Vikan - 30.04.1987, Blaðsíða 18

Svonefndir bókaklúbbar hafa verið
að skjóta upp kollinum hér undanfarin
ár og njóta mikilla vinsælda. Og hvað
er svosem eðlilegra, hjá annarri eins
bókaþjóð og við Islendingar erum. Og
þar að auki bjóða bókaklúbbar nýjar
bækur sem og eldri á tilboðsverði og
kjarakjörum sem fáir bókaunnendur
geta staðist. En bókaklúbbar bjóða
ekki aðeins bækur heldur ótal aðra
hluti, allt frá tappatogurum upp í utan-
landsferðir.
Einn þessara bókaklúbba heitir Ver-
öld, en á bak við hann standa sjö
bókaforlög. Kristín Björnsdóttir fram-
kvæmdastjóri ætlar að fræða okkur
dálítið um þann félagsskap og sitthvað
fleira.
„Bókaklúbburinn Veröld var í raun-
inni settur á stofn vorið 1983 sem eins
konar félagsskapur fyrir tjölskylduna
og ekki aðeins með það í huga að bjóða
bækur á góðum kjörum heldur einnig
ýmislegt annað, svo sem hljómplötur,
tónleikahald og utanlandsferðir. Til
dæmis kom út á vegum klúbbsins, hálfu
ári eftir stofnun hans, hljómplata með
Kristjáni Jóhannssyni óperusöngvara
og í kjölfarið fylgdu tónleikar með
Kristjáni í Háskólabíói. Þetta hitti
greinilega í mark því aðsókn og undir-
tektir voru með ólíkindum. I byrjun
voru líka nokkur ferða- og listaverka-
tilboð og fleira sem gafst mjög vel.
Bókaklúbbur með þessu sniði var
algjör nýjung hér á landi og stóð undir-
búningur í hálft ár áður en hafist var
handa. Meðal annars var fenginn mað-
ur frá Bandaríkjunum til að skipuleggja
þetta starf, en hann hafði sett á stofn
fjölmarga bókaklúbba út um allan
heim. Veröld vakti strax mikla athygli
almennings en forsvarsmenn annarra
bókaklúbba og bóksalar urðu smeykir
um sinn hag því þarna var meðal ann-
ars sú nýjung á ferð að boðnar voru
bækur sem lika fengust í bókaverslun-
um. Áður höfðu bókaklúbbar ein-
göngu boðið sínar eigin bækur eða eldri
bækur. Þeir veittu því eðlilega mót-
spyrnu i fyrstu en síðar kom á daginn
að almenn bóksala hefur síður en svo
minnkað og því má álykta að Veröld
hafi fremur örvað bóksölu en hitt. Það
gefur líka augaleið að fólk, sem er
ákveðið í að kaupa ákveðna bók fyrir
sig eða aðra, kaupir hana í næstu bóka-
búð, en aftur þeir sem fá gott bókatil-
boð heim í pósti freistast frernur til að
auka við bókasafnið á þann hátt.“
- Hvaða nýjungar eru helstar á döf-
inni núna?
„Það má meðal annars nefna sérstök
félagaskírteini sem verið er að senda
út, en þau veita klúbbfélögum afslátt
á vörum og þjónustu hjá um 350 fyrir-
tækjum um allt land. Svo verða ýmsir
menningarviðburðir; listsýningar, tón-
leikar og bókmenntakynningar, til
dæmis mun Isaac Bashevis Singer
koma hingað í haust. Og svo verða
Viðtal: Guðrún Alfreðsdóttir
Myndir: Valdís Úskarsdóttir og fleiri

18 VIKAN 18. TBL