Bjarmi - 01.11.1974, Blaðsíða 5

máttur og vald, fyrir allar aldir
og nú um allar aldirnar". Biblíu-
lestrarefnið var einmitt Júdasar-
bréfið. Sá, sem útskýringar ann-
aðist, var dr. Paul R. Van Gorder,
sem er þekktur kennimaður og
prédikari. Auðfundið var, að marg-
ir voru djúpt snortnir af málflutn-
ingi hans.
Eitt af því, sem einkennir mót-
in, er kröftugur lofgjörðarsöngur.
Honum stjómaði Norman Curtis,
sem einnig söng einsöng, auk þess
sem þau hjónin sungu saman.
Kim-systur frá Koreu léku andleg
lög og klassísk á píanó, fiðlu og
hnéfiðlu. Þótt ungar séu, 13, 11
og 9 ára, hafa þær víða komið
fram opinberlega. Fjölskyldan öll
hefur gefizt Kristi, og flutti heim-
ilisfaðirinn vitnisburð á einni sam-
komunni.
Margir frábærir ræðumenn komu
fram á mótinu, og á það ekki sízt
við um marga starfsmenn alþjóða-
stjórnarinnar, sem í senn fluttu
fróðlegar og uppbyggilegar frá-
sagnir. Einn af þeim er M. A.
Henderson, aðalframkvæmdastjóri
samtakanna, sem öðrum fremur
stjórnar 36 manna starfsliði og því
fjölþætta starfi, sem fram fer í
aðalbækistöðvunum í Nashville,
Tennessee. Hann hefur reynzt frá-
bærlega ötull og mikilhæfur leið-
togi. Það er því gleðiefni, að horf-
ur eru á því, að hann heimsæki
íslenzka Gídeonfélaga í september
næsta ár, þegar minnzt verður 30
ára starfs félagsins hér á landi.
GJAFIR 300.000 DALIR
Föstudagskvöld mótsins er ávallt
hátíðarsamvera, og er þá venja að
bjóða prestum, forstöðumönnum
safnaða og öðrum þeim, sem
Gídeonfélagar hafa náin samskipti
við. Þátttakendur voru um 2800
manns. Auk þess, sem á allan hátt
er mjög vandað til dagskrárinnar,
eru þátttakendum fengin sérstök
verkefni í hendur, það er fjársöfn-
un til kaupa á Nýjatestamentum
í ákveðnu augnamiði. Að þessu
sinni var það mark sett að safna
200.000 dölum til kaupa á 235.000
Nýjatestamentum með samsíða
prentun á japönsku og ensku til
nemenda í framhaldsskólum í
Japan. Söfnunin þetta kvöld reynd-
ist vera 278.438 dalir, og að því
viðbættu, sem gefið var næsta
kvöld, urðu það rúmlega 300.000
dalir. Nægðu þeir til kaupa á
353.704 eintökum af Nýjatesta-
mentum.
Einn af ræðumönnum þessa
kvölds var George Chandy, Ind-
verji, framkvæmdastjóri samtak-
anna þar í landi. Var honum sér-
staklega fagnað. Fyrir rúmu ári
lenti hann í alvarlegu bílslysi, en
gat nú tekið þátt í mótinu, þótt
hann yrði að styðjast við stafi.
Hann er einn í hópi margra, sem
bera mikla umhyggju fyrir starf-
inu hér heima.
Laugardagurinn fór að mestu í
aðalfundarstörf, með skýrslum og
kosningu í embætti. Kjósa skyldi
sjö menn í stjórn. Það var þvi vel
viðeigandi texti, sem kapelláninn
F. C. Aldridge las áður úr Post.
6, 3—4: „Komið því, bræður, auga
á sjö vel kynnta menn í yðar hóp,
sem fullir eru af anda og vizku
og munurri vér setja þá yfir þetta
starf, en vér munum halda oss
stöðugt að bæninni og þjónustu
Orðsins“. Síðan var kropið til bæna
og beðið um handleiðslu og bless-
un Drottins yfir þá, sem valdir
voru.
Mótinu lauk með frábærri ræðu
R. J. Holzwarth, sem nú lætur af
störfum fyrir aldurs sakir, eftir
32 ára starf. Hann hefur um langt
skeið verið búsettur í Þýzkalandi
og haft meginland Evrópu og
Afríku sem starfssvæði sitt. Mun
hann hafa stofnað fleiri Gídeon-
félög og aflað meiri fjár til starfs-
ins en nokkur annar. Ræða Holz-
warths var verðugur endapunktur
þessa stórkostlega móts. Ýmsir
muna komu hans hingað fyrir 10
árum og hans eldlega áhuga.
STARFIÐ BER ÁRANGUR
Um það er stundum spurt, hvort
starf þetta beri árangur. Þýðir
nokkuð að dreifa Guðsorði eins
víða og Gídeonfélagar gera? Hér
skal vikið að einni frásögn um það.
Duglegur sölumað.ur og kunnur
baseball-leikmaður segir þannig
frá:
,,Ég var svo ólánssamur að vera
haldinn óstjórnlegri drykkjufýsn.
Það varð til þess, að ég fór að
heiman frá yndislegri eiginkonu
og nýfæddri dóttur. Ég var týnd-
ur í þrjá sólarhringa. Konan mín
og faðir minn leituðu mín árang-
urslaust. Ég man lítið af því, sem
gerðist þennan tíma, fyrr en ég
vaknaði á hótelherbergi nokkru,
Mér var illt í höfðinu og fálmaði
eftir vatnsglasi á náttborðinu. Kom
ég þá við bók, sem þar lá, og féll
hún á gólfið. Tók ég hana upp og
sá, að þetta var Biblía, sem Gídeon-
félagar höfðu lagt inn á hótelið.
Lagði ég hana aftur á náttborðið.
Datt mér þá í hug, að það væri
ómaksins vert að fletta í bókinni
og lesa eitthvað í henni. Það, sem
ég las, tók mig sterkum tökum.
Ég fann, að þessi bók átti erindi
til mín. Jesús vildi taka á sig
syndir mínar, — ég, sem var svona
spilltur og djúpt sokkinn syndari.
Ég bað Guð um fyrirgefningu, og
djúpur friður færðist yfir sál mína.
Ég eignaðist nýtt lif í samfélag-
inu við Drottinn. Nú fékk ég hug-
rekki til þess að hringja til konu
minnar og segja hvernig komið
væri fyrir mér, hvar ég væri nið-
ur kominn og að mig langaði til
þess að snúa aftur heim. Síðan
kom faðir minn og sótti mig.“
Sá, sem þessa sögðu sagði, heitir
John T. Leeson og hefur í mörg
ár verið einn ötulasti starfsmað-
ur alþjóða-Gídeonsamtakanna, og
bæði hann og fjölskylda hans hafa
orðið til ómetanlegrar blessunar í
starfinu. I mánaðarriti útgefnu af
alþjóðastjóminni og Gídeonblöðum
annarra landa eru ótal frásagnir af
því, hvernig Orðið, sem Gídeon-
félagar hafa sáð, hefur borið ríku-
lega ávexti.
Það er og bæn okkar Gídeon-
félaga, að svo megi einnig verða
í ríkum mæli hér á landi, og að
við megum stöðugir standa í þess-
ari þjónustu, minnugir orðanna í
Jes. 55, 10—11: „Því eins og regn
og snjór fellur af himni ofan og
hverfur eigi þangað aftur fyrr en
það hefur vökvað jörðina, gjört
hana frjósama og gróandi, og gefið
sáðmanninum sæði og brauð, þeim
er eta, eins er því farið með mitt
Orð, það er útgengur af munni
mínum: Það hverfur ekki aftur til
mín við svo búið, eigi fyrr en það
hefur framkvæmt það, sem mér vel
líkar, og komið því til vegar, er
ég fól því að framkvæma."
Friörik Vigfússon.
Hallgrímur Pétursson
Höfundar Passíusálmanna, Hallgríms
Péturssonar, hefur víða verið minnzt
nú undanfarið, vegna 300. ártíðar
hans. Bjarmi mun á næsta ári birta
nokkra þætti um Hallgrím Pétursson,
sem Bjarni Eyjólfsson tók saman.
5