Vikan - 23.09.1971, Qupperneq 19

allrar íhugunar, hugsunar og
rannsóknar. Aðferð hippanna
við rannsókn mannlegrar sál-
ar, er umfram allt sjálfsíhugun
og dómgreindarleg skilgreining.
Þessar aðferðir austurlenzkra
heimspekinga (t.d. Yoga), nota
hippar ásamt litum, ljósaeffekt-
um og tónlist. Andúð hippa á
miklu framkvæmdabrölti virð-
ist mörgum geld heimsafneitun
eða jafnvel ábyrgðarleysi, af-
staða þeirra er hinsvegar —
og þvert á móti — upphaf nýrr-
ar ábyrgðartilfinningar, heims-
hyggju og lífsgleði.
Hippahreyfingin setur sér að
einu leyti það markmið með
lífi sínu og hegðun, að vera
mannkyninu fyrirmynd nýrrar
andlegrar reisnar".
Hárið fjallar um þetta — og
sitthvað fleira:
„Ég sveima
ég sveima um háloftin
og sál mín er andspænis
þér Drottin".
Maðurinn hefur alltaf barist
fyrir eigin frelsi en sjálfsagt
hefur hann oftar barist fyrir
frelsi sem ekki er til, nema á
hernaðarkortum í Pentagon og
Kreml. í þeirri lífsmynd sem
brugðið er upp í Hárinu berst
hann þó fyrst og fremst fyrir
því að fá að vera til — rétt
eins og „útskýring hippaheim-
spekinnar" gerir grein fyrir
hér að framan. En það segir
sig sjálft, að svo maðurinn geti
frelsað sjálfan sig, þarf hann
að geta andað:
„Halló brennisteinsbræla
blessuð kolsýringssvæla
ég finn ég finn
loft flæða um allt
djúpt inn
anda þú skalt
ávallt.
Blóðrás bullandi af víni
brjósthol fyllt nikótíni
ég ljúfan ilm
finn leika um allt
djúpt inn
anda þú skalt
ávallt“.
Hárið hefur sigrað og mað-
urinn kemur til með að sigra.
En Claude tapaði og Hernáms-
liðið og Upplýsingaþjónusta
Bandaríkjanna fá þakkir í leik-
skrá.
„Leyfið geislum, sólargeisl-
um, að gægjast inn. . . . “
•k
MYNDIR: EGILL SIGURÐSSON
38. TBL. VIKAN 19