Menntamál - 01.10.1945, Blaðsíða 4
154
MENNTAMÁL
samtök kennara. Miklir erfiðleikar eru á að fá kennara
saman til fundarhalda. Þann tíma, sem ég hef starfað
að námseftirlitinu, hef ég ferðast allmikið um og heim-
sótt skóla og skólanefndir. Mér hefur yfiríeitt verið tekið
ágætlega, af gestrisni og velvilja og víða hef ég mætt góð-
um skilningi á starfinu. Hitt getur verið meira vafamál,
að hvaða gagni heimsóknir mínar hafa orðið. Hingað til
hef ég orðið að vera á of miklum hlaupum til þess að geta
heimsótt öll skólahverfin og aflað mér nokkurrar yfirlits-
þekkingar á ástandinu, en ég hef reynt að ýta til fram-
kvæmda og breytinga og gefið þau ráð, sem ég var mað-
ur til.
Á eftirlitssvæðínu eru 56 skólahverfi utan ísafjarðar-
kaupstaðar. Fastir skólar eru 24. Heimavistarskólar eru
tveir með eigin húsakynni, en sá þriðji starfar í fjóra
mánuði fyrir einn hrepp og hefur leigð húsakynni til af-
nota. Farskólar eru 32, fastir skólar í kauptúnum 15. í
vetur voru 80 kennarar starfandi á svæðinu utan ísafjarð-
ar, en við skólann á fsafirði eru 11 fastir kennarar. Af
þessum 80 kennurum höfðu 50 kennarapróf, en 30 voru
án kennararéttinda. Menntun hinna réttindalausu farkenn-
ara var ýmis konar. Margir höfðu héraðsskólapróf, aðrir
gagnfræðapróf. Nokkrir, sem lengi höfðu fengizt við
kennslu, voru sjálfmenntaðir.
Við sjáum af þessu litla yfirliti, að farskólahverfi eru
ennþá í meiri hluta eða 32 af 56, hart nær fjörutíu árum
eftir að fræðslulögin voru samþvkkt.
Þegar rennt er augum til þeirra þjóðfélagsbreytinga,
sem orðið hafa á þeim tæpu fjörutíu árum, sem liðin eru
frá setningu fræðslulaganna, og með nokkrum skilningi
litið á þessi mál, er sízt að furða, þótt einhverjum finnist,
að sókn okkar til skipulagðrar festu í fræðslumálunum
hafi gengið grátlega seint. Á þessu tímabili hefur þjóðin
stigið stærstu sporin til framfara. Um það leyti, sem
fræðslulögin voru sett, var sóknin að hefjast til tækni-