Menntamál - 01.06.1939, Blaðsíða 36

34
MENNTAMÁL
aðferðir, Leiðarvísi í skriftarkennslu, Leiðarvísi í lestrar-
kennslu, og sem handbók bæði fyrir börn og kennara, hefir
hann gefið út Litlu skrifbókina. Og fyrir utan það, sem
hér hefir verið talið, hefir hann skrifað greinar í blöð og
rit, til þess að vinna skoðunum sínum fylgi.
Árið 1924 var stofnað Barnavinafélagið Sumargjöf. Stein-
grímur hefir verið formaður þess frá byrjun til þessa dags.
Félagið gefur árlega út ritið Sólskin og ritaði Steingrímur
tvo síðustu árgangana einn. En merkasti þáttur félagsins
er dagheimilið, sem það hefir haldið uppi hér í Reykjavík
frá stofnun félagsins, nema árið 1926—27, er Steingrímur
var síðast í Ameriku. Magnús Helgason lánaði fyrst kenn-
araskólann til starfseminnar. En 1930 byrjaði starfsemin
í eigin húsi félagsins, Grænuborg. Og nú síðustu 2 ár, hefir
annað dagheimili verið i Vesturbænum, Vesturborg. í einu
fylgiriti félagsins kemst Steingrímur svo að orði: „Það ætti
að vera öllum ljóst, að af götunni verða börnin að fara.
Þar er þeim búin margvísleg hætta, og þar skortir flest,
sem til þrifa má verða. Börnin verða að fá tækifæri til
starfs og leika, og veikluðu börnin sérstaka aðhlynningu.
Grænu túnin, fífilbrekkan, lækurinn, hvammar, gil og klett-
ar, allt var þetta eign æskunnar meðan hún ólst upp til
sveita. Börnin verða að fá þetta allt aftur. Þau verða að
hverfa af rykugri og óhollri götunni."
Steingrímur hefir komið með margar nýungar í skóla-
starfinu, sem hann hefir boðað með námsbókum sínum,
ritum og í kennslu sinni. Hann var sá fyrsti, sem byrjaði
hér með smábarnaskóla.
Steingrímur er brautryðjandi. Hann hefir leyst börnin
úr óeðlilegum námsviðjum, losað þau við óheppilegan og
úreltan vana. Námið átti að vera frjáls og glaður leikur,
sem börnin tóku virkan þátt í. Kennarinn átti að vera stóri
bróðir eða systir, sem börnin fylgdu af aðdáun og gleði.
Hann sýndi þeim nýjar leiðir og kenndi þeim að þekkja
þær og meta.