Menntamál - 01.06.1939, Blaðsíða 49

MENNTAMÁL
47
Um þetta urðu allharðar deilur, og fór svo, að þær til-
lögur náðu ekki fram að ganga.
Jafnframt því, að kennaraþingin voru með þessari breyt-
ingu gerð að fulltrúaþingum, var einnig ákveðið að auk
þeirra skyldi á þriggja ára fresti haldin almenn uppeldis-
málaþing, bæði til þess að efna með þeim til allsherjar
samkomu fyrir kennarana sjálfa, og ekki síður hitt, að
beita þeim til þess að vekja og efla áhuga almennings á
uppeldismálum.
Á þessum grundvelli hefir svo S. í. B. starfað hin síðustu
ár. Mér virðist reynslan ótvirætt benda til þess, að þessar
breytingar hafi verið til mikilla bóta. Vinnubrögð kennara-
þinganna hafa verið betri og málin hafa fengið betri með-
ferð, verið tekin fastari tökum en áður. Og ég býst ekki við,
að nokkru sinni verði aftur horfið að hinu fyrra skipulagi.
Kennarafélög hafa risið upp í öllum bæjum og flestum
þéttbýlli landshlutum, en þau eru einmitt sá grundvöllur,
sem sambandið á að byggjast á, samkvæmt núverandi
skipulagi. Þar er vettvangur fyrir einstaka félagsmenn að
bera fram áhugamál sín, sem stéttina varðar, og félögin
geta síðan látið fulltrúa sína bera þau fram á fulltrúa-
þingi, ef sú meðferð hentar.
Ég geri ráð fyrir, að þetta skipulag muni fyrst um sinn,
og líklega alllengi, reynast hagkvæmt fyrir samtök kenn-
arastéttarinnar. Efalaust þarf smám saman að breyta ýms-
um atriðum í lögum sambandsins, og þó einkum að hlaða í
skörðin, en grundvöllurinn mun haldast óbreyttur. Og ég
vona, að á þessum grundvelli megi samtök okkar vaxa og
verða sterk, verða ekki aðeins varnarvirki fyrir hagsmuni
kennarastéttarinnar, heldur einnig sterkur og áhrifaríkur
aðili í menningarbaráttu þjóðarinnar.
Guðjón Guðjónsson.