Menntamál - 01.10.1945, Blaðsíða 25

MENNTAMÁL
175
hér, þótt nokkuð sé liðið, síðan hún kom út, því að hún
er sniðin við barna hæfi, letur stórt og skýrt og margar
skemmtilegar myndir, en það verður að teljast töluverð
vöntun í menntun hvers manns, að hann hafi ekki kynnt
sér þessar heimsfrægu dæmisögur, og er bezt að gera það
þegar á unga aldri. Þýðingar Steingríms eru frægar, en
um þýðingu Freysteins skal það eitt sagt, að aldrei opnar
ritstjóri Menntamála svo bók, sem hann hefur þýtt, að
hann dáist ekki að því, hve sýnt Freysteini er um að ná
liprum íslenzkublæ á málfarið.
Fréttir
Bergsveinn Haraldsson,
kennari frá Ólafsvík, andaðist 6. október s.l., fimmtugur að aldri.
Hann var fæddur 7. septenibcr 1895 að Hóíða í Eyrarsveit. Hann tók
próf úr kennaraskólanum vorið 1938. Hann var kennari í Fróðár-
hreppi nær óslitið frá 1918 til 1937 og í Ólafsvík 1939—40. Hann var
kvæntur Magdálenu Ásgeirsdóttur frá Fróðá, og eru 6 börn þeirra
á lífi. Bergsveini er þannig lýst af kunnugum manni, að hann hafi
verið „vel viti borinn, samvinnuþýður, prúðmannlegur í framkomu
og drengur ágætur“.
Björn Guðfinnsson
hefur nýlega ritað mjög athyglisverða grein um „stúdentspróf í
áföngum" (Alþýðublaðið, 17. okt.). Þar segir hann meðal annars: „Við
nána athugun á þessu máli: hvernig greiða beri götu efnilegra og
námfúsra manna, sem eiga þess ekki kost að sitja 3—4 vetur í lær-
dóntsdeild menntaskóla, hef cg komizt að þeirri niðurstöðu, að rétt
sé að gefa þeim tækifæri til þess að taka stúdentspróf i áföngum,
ljúka prófi í fáum greinum — og stundum jafnvel aðeins cinni — á
ári. Sjálfráðir ættu menn auðvitað að vera um það, hvort þeir lykju
prófi í öllum greinum eða létu sér nægja aðeins nokkrar þeirra, en
heildarpróf væri að sjálfsögðu nauðsynlegt til þess að öðlast rétt til