Menntamál - 01.06.1939, Blaðsíða 77
MENNTAMÁL
75
starfi. Hann setti á stofn unglingaskóla, er síðar var breytt
í gagnfræðaskóla, átti mikinn þátt í stofnun iðnskólans
og ýmist stóð fyrir eða studdi á annan hátt fjölda nám-
skeiða í ýmsum greinum, er haldin voru í húsakynnum
barnaskólans. Auk þess áttu eldri nemendur hans og aðrir
æskumenn, er bjuggu sig undir framhaldsnám við aðra
skóla, öruggan vin og ráðgjafa, þar sem Páll Bjarnason
var. Kenndi hann þeim ýmist sjálfur undir skóla eða kom
þeim á annan hátt á framfæri, og munu þeir eigi fáir, er
hann þannig studdi í orði og verki.
Páll Bjarnason kemur fram á starfssvið íslenzkra skóla-
mála, þegar merkileg tímamót verða í sögu fræðslumál-
anna. Sama árið og hann útskrifast úr Flensborgarskól-
anum eru lögfest hér ný fræðslulög. Hann byrjar þegar
kennslustörf næsta ár og er því einn af þeim frumherj-
um íslenzkrar kennarastéttar, er falin var fyrsta fram-
kvæmd hinna nýju fræðslulaga, og einn þeirra mörgu
áhugamanna, sem með frábærri atorku og ósérhlífni hafa
lagt trausta steina í þá undrstöðu, er menntastofnanir
íslenzkrar alþýðu eiga að rísa á. Hann svo að segja óx
upp með hinum nýju kennsluháttum og tók virkan þátt
í þeirri framfarabaráttu, sem háð hefir verið í þágu al-
þýðufræðslunnar, og þeim umbótum, er áunnizt hafa. Hann
lét sig allar nýjungar á sviði skólamálanna miklu varða
og fór sjálfur fjórar námsferðir til nágrannalandanna til
að kynnast kennsluháttum þeirra og skólamálum af eigin
raun. Hann fann, hvar mest kreppti að þeim málum hér
heima og þekkti þau öfl, er voru mótsnúin framgangi
þeirra. Þess vegna var allt skólastarf hans mótað af gjör-
hygli og yfirsýn hins lífsreynda manns, er jafnan vill leysa
hvert mál þannig, að allir aðilar megi vel við una.
Páll Bjarnason skólastjóri er nú horfinn af skólasviðinu
eftir um 30 ára merkilegt starf, en eftir lifir minning hans
í hugum þeirra mörgu, er hann studdi til manndóms og
þroska. Ársœll Sigurðsson.