Vikan - 06.09.1990, Blaðsíða 25

um lifað í hér heima."
- Eruð þið þá sem sagt að
storka ríkjandi hefðum?
„Kannski má segja að við
séum f heilögu stríði gegn
gömlu klisjunum sem eru í
tónlist núna. Til dæmis eru
trommarar með svo og svo
margar trommur en kannski
heyrir maður ekki nema í
bassatrommu, snerlinum og
„hi hattinum“.“
- Hvað um textana, eru nýir
hlutir þar á ferð?
„Við vorum nú að pæla að-
eins í textunum um daginn og
þá komumst við að því að þeir
eru flestir á andlega sviðinu.
Söngkonan semur þá og
henni hefur tekist að beina
þeim inn á svið frumstæðu
hvatanna í mannskepnunni og
það fellur mjög vel að tónlist-
inni sem við erum að gera,
sem er að okkar mati mjög
upplífgandi. Við sjáum ekki
neinn tilgang í því að vera
niðurdregin dags daglega."
- Líður ykkur þá mjög vel í
þessari hljómsveit?
„Já, við höfum ekki verið
hamingjusamari í neinu öðru
hjónabandi!"
Eins og fram hefur komið
urðu fyrstu lögin til á hljóðfæri
sem eru kannski frekar óhefð-
bundin samkvæmt vestrænum
tónlistarhefðum. Þeir félagar
sögðu að það hefði gengið
mjög vel að færa lögin yfir á
vestrænni hljóðfæri, svo sem
rafmagnsgítar og bassa.
„Það sem gerðist, þegar við
fórum að spila lögin með gítar
og bassa, var aö við komumst
alveg út úr þeim hefðum sem
við höfum hingað til þekkt. Og
í rauninni erum við miklu frek-
ar farin að pæla í tónlistinni
sjálfri heldur en bara íþróttinni
að spila. Tónar og taktar eru (
öndvegi núna og skipta raunar
öllu máli. Það má segja að tón-
listin stingi svolítið, alla vega
stakk hún okkur. Og í haust,
þegar við förum að spila í fé-
lagsmiðstöðvunum og von-
andi víðar, verður forvitnilegt
að sjá hvernig viðbrögð áhorf-
enda verða.“
- En má þá ekki búast við
að þetta verði bölvað streð og
barningur hjá ykkur?
„Nei, við treystum á að þetta
sé svo upplífgandi og
skemmtilegt að þegar fólk er
búið að heyra þetta einu sinni
geti það ekki lifað án okkar.
Og það er kannski okkar sterk-
asti leikur að spila þetta í
skammdeginu."
- Þetta nafn, Orgill, er þetta
bara bull eða hvað?
„Þetta er nýtt orð á nýrri
hljómsveit sem flytur nýja
tónlist. Okkur finnst þetta vera
mjúkt og sniðugt og skemmti-
legt orð. Orð með 1001 merk-
ingu og það er undir hverjum
og einum komið hvernig hann
túlkar það.“
Þeir félagar hafa ákveðnar
skoðanir á þjóðfélagsmálum
ekki síður en tónlist og þegar
spjallið barst að margum-
ræddu atviki með strætis-
vagnabílstjóra einn í höfuð-
borginni vildu þeir senda um-
rædda unglinga upp í sveit og
láta búa til (slendinga úr þeim.
Kolli bassaleikari býr einmitt í
Breiðholtinu (eins og undirrit-
aður) og hann hafði mikla
samúð með SVR-bílstjórum.
Svo var spjallað um hingað-
komu erlendra herskipa sem
þeim fannst hið besta mál.
„Við þekkjum tvær stelpur
sem var boðið um borð i þetta
umrædda herskip og þær
sögðu að ítalirnir hefðu bara
verið nálægt því að vera jafn-
kurteisir og við!“
Að slepptu spjalli um ítali og
strætisvagnabílstjóra vildu
Hemmi og Kolli undirstrika að
með haustinu yrði Orgill á
feröinni með tónleika. Og ef
marka má orð þeirra er hér
eitthvað nýtt og spennandi á
ferðinni. Til að komast að hinu
sanna verður þú, lesandi
góður, að kíkja á þessa hljóm-
sveit þegar tækifæri gefst. □
Vandamál Orgils: Við fáum alltof margar hugmyndir."
POUR HOMMES!
JOOP!