reykjavík í leikför úti á landi. Leikritið, sem þeir sýna,
er „Rekkjan“ eftir Jan de Hartog, en þetta vinsæla leik-
rit var sýnt í Þjóðleikhúsinu fyrir nær 10 árum.
Sýning Þjóðleikhússins á þessu verki þótti takast mjög
vel og urðu sýningar alls 47 að meðtöldum nokkrum
sýningum, sem voru utan Reykjavíkur. Leikararnir
Gunnar Eyjólfsson og Inga Þórðardóttir fóru þá með
hlutverk leiksins, en Indriði Waage var leikstjóri.
,,Rekkjan“ hlaut mjög lofsamlega dóma og sýningin í
heild þótti bæði listræn og vel unnin.
Hlutverkin eru aðeins tvö og hefst leikurinn á brúð-
kaupskvöldi ungra hjóna. Höfundur kallar leikinn „hjú-
skaparsögu í sex atriðum.“ I leiknum eru rakin mörg
atvik úr fimmtíu ára sambúð þessara heiðurshjóna,
mörg brosleg, en önnur alvarlegs eðlis.
Höfundur „Rekkjunnar“, Jan de Hartog, er hollenzk-
ur að ætt og uppruna. Hann byrjaði snemma að semja
skáldsögur og hlaut viðurkenningu á unga aldri. Fyrsta
leikrit hans „Skipper next to God“ var frumsýnt í
London 1945 og hlaut ágætar viðtökur. Næsta leikrit
hans var svo „Rekkjan“, frumsýnt í London 1950. Þetta