Fálkinn - 15.02.1965, Qupperneq 25

skildi ekki orð af því sem við
töluðum við hann, svo að ekki
þýddi að biðja hann að líta inn
heldur seinna. Eftir klukkan
hálfsex varð engum svefnsamt
fyrir krákunum í garðinum,
sem alveg ætluðu að æra okk-
ur, og þá fórum við á fætur,
en við háttuðum líka milli níu
og tíu á kvöldin.“
Ikomarnir hreiðruðu um sig
undir rúmunum
„Skriðu ekki slöngur inn til
ykkar, þegar allt var svona
opið?“
„Nei, nei, þær eru enn
hræddari við mennina en
mennirnir við þær. Það var
helzt að þær dyttu niður á sval-
irnar úr trjánum, en yfirleitt
eru þær svo varar um sig, að
maður sér þær sjaldan. Á hinn
bóginn þóttust eðlur og íkorn-
ar, leðurblökur, maurar og
hvers kyns skordýr eiga heima
í íbúðinni okkar; íkornarnir
hoppuðu inn um allt og hreiðr-
uðu um sig undir rúmunum
okkar, leðurblökurnar sváfu
yfir skrifborði Sigvalda, og
veggirnir voru svartir af maur-
um, flugum og fiðrildum. En
við vorum svo heppin, að hús-
þrestirnir komu hópum saman
og átu köngullærnar, og eðl-
urnar átu flugur og skordýr,
tíndu jafnvel moskítóurnar af
fótleggjunum á okkur, áður en
þær höfðu ráðrúm til að bíta,
og það vorum við þeim þakk-
lát fyrir.“
Dýraveitingahús á
svölunum
„Sváfuð þið ekki undir
moskítóunetum?“
„Jú, en þær voru naskar að
finna ef einhver blettur var
út undan eða pínulítið gat sem
hægt var að komast inn um.
Ég get ekki sagt, að ég hafi
verið hrifin af skordýrum og
slöngum, en þetta iðandi dýra-
líf í kringum okkur fannst mér
að öðru leyti indælt. Á svöl-
unum höfðum við dýraveitinga-
hús — við sátum aldrei ein-
sömul við máltíðirnar, heldur
flykktust að okkur íkornar og
ýmiss konar fuglar, m. a. krák-
ur, hrafnar og gráir fuglar sem
heita ,Sjö systur', og stiíktu
mat. Við gáfum þeim afgang-
ana og eins þá rétti sem voru
of kryddaðir fyrir okkar
smekk, og þeir þágu allt þakk-
samlega. Það heyrðist varla
mannsins mál við borðið fyrir
kjaftaganginum í þeim, og ég
sakna þeirra oft hérna.“
„Var ekki fullt af slöngum
í garðinum?11
„Jú, jú, bæði slöngum og
sporðdrekum. Þeir eru ekki
baneitraðir, en ef þeir stinga,
fær fórnarlambið krampaflog í
heilan sólarhring á eftir. Þegar
dimmt var orðið, gekk fólkið
um með vasaljós til að stíga
ekki í ógáti ofan á slöngur eða
sporðdreka, og aldrei var mér
um að fara út á kvöldin. ,Fífl-
inu skal á foraðið etja‘, sagði
Sigvaldi og stikaði á undan,
en við Elfa eltum hann dauð-
skelkaðar — til allrar ham-
ingju kom þó aldrei neitt fyr-
ir. Garðurinn var líka fullur
af húsmörðum, þessum yndis-
legu og nytsömu dýrum sem
lifa á slöngum. Þeir eru venju-
lega tveir og tveir saman, því
að þetta eru mikil fjölskyldu-
dýr, og stundum líka mcð
börnin í eftirdragi. Þeir eru á
stærð við kött og tiltölulega
spakir, en sjái þeir slöngu eða
finni lykt af henni, umbreyt-
ast þeir á svipstundu í grimm-
ustu villidýr, og þá á slangan
dauðann vísan.“
Ólýsanlegir töfrar
„Saknarðu Indlands nokkurn
tíma?“
„Já, oft, það er eitthvað seið-
andi og angurvært við landið
og einkennilegir töfrar sem
hvíla yfir því. Ég get ekki al-
mennilega gert mér ljóst i
hverju þeir eru fólgnir, en það
er eitthvað ólýsanlegt í and-
rúmsloftinu — tímaleysi, til-
finningin af ótal liðnum öld-
um sem blandast nútíðinni,
friður og kyrrð... ég man
þessi unaðslegu hlýju tungl-
skinskvöld þegar við sátum
uppi á þaki og horfðum yfir
ósinn á Adyar sem blikaði
milli trjánna, stjörnubjörtu
næturnar sem heilluðu mig, já,
og suður-indverska kaffið sem
við drukkum, bezta kaffi sem
ég hef nokkru sinni bragðað
— það er svo margt minnis-
stætt, bæði smátt og stórt.
Fólkið var elskulegt og ljúft,
vingjarnlegt, þægilegt í fram-
komu, engum lá neitt á, en ég
gleymi heldur ekki örbirgðinni,
þessari ömurlegu fátækt sem
enginn virtist geta bætt úr,
bækluðum börnum sem ekkert
var gert fyrir . .. Við vorum
heilt ár í ferðinni, komum
viða og sáum margt, en bezt
af öllu góðu var þó að koma
heim. Samt verður mér stund-
um á að óska mér í laumi einn-
ar barnalegrar óskar — að
Indland væri ekki alveg svona
langt í burtu . ..“ ★ ★
Þetta er mesti letingi, sem ég
hefi fyrirhitt, hann nennir ekki
einu sinni að hreyfa fæturna!
Kæri Astró,
Ég er fædd 1945 kl. 9 að kvöldi fyrir norðan. Mig langar
að vita það helzta um skapgerð mína. Einnig langar mig að
vita hvað framtíðin hefur upp á að bjóða og þá helzt hvernig
ástamálin ganga, um börn og flcira þess háttar.
Með fyrirfram þakklæti.
Lilla.
Svar til Lillu:
Það fyrsta, sem maður tekur
eftir, þegar litið er á stjörnu-
kort þitt, er, hvað þú hefur
mikla löngun og þörf á góðum
félagsskap, og hvað þú ert raun-
verulega háð öðrum. Þetta er
þó gagnstætt Ljónsmerkiseðl-
inu, sem gerir fólk sjálfstætt í
orðum og gerðum. Merki Ljóns-
ins gefur þér talsvert mikla
metnaðargirni og gerir þig
áhugasama um að verða fram-
ar öðrum í lifinu. Þér er virðu-
leiki og stæi'ilæti í blóð borið.
Stundum hefur þú of mikla
tilhneigingu til að stjórna öðr-
um, en ekkert er þér verra
gert en þegar aðrir vilja fara
að stjórna gjörðum þínum. Það
er einhver versti galli Ljóns-
merkinga að stjórnsemi þeirra
gengur stundum of langt. Þú
hefur ágætan skipulagshæfi-
leika, en þér lætur betur að
skipuleggja fyrir aðra. Skipu-
lagning félags- og menningar-
mála mun eiga vel við þig og
einnig að leggja nokkuð mikla
vinnu og orku í að framfylgja
þeim einka- og félagsmálum,
sem þú kannt að hafa áhuga á.
Þegar þú giftist, má búast
við að eiginmaður þinn verði
nokkuð eldri en þú og að hann
vilji hafa töglin og hagldirnar
í hjónabandinu. Þetta mun
verða töluvert ágreiningsefni
hjá ykkur, og má búast við,
að heimilislífið verði nokkuð
árekstrasamt. Samt sem áður
mun hjónabandið færa þér
hamingju að svo miklu leyti
sem Ljónsmerkingar geta orðið
hamingjusamir i hjónabandi.
Þú hefur góða hæfileika til
að skilja aðra og gæti því fólk
leitað til þín um skilning ef
það á í einhverjum erfiðleikum.
Væri vel til fundið af þér að
starfa að málefnum varðandi
sálfræði og félagslega leiðbein-
ingarstarfsemi.
Á þessu ári munu verða
nokkuð miklar bi'eytingar hjá
þér, og má búast við að þu
skiptir um dvalarstað eða eitt-
hvað þess háttar, en hér er um
að ræða skyndilega breytingu.
Einnig munu ástamálin hafa
nokkuð mikið að segja þetta
ár, en þó sérstaklega seinni
hluta ársins 1966. Þá gæti verið
að þú gengir í hjónaband. Árið
1967 verður aftur á móti nokk-
uð erfitt, sérstaklega varðandi
heilsuna og heimilið. Vertu um
fram allt með bæði augun opin
þegar þú gengur í hjónaband.
25
FALKINN