Vikan - 21.08.1969, Blaðsíða 24

ANDRÉS INDRIÐASON
DÚMBO
Hér birtum við mynd af Dúmbó
sextett og GuSmundi Hauki, en
Dúmbó sextettinn hefur verið !
hópi vinsælustu hljómsveita lands-
ins um langt árabil. Söngvarinn,
Guðmundur Haukur Jónsson, er
lengst til vinstri (bakatil) á mynd-
inni. Þess má geta, að hann er nú
orðinn kennari (hann lauk prófi sl.
vor) og ætti væntanlegum nemend-
um hans tæplega að leiðast í tím-
um hjá honum! Þeir Dúmbó-menn
hafa að mestu leyti haldið sig úti
á landsbyggðinni í sumar, en það
er aldrei að vita nema þeir fari nú
að nálgast höfuðborgarsvæðið.
☆
VÖNDUÐ HLJÓM-
PLATA HEIMIS
OG JONASAR
„Fyrir sunnan Fríkirkjuna" nefn-
ist hæggeng hljómplata Heimis
Sindrasonar og Jónasar Tómasson-
ar, sem nýlega er komin út á veg-
um hljómplötudeildar Fálkans. Tólf
íslenzk lög eru á plötunni, sum
þeirra nokkuð þekkt en heyrast nú
í nýjum og ferskum búningi; önn-
ur eru eftir Heimi og Jónas og hafa
ekki heyrzt fyrr. Eru lög þeirra fé-
laga hin ágætustu, einkum lög
Jónasar „Einbúinn" og „Namm,
namm" og lag Heimis „Bréfið
hennar Stínu". Heimir og Jónas
annast undirleik á gítar og flautu
í öllum lögunum, og er undirspil
þeirra fortakslaust hið bezta, sem
heyrzt hefur hjá hérlendum söng-
flokkum á þessari línu. Fjögur lag-
anna á plötunni eru við Ijóð Tóm-
asar Guðmundssonar, önnur fjögur
Framhald á bls. 33.
WHO í KLANDRI
Liðsmenn hljómsveitarinnar Who
komust í klandur rétt einu sinni
enn fyrir skömmu. Þeir voru að
leika á hljómleikum í Fillmore East
í New York, þegar óeinkennis-
klæddur lögregluþjónn kom upp á
sviðið til þeirra og hugðist tilkynna
áheyrendum, að eldur hefði kvikn-
að í nærliggjandi húsi. I grand-
leysi sínu hugðu þeir sveinar í
Who, að hér væri einhver vitfirr-
ingur á ferðinni, sem hyggðist
stela frá þeim senunni, og lögðu
þeir því til atlögu við pólitíið. Gaf
söngvari hljómsveitarinnar, Roger
Daltrey, honum vel útilátið spark í
bakhlutann — og þeyttist yfirvald-
ið aftur fram í salinn. Hljómsveitin
var að sjálfsögðu kærð fyrir tiltæk-
ið, en söngvarinn iðraðist sáran og
sagði: Hefði ég bara vitað
Slíkar afsakanir dugðu þó skammt,
og hljómsveitin mátti borga háa
sekt.
Hin nýja hæggenga plata hljóm-
sveitarinnar (það eru raunar tvær
plötur í einu umslagi) hefur ekki
fallið öllum jafn vel í geð. Þannig
hefur t. d. verið bannað að leika
plötu þessa í brezka útvarpinu- —
Platan, sem nefnist „Tommy", er
að sögn höfundarins, Pete Town-
send, ,,beat-opera" og er þar með
samfelldur sögu (og laga-) þráður
frá upphafi til enda. Segir platan
raunasögu drengs frá bernsku til
fullorðinsára, og kemur þar ýmis-
legt fram, sem ekki þykir siðgæðis-
ins vegna rétt að hafa í flimting-
um.
☆
24 VIKAN 34-tbL