Vikan - 28.12.1987, Síða 20

Leikfélag Akureyrar:
Leitai nýrra leiða
við uppfærslu
á Pilti og stúlku
Jólaleikrit Leikfélags Ak-
ureyrar þetta árið er eitt af
stórverkum íslenskrar leik-
ritunar, Piltur og stúlka.
Leikritið samdi Emil Thor-
oddsen eftir skáldsögu Jóns
Thoroddsen og það er löngu
orðið sígilt stykki sem sett er
upp af og til á fjölum helstu
leikhúsanna.
Reyndar er nokkuð liðið firá
því að L.A. sýndi síðast Pilt og
stúlku. Síðast var það á leikárinu
1949-50, þá undir leikstjórn
Jóns Norðfjörð, svo segja má að
tími sé til kominn að gefa yngri
kynslóðum tækiferi til að sjá
eina frægustu sögu okkar íslend-
inga í leikritsformi.
Sóttur til Finnlands
Ekki létu aðstandendur L.A.
sér nægja að leita að leikstjóra
yflr í næstu sýslu, öðru nær.
Maðurinn var nefnilega sóttur
alla leið til Finnlands þar sem
hann hefur um árabil starfað við
leikhús. Maðurinn er að sjálf-
sögðu sjálfur Borgar Garðarsson
sem hefur af mörgum verið sárt
saknað úr leiklistarlífinu hér-
lendis.
Þegar undirritaður var stadd-
ur á Akureyri á dögunum brá
hann sér inn í Samkomuhúsið
eins og leikhúsið heitir, en það
er gamalt, fallegt hús sem setur
mikinn svip á Innbæinn. Þá
stundina var kórinn að æfa og
Borgar var gripinn baksviðs í
stutt spjall. Hann var fyrst
spurður um hvernig á því stæði
að hann hefði tekið þetta verk-
efhi að sér.
„Þegar haft var samband við
mig og ég beðinn um að leik-
stýra þessu ákvað ég bara að slá
til. Að vísu var ég svolítið van-
trúaður á að svona lítið leikhús
gæti gert svona stóru stykki
sóma, en í Ijós kom að sá ótti var
með öllu ástæðulaus, enda hefur
Leikfélagið áður sýnt það að það
ræður við viðamiklar sýningar.
Hópurinn er ffábær og stjórnun-
in á félaginu er góð. Við byrjuð-
um að æfa 2. nóvember og
ffumsýnum á annan í jólum.
Segja má að engin sérstök
vandamál hafi komið upp.“
— Er þetta stór sýning?
,Já, ég myndi segja hana
nokkuð stóra. Það eru 30.
manns sem koma ffam þegar
kór og hljómsveit eru talin með.
Hlutverkin eru 24 en leikendur
eru eitthvað ferri. Þessi upp-
setning er nokkuð nýstárleg,
það er að segja við förum ekki
eftir gömlu forskriftinni hvað
sviðsetningu varðar. Þó erum
við trú sögunni, en ég held að
þetta sé meira leikhús en eldri
uppferslur hafa verið.
Eg var ekkert búinn að velta
fyrir mér uppferslu á þessu
stykki fyrr en haft var samband
við mig og ég hef aldrei fyrr
unnið við það, svo ég varð að
hugsa þetta frá grunni. Ákveðið
var að hafa sýninguna ívið nú-
tímalegri en þær fyrri þó að
textanum sé ekki breytt og öll
lögin eru í upprunalegum bún-
ingi. Tónlistin er reyndar á
ábyrgð Jóns Áskels Hlöðvers-
sonar hljómsveitarstjóra og
hann hefur unnið geysilega gott
verk.“
Er ekki á heimleið
- Hvað hefúr þú svo verið að
gera í Finnlandi?
Borgar Garðarsson leikstjóri:
,Alveg frábær hópur að vinna
með.“
„Ég er búinn að vera þar á
annan áratug við leikhúsið „Lilla
Teatern" sem er atvinnuleikhús
í Helsingfors og sýnir bæði á
finnsku og sænsku. Flest árin frá
því 1976 hef ég verið í stjórn
félagsins og hef bæði leikstýrt
og leikið. Þetta er mjög
skemmtilegt leikhús með frá-
bærum hópi leikara sem er
mjög skemmtilegt að vinna
með.
Við höfúm fjölbreytt
verkefnaval og höfum sýnt eitt
íslenskt leikrit, „Skjaldbakan
kemst þangað líka" eftir Árna
Ibsen. Eg er þó á því að sýningin
hérna heima hjá Egg leikhúsinu
hafi verið betri.
Mér líkar mjög vel í Finnlandi
og finnst gott að vinna með
Finnum, svo ég held að það sé
ekkert á dagskránni hjá mér að
flytja aftur heim. Þó veit maður
ekki hvað framtíðin ber í skauti
sér, ætli maður endi ekki héma.
Þó ekki á næstu árum.“
Þegar hér var komið þurfti
Borgar að fara inn í sal að kippa
einhverju í lag, svo spjallið varð
ekki lengra. Undirritaður fylgdi í
humátt á eftir og fylgdist t sma
stund með æfingunni sem nú
var hafin. Af því sem sást þar má
fúllyrða að þeir sem leggja leið
sína í Samkomuhús Akureyrar
um hátíðirnar verða ekki sviknir
af því að sjá þennan elsta söng-
leik okkar íslendinga. AE.
20 VIKAN