Vikan - 28.12.1987, Side 6

Kampakátir stjómannenn knattspymudeildar KR með fangið fullt af rakettum og tertum. Frá vinstri: Birgir Guðjónsson, Lúðvík S.
Georgsson og Stefán Haraldsson.
100 tonn af flugeldum í loftið
Þegar hátíðimar nálguðust
og fólk var komið í jólahug
voru framsýnir blaðamenn á
Vikunni þegar komnir í ára-
mótastemmningu og famir
að hlakka til gamlárskvölds
með rakettum, blysum og
öllu tilheyrandi. TÚ að auð-
velda sér biðina bmgðu
blaðamaður Vikunnar og
ljósmyndari sér á flugelda-
sölu.
Fyrir valinu varð flugeldasala
KR-inga í KR-heimilinu við
Frostaskjól. Þar tóku þrír stjórn-
armenn í knattspyrnudeildinni á
móti þessum óþolinmóðu ung-
mennum og leyfðu þeim að fá
smá útrás fyrir tilhlökkunina.
Að sögn þeirra þremenninga
verða u.þ.b. 100 tonn af flugeld-
um og öðru dóti til að brenna
um áramót flutt inn. Af þessum
100 tonnum flytur knattspyrnu-
deild KR inn í kringum 15 tonn,
svo þeir eru tiltölulega stórir á
Hér sést innihaldið úr
fjölskyldupakka frá KR. Fyrir
framan er svo úrval af ýmsu
smádóti til að gera sér glaðan
dag með yfir áramótin.
markaðnum. Ekki vildu þeir þó
meina að þeir væru einir sér
svona magnaðir í sölunni, heldur
selja þeir flestum íþróttadeild-
um í borginni og svo ýmsum að-
ilum úti á landi flugeida í heild-
sölu.
Þegar þeir voru spurðir hvort
þeir væru ekki hræddir við að
hafa þessar vörur liggjandi á lag-
er fram að áramótum svöruðu
þeir því til að hættan væri að
sjálfsögðu einhver en að öryggis-
ráðstafanirnar væru meiri og því
væru þeir ekki svo kvíðnir.
Ströng gæsla er um lagerinn og
sölustaðir eru alltaf tæmdir á
kvöldin og varningurinn fluttur
á lagerinn.
Úrvalið af flugeldum er með
ólíkindum, allt frá sakleysisleg-
um stjörnuljósum upp í stórar
skiparakettur og tívolíbombur.
En hvað skyldi svo vera mest
keypt? Þeir voru á einu máli um
að fjölskyldupakkarnir væru
uppistaðan í sölunni og mjög
algengt væri að menn keyptu
einn pakka og svo tvær, þrjár
stórar rakettur eða „tertur".
Þó eru til miklir áhugamenn
um flugelda sem kaupa íyrir allt
að 30 þúsund krónur, og þeir
velja hverja rakettu af kostgæfhi.
En hvað skyldi dýrðin svo kosta
fyrir venjulega fjölskyldu? Jú,
fjölskyldupakkarnir kosta frá
rúmlega 1000 kr. til 3000 kr.
Stakar rakettur kosta svo allt upp
í 1400 kr. og sex tívolíbombur í
pakka kosta 1600 kr. (til að
skjóta þeim þarf skotpall sem
kostar 500 kr.)
Þannig gæti þá gott gamlárs-
kvöld komið út hjá fjölskyld-
unni: Fjölskyldupakki: 2500 kr.,
tvær rakettur: 2000 kr., tívolí-
bombur og pallur: 2100 kr. Sam-
tals: 6600 kr. Ekki er ólíklegt að
þetta sé nálægt því sem meðal-
fjölskyldan kaupir þó sumir láti
sér að sjálfsögðu minna duga en
aðrir mun meira.
Eftir að hafa fengið að skoða
nægju sína og kannað verðið
þökkuðu útsendarar Vikunnar
fyrir sig og hurfu á braut með
jafhvel enn meiri flðring í
maganum en þegar þeir komu.
Munið bara að fara varlega
með flugelda og allan eld á gaml-
árskvöld. Leiðbeiningar á ís-
lensku fylgja þegar flugeldarnir
eru keyptir hjá KR-ingum og ef
farið er eftir þeim ætti allt að
ganga slysalaust fyrir sig. - AE
L