Vikan - 21.08.1980, Blaðsíða 15

afborgunum en minna er um að grafik-
listamenn hafi þann háttinn á þar sem
sjaldnast er um stórar upphæðir að
ræða. Þó er ekkert sem bannar
kaupanda að fara fram á slíka fyrir-
greiðslu við grafíklistamann. sérstaklega
ef hann hefur fest kaup á fleiru en einu
þrykki.
NÝTÆKIVI
Vmist fær kaupandi í hendur hið
innrammaða sýningarþrykk og greiðir
ramma aukreitis, eða þá hann kaupir
örkina óinnrammaða og getur farið með
hana eins og honum sýnist. Um
innrömmun grafíkmynda er getið hér á
eftir.
Til skamms tíma voru menn nokkuðá
einu máli um það hvað teldist grafik og
hvað ekki. Hin svokallaða Vínar-
samþykkt frá 1960 skilgrein-
ir sem grafík þau þrykk sem
listamaður hefur unnið að eigin höndum
allt í gegn — allt frá frumvinnu i stein,
plötu o.s.frv. til prentunar. Síðastliðna
tvo áratugi hafa svo ýmsar framfarir
orðið i prentiðnaðinum sem hafa gert
listamönnum kleift að þrykkja eftir
filmum og þetta hefur haft það í för með
sér að ekki er eins auðvelt og áður að
draga mörkin milli alvöru grafikur og
eftirprentana. Margir grafiklistamenn
nota hreina ljósmyndatækni, offset-
prentun o.s.frv. og óprúttnir aðilar
erlendis hafa notað sér hve afkastamikil
þessi tækni er til að féfletta áhugafólk
um grafíksöfnun.
VARÚÐ
Nú skal það itrekað að ekki þarf að
óttast um svik og pretti i íslenskri grafík.
Nær allir grafíklistamenn sem hér starfa
nota viðurkenndar aðferðir við gerð
mynda sinna. Hins vegar ætti fólk að
taka innfluttri grafík með varúð og leita
ráða hjá kunnáttufólki varðandi kaup á
henni. Sérstaklega ber að varast grafík
þá sem hinir og þessir aðilar bjóða til
sölu í erlendum blöðum gegn póst-
ávísun, nema því aðeins að söluaðili sé
þekktur fyrir áreiðanleik og vandaða
grafík. Séu þrykk eftir mjög fræga
erlenda listamenn í boði ætti kaup-
andinn skilyrðislaust að fara fram á
„ættartölu" (provenance), þ.e. lista yfir
alla eigendur verksins frá því að lista-
maðurinn lét það af hendi, eða þá
vottorð frá listamanninum, umboðs-
nianni hans eða öðrum aðilum sem
treysta má.
34. tbl. Víkan X5