Vikan - 21.07.1960, Side 33
Gunnar Friðbjörnsson
— Vel þegið eftir erfiðan próflestur —
Hann hlaut ferðina
til Kaupmannahafnar
Skólauppsögn í Menntaskólanum. Kristinn Ármannsson afhendir Gunnari Frið-
björnssyni prófskírteinið.
Þátttakan í Kaupmannahafnargetrauninni varð ótrúlega mikil, en
þrátt fyrir það, að getraunin var í sjálfu sér mjög létt, voru allmargir,
sem virtust varla trúa því, að hún gæti verið svona auðveld og hafa
þess vegna merkt við þau atriði, sem ekki voru rétt. Samt sendu flestir
réttar lausnir og nákvæmlega þrem vikum eftir að keppninni lauk, var
farið með bunkann til borgarfógeta og Notarius Publicus, Jónas Thor-
oddsen, stjórnaði úrdrættinum. Fyrst varð að sjálfsögðu að skrifa langar
ritgerðir um málið í þykka doðranta, en ung stúlka, dró úr lausnunum.
Upp kom nafn GUNNARS FRIÐBJÖRNSSONAR, Hofteigi 34 hér í bæ.
Var þegar hringt heim til hans og fengust þá þær fréttir, að hann væri
Ungfrúin á Borgardómaraskrifstofunni dró úr pokanum, sem
var nærri fullur en Jónas Thoroddsen, Notarius Publicus,
fylgist með.
í stúdentsprófi og senn að ljúka því. Við hittum Gunnar að máli nokkru
síðar og hann kvaðst himinlifandi yfir tíðindunum og ánægður mjög
að geta lyft sér upp eftir prófvolkið. Hann kvaðst hvorki trúlofaður
né giftur og ólíklegt að hann færi með kvenmann sér við hlið til Kaup-
mannahafnar. Hinsvegar kvaðst hann ekki mundu fara einn og hafði
mestan hug á því að fá einhvern kunningja með sér, sem komið hefði
út áður.
Gunnar Friðbjörnsson er fæddur á Dísarstöðum í Flóa 1940, en átti
þar aldrei heima; foreldrar hans, Friðbjörn Guðbrandsson frá Skálm-
holti og kona hans Guðmunda Guðjónsdóttir frá Disarstöðum hafa búið
í Reykjavík og Friðbjörn hefur verið verkstjóri hjá Byggingarfélag-
inu Goða h.f.
Gunnar kveðst hafa verið við nám á vetrum en oft á Dísarstöðum á
sumrum. Hann lauk stúdentsprófi úr stærðfræðideild í vor og hefur nú
í hyggju að gerast arkitekt. Til þess fer hann í háskóla, annaðhvort í
Þrándheimi eða Kaupmannahöfn. Það tekur hann fjögur og hálft ár,
segir hann, en hann getur ef til vill tekið teikningar í verkfræðideild-
inni hér heima, en það er aðeins einn vetur.
--------og þetta var miðinn, sem upp kom.