Vikan - 31.05.1999, Blaðsíða 2

Vestfirðirnir koma á óvart. Þar eru nátt-
úruperlur sem eiga sér fáar hliðstæður og
það er vel þess virði að skella sér vestur til
að skoða náttúrudýrðina þar.
Forsíðan að þessu sinni er tekin við Arnarfjörð,
en hann er einn af fegurstu fjörðunum fyrir vestan
og stúlkan á myndinni er Valentína Björnsdóttir,
pólunarfræðingur.
Við Arnarfjörð er löng sandströnd milli hárra fjalla
og á góðviðrisdögum verður mjög heitt við fjörðinn.
Þá er hægt að leika sér í Ijósum sandinum, vaða út
í sjóinn sem verður ágætlega volgur og láta eins og
maður sé á Spáni. Þegar maður er á annað borð
kominn í Arnarfjörðinn er sjálfsagt að leggja leið
sína inn í Selárdal og skoða listaverkin eftir Samúel
Jónsson sem nú verið að gera upp, en þau voru
orðin mjög illa farin.
Myndin á þessari síðu er tekin í fjörunni á Látrum.
Þar er mjallahvítur sandur og ekki síður yndislegt
að eiga góða stund.