Menntamál - 01.06.1939, Blaðsíða 32
30
MENNTAMÁL
prófi við kennaraskólann i Johnstrup í Danmörku, sem þá
mun hafa verið ein merkasta stofnun í þeirri grein á Norð-
urlöndum. Hann gekk strax í Hið íslenzka kennarafélag,
varð þar áhrifamaður og naut þegar
í stað mikils trausts. Má sem dæmi
þess nefna, að árið eftir að hann hóf
kennarastarf sitt í Reykjavík, byrjaði
hann að gefa út Kennarablaðið, að
tilhlutun félagsins, og var í senn rit-
stjóri og útgefandi. Kennarablaðið
kom út á árunum 1899 og 1900, en varð
að hætta fyrir fátæktar sakir. í blaði
sínu barðist Sigurður Jónson fyrir
ýmsum merkum málum,svo sem stofn-
un kennaraskóla, endurbótum á kristindómsfræðslu, meira
frjálslyndi og réttlæti í einkunnagjöfum o. fl. o. fl. Árið
1901 var Sig. Jónsson kosinn í stjórn Hins ísl. kennarafé-
lags, og átti sæti í henni æ síðan þau 21 ár, sem félagið
átti eftir að starfa.
Sig. Jónsson var meðal stofnenda Kennarafélags Reykja-
víkur og átti sæti í stjórn þess frá stofndegi til ársins 1923,
er hann varð skólastjóri og baðst undan kosningu. Þó var
hann nokkrum sinnum kosinn i stjórn félagsins síðar. Þegar
Samband íslenzkra barnakennara var stofnað 1921, var
Sig. Jónsson gjaldkeri þess fyrsta árið og endurkosinn í
stjórn Sambandsins 1924, 1925 og 1926.
Skólastjóri varð Sig. Jónsson 1923 og gegndi því starfi til
dauðadags, 17. júní 1936. Hann átti einnig sæti i barna-
verndarnefnd Reykjavíkur frá því að lögin um barnavernd
gengu í gildi.
Loks er þess að geta, að Sig. Jónsson átti mjög mikils-
verðan þátt í því að fá samþykkt fræðslulögin 1936. Er
mjög óvíst að málið hefði náð fram að ganga án hans full-
tingis.
Hér hefir verið drepið á sumt af því sem viðkemur af-