Vikan - 05.11.1987, Blaðsíða 59

Yfirleitt hafa kvikmyndagerðarmenn sýnt
geimverur sem ógnvekjandi skrímsl sem
ræna fólki og hrella það á aðra lund. Nýjasta
dæmið er myndin Rándýrið sem Schwarzen-
egger leikur í, en þar veiðir geimveran menn
upp á sport (sbr. rjúpuveiðar). Ekki eru þó all-
ar geimverur illar og frægasta dæmið um
góða geimveru er vafalaust E.T. sem heillaði
heimsbyggðina um árið.
Þegar geimálfurinn Alf brotlenti geimskipi
sínu í bílskúr Tanner fjölskyldunnar fengu
sjónvarpsáhorfendur að kynnast alveg nýrri
tegund af geimveru. Hann hafði skopskyn, var
meinhæðinn, fyndinn og þó indæll á köflum.
Hann hefur þrátt fyrir allt stórt hjarta (í eyr-
anu).
Skapari Alfs er Tom Patchett, en hann hef-
ur m.a. unnið við kvikmynd um Prúðuleikar-
ana. Hann er ekki heldur ókunnugur í sjón-
varpsheiminum vegna þess að hann fram-
leiddi Buffalo Bill þættina og skrifaði handrit
að Mary Tyler Moore Show. Tengls Alfs við
Buffalo Bill þættina sjást í þvi að Max Wright
sem leikur fjölskylduföðurinn Willie leikur lika
yfirmann Buffalo Bill.
Hvað sem öðru líður hefur Alf tekist að
heilla jarðabúa upp úr skónum með sjarmer-
andi framkomu sinni og nú líta menn upp í
himingeiminn frekar með eftirvæntingu en
með kvíða eins og áður var. Til að sjá Alf þarf
þó ekki að stara út í geiminn. Nóg er að muna
að kveikja á sjónvarpinu kl. 16.00 á sunnu-
dögum.
Alf unir sér vel með sköpurum sínum, þeim
Tom Patchett og Bill Fusco.