Ljósberinn - 17.05.1924, Blaðsíða 14

166
LJÓSBERINN
nefnilega fjórir á undan, sjóveg með allan farangur-
inn, til að vera búnir að búa alt út áður en göngulið-
ið kæmi.---------
En er við vorum komnir upp á Grenháls, þá blasti
við okkur há flaggstöng, með íslenzka fánanum á. Og
er við vorum komnir nokkru lengra, þá var að sjá
eins og nýlendu, þar sem 4 tjöld og hvítur skúr stóðu
í fallegu rjóðri niður við vatnið.
pá gátu drengirnir ekki stilt sig lengur og hróp-
uðu: „Húrra! Bravó!“ Svo var blásið í lúðurinn, því
3 af skógarmönnum voru komnir upp á þakið á skúrn-
um og veifuðu til okkar þaðan.
pá flýttum við okkur niður í gegnum skóginn. Og
er við áttum örstutt eftir, þá röðuðum við okkur tveir
og tveir og gengum í fylkingu og sungum:
„Áfram, Kristsmenn, krossmenn,
kóngsmenn erum vér“ o. s. frv.
Og er við komum á staðinn, var kl. hálf átta. þeir
tóku á móti okkur opnum örmum og var nú mikil gleði
á ferðum. Er við litum inn í stærsta tj aldið, stóðu þar
tvö borð með bekkjum (til hvorrar handar) hvoru
megin. Við vorum nú mikið glaðir yfir að vera komn-
ir á áfangastaðinn. Og er við vorum búnir að skoða,
hve vel þeir, sem fóru á undan, voru búnir að búa alt
út fyrir okkur, þá borðuðum við kvöldmatinn. Síðan
fórum við að búa um okkur í tjöldunum. Svo áður
en við fórum að hátta, komum við saman í kringum
fánastöngina og sungum, um leið og fáninn var dreg-
inn niður, svo var lesið Guðs orð og beðið. Og við
þökkuðum Drottni fyrir, að hann hafði ekki slept af