Heima er bezt - 01.01.1965, Blaðsíða 21

mun vera Þulur Theodoru Thoroddsen 1916. Voru þær
með teikningum eftir hstamanninn Guðmund Thor-
steinsson. Voru myndirnar gerðar af miklum hagleik
og hugmyndaflugi, enda teiknarinn einn af fjölhæfustu
listamönnum, sem vér höfum átt. Annars gerði Guð-
mundur margt fleira af myndum, m. a. myndabókina
um Negrastrákana, og margar teikningar úr þjóðsög-
um. Onnur útgáfa af Þulum Theódóru kom út 1938, og
hafði sonur hennar, Sigurður Thoroddsen, verkfræð-
ingur bætt þar við nokkrum mvndum. Þriðja ljóðabók-
in með teiknimyndum mun vera Vísnakver Fornólfs
1926 með myndum eftir Björn Björnsson. Ymsar fleiri
bækur með teikningum eftir íslenzka listamenn voru
gefnar út á fvrstu þremur tugum aldarinnar, Asgrímur
Jónsson málari gerði nokkrar teikningar við þjóðsög-
ur, sem m. a. voru prentaðar í Lesbók handa börnum
og unglingum. Jóhannes S. Kjarval gerði teikningar í
nokkrar bækur á þessum árum, svo sem Engilbörnin,
ævintýri eftir Sigurbjörn Sveinsson 1910, og Ævintýri
eftir Sigurjón Jónsson 1923, og tvær bækur eftir sjálf-
Draumalandið eftir Þór. B. Þorláksson, úr íslandsvisum
Guðmundar Magnússonar.
an sig, Grjót og Enn grjót báðar 1930. Mikilvirkastur
bókateiknari á þessum árum og lengi síðan var þó
Tryggvi Magnússon, auk þess, sem hann var aðalteikn-
ari Spegilsins, teiknaði hann myndir í margar barna-
bækur, Ijóðaúrvalið Icelandic lyrics, 1930 og Lesarka-
safn, sem Jón Ófeigsson gaf út á árunum rétt fyrir 1930.
En langflestar myndskreytingar Tryggva eru prentað-
ar eftir þann tíma.
Einhverjir fleiri munu hafa gert myndir í bækur á
þessum árum, einkum voru það þó barnabækurnar, sem
nutu góðs af hagleik teiknaranna. A Akureyri gaf t. d.
Þorsteinn M. Jónsson út ýmis ævintýri og þjóðsögur
með myndum eftir Vigfús L. Friðriksson, og voru það
í rauninni fyrstu útgáfur af því tagi, sem síðan hafa
orðið mjög vinsælar og alltaf verið að bæta nýjum við.
Eftir að kemur fram yfir 1930 taka myndskreyting-
ar íslenzkra bóka að verða svo algengar, að ekki verður
lengur til tíðinda talið, þótt bók sé með myndum. Mál-
arar og teiknarar spreyta sig á hinum óíikustu verk-
efnum og myndskreyta gamanblöð, ljóðabækur, þjóð-
/ Framhald á bls., 22.
Heima er bezt 17