Vikan - 30.04.1970, Blaðsíða 7
TILVALDAR FERMINGARGJAFIR
JOMI NUDDTÆKI
JOMI nudd- og fegrunartæklð með 7 aukahlutum.
PEDIMAN
hand- og fótsnvrtitækið frá Sviss.
JOMI HÁRÞURRKAN
fékk 1. einkunn dönsku neytendasamtakanna.
PARTNER
rafrakvélin er óskadraumur fermingar-
Hrengsins.
BORGARFELL IlI.
Skólavörðustíg 23 — sími 11372.
BROTHER
skólaritvélin fer
sigurför um landið.
hætta þessari afbrýðisemi út í
vinkonu mina, eða hvað sem
þetta annars er. Ég tek það fram,
að ég lít alls ekki upp til hennar
og get það ekki, vegna þess hve
sjálfselsk hún er.
Vertu blessaður, Póstur minn!
Vonast eftir góðu svari fljótt!
Ein óörugg.
Það er erfitt að sjá livað það
er, sem dregur ykkur vinkon-
urnar hvora að annarri. Það eitt,
að ekki skuli vera haegt að trúa
henni fyrir leyndarmáli, án þess
að allir fái að vita það, sýnir,
að hún er alls ekki verð vináttu
þinnar og trúnaðartrausts. Fyrst
þið eruð mjög áþekkar í fram-
komu og útliti, sjáum við ekki,
að þú hafir neina ástæðu til að
vera afbrýðisöm út í hana. Og
hví skyldu strákar, sem þú ert
með, vera hrifnir af henni en
ekki þér? Nei, þú skalt hætta að
umgangast hana eins náið og þú
hefur gert. Við erum sannfærð-
ir um, að þá mun þér líða miklu
betur. Þú hlýtur að geta fundið
þér aðra vinkonu, sem þú get-
ur treyst fullkomlega.
Mynd, sem ætti að
sýna í öllum skólum
Kæri Póstur!
Mig langar til að skrifa þér
fáeinar línur um sjónvarpiS. Og
aldrei þessu vant ætla ég ekki
að skammast neitt í þetta sinn,
heldur þvert á móti. Ég ætla að
vekja athygli á kvikmynd, sem
sýnd var fyrir nokkru og mér
þótti „hreinasta afbragð“, svo að
notazt sé við útþvælda lummu
úr sjónvarpsauglýsingunum sem
syngja í höfðinu á manni dag út
og dag inn). Þessi mynd var
finnsk og hét ,,Skál“. Eins og
nafnið bendir til fjallaði hún um
áfengisvandamálið, en á mjög
nýstárlegan og áhrifamikinn
hátt. Stærsti kostur þessarar
myndar var sá, að hún fjallaði
um ungt fólk og á því greiðan
aðgang að æskunni. Einnig var
til góðs, að ekki var verið að
prédika hið minnsta, heldur að-
eins sýndar staðreyndir.
Þessi mynd er áhrifameiri
áróður gegn áfengisneyzlu en
hundrað bæklingar og þúsund
fyrirlestrar. Ég veit ekki um
neitt, sem gæti haft áhrif á unga
fólkið, ef ekki þessi mynd. Því
legg ég til, að hún verði sýnd í
öllum skólum landsins.
Með þakklæti fyrir birtinguna.
Karl.
Allir geta verið sammála bréf-
ritara um ágæti þessarar mynd-
ar. Hún var ekki aðeins þörf og
lærdómsrík viðvörun öllum
þeim, sem farnir eru að glingra
við skál, heldur var hún listavel
gerð. Það ætti því skilyrðislaust
að endurtaka þessa mynd í sjón-
varpiun.
Auglýsingateiknari
Kæri Póstur!
Hvað þarf ég að læra til að
verða fullgildur auglýsingateikn-
ari?
Kær kveðja. Litla systir.
í Ilandíða- og myndlistarskól-
anum er sérstök deild, þar sem
kennd er auglýsingateiknun,
hönnun og slíkt. Þú getur annað
hvort tekið próf úr þessari deild
eða þá farið til útlanda og lært
listina þar. Þegar þú ert orðinn
útlærður auglýsingateiknari
færðu síðan inngöngu í Félag
auglýsingateiknara og þar með
ertu orðin fullgild.
18. tbi. VIKAN 7