Tímarit iðnaðarmanna - 01.03.1963, Síða 7

Að athuguðu máli virðist nefndinni þó fá önnur
verkefni nærtækari og vænlegri til árangurs miðað við
tilkostnað en bætt menntun og auknar kröfur til meist-
araprófs“, . . . og síðar: . . . „Virðist nefndinni væn-
legast til árangurs, að ekki sé í fyrstu of mikið í fang
færzt, en örugglega haldið af stað og reynslu aflað. -
Mætti fljótlega fjölga iðngreinum, þegar öruggri fót-
festu er náð og reynsla fengin af hinu sameiginlega
námsefni.
Nefndin telur eðlilegt, að byrjað verði með skóla
fyrir málmiðnaðarmenn, rafvirkja, trésmiði, múrara og
ef til vill fleiri."
f álitinu er all ýtarleg greinargerð um hugsanlega
almenna kennsluskrá, en helztu greinar, sem gert var
ráð fyrir að kenndar yrðu voru: fsl. verzlunarbréf og
vélritun, stærðfræði og kostnaðarreikningur, bókfærsla
og reksturshagfræði, enska, eðlis- og efnafræði, iðn- og
verzlunarréttur, vinnulöggjöf, slysavarnir og hjálp í
viðlögum, verkstjórn og vinnuhagræðing auk sérstakra
faglegra greina bæði bóklegra og verklegra, eftir þörf-
um hverrar iðngreinar fyrir sig.
Loks ræðir nefndin hugsanlega skipan þessara mála
í fáum dráttum og það, hvernig skólanum yrði komið
á. Um það segir m. a.: „Skólanum lýkur með burtfarar-
prófi, er nefnt verði meistarapróf. Telur nefndin, að
slíkt próf eigi að vera skilyrði fyrir því, að menn geti
öðlast meistarabréf i iðn sinni.
Að sjálfsögðu yrði nauðsynlegt að hafa nokkurn að-
draganda að slíkri skilorðsbindingu, bæði vegna þeirra,
sem þegar eiga rétt til meistarabréfs að lögum, svo og
vegna hinna, sem lokið hafa sveinsprófum, þegar á-
kvæðin verða sett.“
Ekki er undirrituðum kunnugt um, að nefndarálit
þetta hafi verið gefið út né það notað sem undirstaða
við samningu reglugerðar um þetta mál, enda hefur
slík reglugerð enn ekki verið gefin út. Það er og aug-
ljóst, að um nokkurn vanda er hér að ræða, þegar að
því kemur að setja um þetta opinber ákvæði.
f skólanefnd Iðnskólans í Reykjavík hefur mjög
oft verið rætt um þetta mál, og má rekja þær umræð-
ur langt aftur í tímann, enda hefur skólinn í nokkur
skipti reynt að leysa úr þessari þörf með bráðabirgða-
ráðstöfunum í formi námskeiða fyrir ýmsar iðngrein-
ar. Má í því sambandi m. a. nefna, að í skólastjóratíð
Helga Hermanns Eiríkssonar var haldið námskeið
fyrir útlærða húsasmíðasveina og á árunum 1955 og
1959-1960 voru haldin stutt námskeið, í samráði við
byggingarnefnd bæjarins, fyrir þá húsasmíða- og múr-
arameistara, sem höfðu í huga að sækja til nefndar-
innar um löggildingu til að standa fyrir byggingarfram-
kvæmdum í lögsagnarumdæminu. Voru þessi nám-
Tilraunir með steinsteypu utjdirbúnar.
skeið eingöngu hugsuð sem bráðabirgðaráðstafanir þar
til fastur meistaraskóli kæmist á. Sérstaklega var svo
ráð fyrir gert 1959-1960, því þá þegar lá í loftinu að
skólinn kæmist bráðlega á, enda hófust þegar á árinu
1960 viðræður af skólans hálfu við ýmsa aðila innan
iðnfélaganna, til þess að kanna möguleika á því, að
koma á frjálsum meistaraskóla fyrir húsasmiði og múr-
ara. Komst málið á þann rekspöl, að starfandi var um
tíma nefnd skipuðum fulltrúum múrarameistara, húsa-
smíðameistara og skólans. Voru haldnir nokkrir fundir
og ýmsar tillögur um námsefni og námstilhögun rædd-
ar ýtarlega, alit frá stuttum námskeiðum, eins og áður
voru upp í 7 mánaða samfelldan dagskóla. Ekki varð
þó úr framkvæmdum það árið. 1961 hófust viðræður á
ný og voru lagðar ákveðnar tiilögur fyrir skólanefnd
um námsefni, tímafjölda, kennara o. fl. í október 1961.
Jafnframt var málið undirbúið hvað fjárhagshliðina
snerti, við stjórnarvöld ríkis cg Reykjavíkurborgar,
með þeim ágæta árangri, að á fjárlögum fyrir 1962 og í
fjárhagsáætlun borgarinnar fyrir sama ár, var gert ráð
fyrir sérstökum fjárveitingum til meistaraskólans.
Þótt námsskrá og tímaskipting lægi nokkuð ljóst
fyrir strax í byrjun skólaárs 1961-1962, þótti ekki fært
að auglýsa skólann og byrja kennslu fyrr en í rauninni
væri búið að samþykkja fjárlög með umræddri fjár-
veitingu, en strax að því loknu var gengið endanlega
frá öllum áætlunum, rætt ákveðið við kennarana og
skólinn auglýstur fljótt upp úr ársbyrjun 1962. Skólinn
átti að starfa í tveim tímabilum, hið fyrra að byrja 20.
janúar en því síðara að ljúka með prófum 15. desem-
TÍMARIT IÐNAÐARMANNA