Vikan - 21.04.1988, Qupperneq 47

Hróbjartur Lúðvíksson skrifar:
Nauðsyn að kunna á kerfið
Íað kemur alltaf eitthvað sögulegt
^ upp í sambandi við hann Gvend
U Gumm sem býr úti á Hraglanda.
^ Gvendur var einn af meiri bænd-
unum í sveitinni áður fyrr og bjó
fyrirmyndarbúi. En hann þurfti auðvitað
að fækka beljunum og skera niður af fénu
eins og hinir og fór þá út í loðdýraræktina
eins og margir aðrir með miklum gassa-
gangi. Svo fór að ganga illa með söluna á
refaskinnunum og verðið lækkaði á
mörkuðunum. Þeir fá ekki einu sinni fyrir
fóðurkostnaðinum, engin laun og ekkert
upp í vexti.
Svona er þetta, fyrst fá þeir stórlán til
að koma upp loðdýraræktinni og nú þurfa
þeir meiri lán eða styrki til að komast út úr
búgreininni aftur. Þeir vilja víst margir
hætta þessu aftur.
Eitthvað stóð á því að Gvendur fengi
sína fýrirgreiðslu eins og sumir aðrir.
Kannski er hann vitlausu megin í pólitík-
inni. Sveitungarnir skutu því að honum að
hann kynni ekki á kerfið. Þó Gvendur fari
yftrleitt aldrei suður því hann er hægur og
kyrrlátur maður sem ann sinni sveit þrátt
fyrir allt, þá ákvað hann samt að fara suður
að þessu sinni og að gefinu tilefni. Hann
ákvað bara að fara og hitta jafnvel Jón
landbúnaðar, sjálfan, ef með þyrfti. Gvend-
ur sagðist víst kunna á kerfið ef hann bara
beitti sér.
Gvendur hafði líka á orði að hann ætlaði
að fyfta sér ærlega upp í ieiðinni. Hann ætl-
aði jafhvel að líta inn á hótelinu sem við
bændurnir eigum fyrir sunnan. Gvendur
hafði heyrt að þeir steiktu lambakjötið í
koníaki og svo væri þar nafntogaður bar,
Mímisbar minnti hann að hann héti.
Gvendur hafði líka heyrt að þangað kæmu
einsemdar konur öðru hvoru. Mikil eru
tilþrif bænda á höfuðborgarsvæðinu og
þörfúm sem flestra skal fullnægja á bænda-
vísu. Gvendi fannst við hæfi að hann
kynnti sér fjárfestingar og tilþrif sinna eig-
in samtaka í almenningsþágu. Gvendur
harðneitaði fyrir að hann hefði neinar
syndsamlegar hugsanir í huga. Hann ætlaði
bara að fá sér góðan mat og drykk eftir at-
er hann vitlausu megin í
pólitíkinni. Sveitungarnir
skutu því að honum að
hann kynni ekki á kerfið.
vikum. Þetta var spurningin að líta aðeins
á lífið. Annars gerir hann Gvendur aldrei
slíkt. í hæsta lagi og þá bara öðru hvoru að
hann fær póstsenda brjóstbirtu til heima-
brúks. En nú skyldi látið verða af því
að líta aðeins á líflð.
Gvendur spurðist fýrir um flugferðir en
það er langt hjá okkur að komast í flug.
Þangað fór Gvendur á tilsettum degi á
jeppanum en fékk þá að vita að það væri
seinkun. Það er víst ekki í fyrsta skipti.
Gvendur gerðist leiður á að bíða, húsvitj-
aði gamlan kunningja og fékk í glas. Þegar
svo loks kom að því að Gvendur skyldi
mæta í flugvélina var hann orðinn vel
slompaður.
Ég sé fyrir mér hann Gvend og sláttinn á
honum. Gvendur er auðvitað ágætis karl,
virðulega vaxinn eins og margir karlar á
miðjum aldri, með dálitla ístru. Hann get-
ur því ekki lengur notað belti því þá vilja
buxurnar síga niður að framan. Gvendur
er því alfarið farinn að nota axlabönd.
Flugvélin var ein af þessum Fokker og
var ein flugfreyja með til að stjana við far-
þegana. Þeta var að sjálfsögðu elskuleg
stúlka sem jafinvel brosti til eldri karlanna
og bauð farþegana velkomna um borð og
bað menn brosandi að spenna beltin. En
Gvendur kunni ekki á kerfið því hann hef-
ur lítið gert af því að fljúga um ævina.
Hann sinnti því í engu þessari ljúfú beiðni
um að spenna beltin.
Stúlkan fylgdist auðvitað grannt með og
sá að Gvendur sýndi engin viðbrögð og
gekk því til hans og bað hann elskulega
um að spenna beltið. En Gvendur sem
ekki kunni á kerfið, brást hinn versti við
og sagði höstugur:
- Hvur djöfullinn er þetta stelpa, ég er
með axlabönd.
Já, svona getur hent bestu menn þegar
þeir kunna ekki á kerflð hverju sinni.
Það fara engar sögur enn af hvernig
gekk hjá Gvendi að fá styrkinn hjá Jóni
landbúnaðar og ég hefi heldur ekki frétt af
því hvort lambakjötið er betra steikt í kon-
íaki. En þetta allt á ég efitir að fregna í góðu
tómi. Gaman væri líka að vita hvernig
Gvendi hefúr vegnað á Mímisbar.
STJÖRNUSPÁIN
Hrúturinn
21. mars - 19. apríl
Þú hefur mikla möguleika
til að láta verk þín ganga vel, en þó
er hætt við að þú tapir nokkrum
fjármunum vegna fljótræðis og at-
hugunarleysis. Ættingi þinn reynist
þér mjög hjálplegur við vissar
framkvæmdir.
Nautið
20. apríl - 20. maí
Þú átt í erfiðleikum með
að umgangast ákveðna persónu
og er grunnt á að upp úr sjóði milli
ykkar. Þú ættir að grípa hvert
tækifæri sem gefst til að létta þér
upp og dreifa huganum. Gerðu
vini þínum greiða sem hann biður
þig um.
Tvíburarnir
21. maí - 21. júní
Þú verður mjög heppin í
einhverju sem má teljast algjör
slembilukka. Þú færð erfiðan verk-
stjóra sem þú fyrst í stað getur alls
ekki gert til hæfis, en hafðu hug-
fast að þolinmæðin þrautir vinnur
allar.
Krabbinn
22. júní - 22. júlí
Þú munt þurfa að standa í
nokkrum útréttingum sem taka á
taugarnar. Þér er fyrir bestu að
taka boði gamals kunningja þíns
og láta hann hjálpa þér í ákveðnu
máli. Þú verður þátttakandi í mjög
skemmtilegu samkvæmi.
Ljónið
23. júlí - 22. ágúst
Þú verður að hafa nokkurt
samneyti við persónu sem þú
kemst að einhverjum sökum ekki
fyllilega í samband við. Verkefni
þín verða mörg og fjölbreytileg en
gættu þín vel í sambandi við allt er
varðar tölur í starfi þínu.
Meyjan
23. ágúst-22. september
Það eru líkur á stuttu og
skemmtilegu ferðalagi sem þú
munt oft minnast síðar og hafa
góð sambönd í gegnum einhverja
eða einhvern sem þú kynnist við
það tækifæri. Vertu þolinmóð við
yngri kynslóðina, hún hefur einnig
sín vandamál.
Vogin
23. sept. - 23. okt.
Varastu að treysta um of á
náungann. Eins og stendur verð-
urðu að haga orðum þínum mjög
gætilega í nærveru ákveðinna
persóna og gættu þess að gerast
ekki sekur um afskiptasemi af
einkamálum annarra. Heillalitur er
rósrauður.
Sporðdrekinn
24. okt. - 21. nóv.
Verkefni þín verða með
nokkru öðru móti en þú hafðir
búist við. Líkur eru á að þú tapir af
einhverju sem þú hafðir fyllilega
reiknað með. Gættu þess að binda
huga þinn ekki of mikið við fjár-
málahliðina á hlutunum. Þú hefðir
gott af að taka þér frí.
Bogmaðurinn
22. nóv. - 21. des.
Þú færð sendingu nokkuð
langt að komna sem kemur þér á
óvart. Einhver ættingi þinn skýtur
upp kollinum og þið eigið ánægju-
legar samverustundir. Heillatala 2.
Steingeitin
22. des. - 19. janúar
Ákveðinn maður verður til
þess að þú leggur í framkvæmdir
sem þú hafðir ekki kjark til að byrja
á sjálfur. Vertu mjög varkár og not-
færðu þér holl ráð og skýra dóm-
greind þína. Þú lendir í leiðinlegu
fjölskyldumáli.
<
Vatnsberinn
“/ 20. janúar - 18. febrúar
1L Þú hefur smá breytingar í
huga varðandi bústaðaskipti eða
eitthvað þessháttar. Allar breyting-
ar á högum þínum ættu að lánast
mjög vel eins og stendur. Þú verð-
ur beðin að taka þátt í verki sem
þér fellur miður en getur ekki neit-
að.
Fiskarnir
19. febrúar - 20 mars
Nokkur ungmenni koma
sérstaklega við sögu á næstunni
og verða fremur til ánægju en
hins. Þú átt i einhverjum deilum
við persónu sem býr nálægt heimili
þínu. Vertu ekki of naumur á fé við
sjálfan þig eða þína nánustu.
VIKAN 45