Menntamál - 01.10.1945, Blaðsíða 17
MENNTAMÁL
167
STEFÁN JÓNSSON NÁMSSTJÓRI:
Merkileg gjöf
(Grcin þessi er kalli úr útvarpserindi fluttu 8. júní s.l., dálítið
styttur.)
Þegar Halldór Stefánsson, forstjóri Brunabótafélags ís-
lands, flutti frá Torfastöðum í Vopnafirði til Reykjavík-
ur, keypti jörðina ungur, ókvæntur bóndi, Alexander
Stefánsson frá Háreksstöðum í Jökuldalsheiði. Hann var
þá efnalítill og keypti jörðina í skuld að mestu. Hann
rak svo þarna bú af miklum myndarskap og varð efna-
lega sjálfstæður bóndi, bætti og húsaði jörð sína, og allt
virtist leika í lyndi. En þá fékk hann heimsókn af sendi-
boða dauðans. Hann veiktist af berklum, barðist við dauð-
ann í full tvö ár og dó að Kristneshæli hinn 5. febrúar
í vetur, aðeins 35 ára að aldri.
Alexander var jarðaður að Hofi í Vopnafirði 3. marz,
en tveim dögum síðar var erfðaskrá hans opnuð að heimili
hans, Torfastöðum. Kom þá í ljós, að hann hafði gefið
skólasjóði Vopnafjarðarsveitar allar eigur sínar, að frá-
teknum 2500 kr., gefið þær til byggingar heimavistar-
skóla. En eigur hans voru metnar til verðs á 89 þúsund
og 7 hundruð krónur.
Þetta er stórhöfðingleg og mei’kileg gjöf, sem hlýtur
að vekja athygli. En ég vil leyfa mér að skyggnast ofur-
lítið nánar inn í hugskot gefandans, því að baki þessarar
ákvörðunar er karlmannslund og bjartsýni.
Hver er ástæðan til þess, að hann ákveður að gefa eigur
sínar til skólabyggingar fyrir æskulýð sveitar sinnar?
Háreksstaðir í Jökuldalsheiði var mjög afskekktur bær,
enda nú kominn í eyði. Þar fæddist Alexander 14. des.