Vikan - 09.01.1969, Side 24
AUMINGJA CYNTHIA
Þetta er aumingja Cynt-
hia Lennon, nú tuttugu og
sjö ára og nýskilin við bít-
ilinn John, sem helgar sig
nú algerlega japönsku
leikkonunni Jókó Onó.
Leikkona þessi leggur eink-
um fyrir sig happenings af
ýmsu tagi. Ein leiksýning-
in var til dæmis fólgin í
því að hún kallaði til sin
upp á senu einn úr hópi
áhorfenda og lét hann
klippa utan af sér fötin.
Þá hefur Jókó gert kvik-
mynd, þar sem berir
mannsrassar með öllu
hugsanlegu holdafari og
háralagi koma fyrir í löng-
um röðum en alls ekkert
annað. Og þar á ofan er
Jókó ólétt eftir John. Og
aumingja Cynthia má
labba ein og yfirgefin um
götur Lundúna.
HÚN HELDUR SÉR
VIÐ UNGDÓMINN
Þótt Brigitte Bardot sé
fyrir löngu komin af mesta
táningaaldrinum, heldur
hún dauðahaldi í það út-
lit, er því æviskeiði fylgir,
og tekst það furðanlega,
áð minnsta kosti eftir
myndum að dæma. Hún
er h'n brattasta og virðist
ekki taka sér nærri ævin-
týri fyrrverandi eigin-
manns síns, tískuslæpingj-
ans Gunthers Sachs, og
sænska fatamódelsins Ylvu
Larsson. Hér er Birgitte
sjálf stödd í París og í
fylgd með Patrick nokkr-
um Gille, sem er stífum
áratug yngri en hún.
PÁFUGL í HÁS/ETI — STRÚTUR í KJÓL
Keisarahjcnin af Persíu voru nýlega viðstödd balletfrumsýningu í Teheran. Þetta var hátíðasýning
með sjálfan Núreéf í aðalhlutverki. Kjóll Föru Díbu var settur hvítum strútsfjöðrum, sem flöktu mátu-
lega um fallega hnjákolla keisaraynjunnar er hún gekk heimleiðis úr cperunni með manninum sínum,
drottnaranum í Páfuglshásætinu.
STOLT AF SÍNUM HROKKINKOLLI
Dýrkeyptasti kvenkyns sönghópur veraldar, Diana Ross og The Supremes, komu til Malmö hér
um daginn til að troða upp í borgarleikhúsinu þar. Diana Ross er til vinstri á myndinni og ræðir við
sænskan útvarpsmann. Einnig má hér sjá þær Mary Wilson og Cindy Birdsong. Mary Wilson er
áhangandi hreyfingunni Black Power og afsegir því að fela sinn snarhrokkna koll undir hárkollu í
stil við hvítra manna hár, eins og algengt er meðal negrakvenna í Bandaríkjunum. Black Power
hefur ofarlega á sinni dagskrá að vekja með negrum kynþáttarmetnað, þannig að þeir verði fram-
vegis hreykin af því að vera negrar og skarti með kynþáttareinkenni sín í stað þess að skammast
sín fyrir þau og fela þau eftir beztu getu, eins og til þessa hefur verið siður í Bandaríkjunum.