Menntamál - 01.06.1939, Blaðsíða 120

118
MENNTAMÁL
Einkennilegt var að sjá þarna kennarana í sérstökum ein-
kennsbúningum, sem tákn um lærdóm sinn. í sambandi
vð hátíðina var mjög myndarleg iðnsýning. Bar hún iðn-
námi skólans mjög glæsilegt vitni. Nemendur eiga þess
kost, að kaupa þá hluti, er þeir gera með því að greiða
aðeins efnisverð þeirra.
The Beaufort House L. C. C. Special School er fyrir van-
gæfa drengi. Helmingur alls skólastarfsins er verklegt, t.
d. skósmiði og trésmíði. Mjög fáir nemendur eru í bekk,
þar sem einn vangefinn nemandi telst í kennslunni til
jafns við þrjá venjulega.
í nágrenni London er mikið af nýjum skólum eða skólum,
sem verið er að endurskipuleggja. Er útbúnaður margra
þeirra með ágætum. í einum þeirra kynntist ég tilraun til
samskólamyndunar. Varlega virðist þó af stað farið, þar sem
sérstakur leikvöllur var ennþá hafður fyrir stúlkur og
pilta. Yfirleitt virtist mér samskólarnir ekki eiga miklu
fylgi að fagna hjá þeim ensku skólamönnum, sem ég kynnt-
ist. „Okkur langar ekki til að gera tilraun í þá átt“, var
algengasta svarið, sem ég fékk, er samskólahugmyndin
bar á góma.----------
Gott þótti mér að heimsækja enska skóla og kynnast
hinum ensku skólamönnum. Naut ég hjá þeim mikillar
alúðar og hjálpsemi. „Þér eruð fyrsti íslendingurinn, sem
heimsækið skólann minn“, var víða sagt við mig. — í ná-
lega öllum þeim skólum, sem ég heimsótti, flutti ég erindi
um ísland og sýndi í því sambandi skuggamyndir, þar sem
aðstaða var til. — Eigum við íslendingar mikið starf óunnið
i Englandi — ekki síður en annars staðar á erlendri grund,
— þar sem er kynning lands okkar og þjóðar.
Jón Emil Guðjónsson.