Vikan - 23.04.1987, Blaðsíða 44

ís er uppáhaldseftirréttur
flestra krakka. Það er hreint
ótrúlegt hvað krakkar geta
látið í sig af ís, jafnvel þótt
þeir séu pakksaddir og geti
alls ekki borðað neitt annað.
Alltaf er pláss fyrir meiri ís.
Margir vilja ekkert gums á
ísinn sinn en hann er nú miklu
fallegri og girnilegri með ein-
hverju skrauti. Niðurskornir
ávextir, til dæmis bananar,
eru fínir með, eða niðursoðn-
ir ávextir úr dós. Látið þá
ávextina neðst í skál, ísinn
yfir og síðan eitthvert skraut.
Ef þið eruð í miklu stuði
og ætlið að hafa mjög fínar
veitingar getið þið búið til lít-
il pappírsblóm úr silkipappír
á tannstöngul og stungið í ís-
inn.
í búðunum fást allavega ís-
sósur en hér ætlum við að
birta æðislega uppskrift að
heitri íssósu sem þið getið lag-
að sjálf. Það er auðvelt að
búa hana til og hún verður
betri eftir því sem þið gerið
hana oftar. Það þýðir samt
;ki að þið eigið að borða ís
l sósu á hverjum degi.
En hér kemur uppskriftin:
2 matsk. smjör
2 matsk. kakó
4 matsk. flórsykur
1 desílítri vatn
Aðferð:
Bræðið smjörið í litlum potti,
setjið kakóið og flórsykurinn
út í og hrærið. Hellið vatninu
saman við, látið sjóða smá-
stund og hrærið í á meðan.
Hellið sjóðandi heitri sósunni
yfir isinn.
44 VIKAN 17. TBL