Menntamál - 01.06.1939, Blaðsíða 82

80
MENNTAMÁL
í hernaði, hafi miklu verri áhrif á börn en ástaræfintýra-
myndir og leynilögreglumyndir, enda hafa flest börnin
hugboð um, að þær séu ekki rétt mynd af veruleikanum.
Kvikmyndir virðast hafa dýpri áhrif á unglinga en börn.
Þær virðast geta haft all-djúp og víðtæk truflandi áhrif
á tilfinningalíf þeirra, með því að vekja hjá þeim marg-
víslega draumóra, sem unglingarnir hafa ekki nægilegt
taumhald á. Þær tilfinningar og geðshræringar, sem kvik-
myndirnar vekja hjá fullorðnum mönnum, eru venjulega
ekki varanlegar: Þeir hrista af sér draumarykið um leið
og þeir fara út úr sýningarsalnum. Hjá unglingum geymast
þessar geðshræringar miklu lengur í undirvitundinni og
geta komið fram löngu seinna undir vissum kringumstæðum
í óvenjulegri hegðun. Þessi hegðun tilsvör og látbragð sem
þeir taka eftir uppáhalds leikurum sínum, sýna, að kvik-
myndirnar hafa all-djúp áhrif á tilfinningalíf þeirra.
Áhrif kvikmynda á unglinga eru því dýpri, víðtækari og
varhugaverðari en áhrif þeirra á börn, en skoðanir sérfræð-
inga eru hér mjög skiptar. Einstaka sérfræðingur mælir
eindregið á móti því, að unglingar sæki kvikmyndir, en
flestir álíta þær ekki skaðlegar þeim að ráði. — Auðvitað
getur mikil bíósókn barna og unglinga haft auk þessa skað-
samleg áhrif á heilsuna: t. d. ef loftræsting er slæm; enn-
fremur getur mikil bíósókn orsakað augnþreytu. En með
vaxandi tækni og betra útbúnaði ættu þessi vondu áhrif
að hverfa því sem næst úr sögunni.
Hvaða kvikmyndum geðjast börnum bezt að?
Það er ákaflega mikilsvert atriði að reyna að komast að
því, hvers konar kvikmyndum börnum geðjast bezt að
og hvers vegna. í þessu efni mega menn vara sig á að ætla
smekk barna of líkan smekk fullorðinna manna. Það er
alkunna, að margar hinna svokölluðu barnabóka eru lítt
við barna hæfi og jafnvel þrautleiðinlegar fyrir þau, þótt