Afturelding - 01.08.1959, Blaðsíða 15

AFTURELDING
LENNART JOHANSON:
^^íottinn ú-oLtat ad imtyiim. oatk.atnönnutn.
Það er mikil hrifning, gleði og sigur í þessu versi, sem
við lesum í sálmi 89 ;21: „Ég hef fundið Davíð þjón minn,
smurt hann með minni heilögu olíu.“ Guð hafði leitað
að manni eftir sínu lrjarta, og hann hafði fundið hann
'— æskumann sem var fagur á að líta. Ungur var hann, og
fátækur var hann, og það hafði komið í hans hlut að
gæta fjár föður síns úti í högunum kring um Betlehem.
Drottinn leitaði lians þar mitt í dagsins önn; enginn veit
daginn eða stundina þegar Guð kom til hins unga Davíðs.
Ef til vill var það að morgni til, þegar hann rak hjörð-
ina úr sauðabyrginu út í beitilandið. Ef til vill var það
þegar hann var að bjarga hræddu larnbi undan ljóni
eða birni. Það getur líka hafa verið nóttina, þegar Davíð
heyrði heimana segja frá Guðs dýrð. (Sálm: 19;2) Já,
kannski hefur það verið stundin þegar Drottinn leitaði
hans og fann hann.
Það var ekki óvanalegt að Guð leitaði „að manni“
meðal hinna ungu. Marga hina mestu menn Biblíunnar
kallaði Guð einmitt á æskuárunum. Samúel, sem smurði
Davíð til konungs, var barn að aldri, þegar Guð talaði
U1 hans í fyrsta sinn. Guð hefur greinilega sýnt það, að
hann hefur trú á hinum ungu til þjónustu. Þetta sannar
hans eigið orð. Og hann hefur ekki breytt þessari afstöðú.
í spádómi Jóels, sem Pétur vitnar í á hvítasunnudag, voru
hinir ungu teknir með, sem Drottinn ætlaði að nota.
Guð leitar viljugra og fúsra verkamanna meðal hinna
ungu í dag. Hann hefur sérstök áform með okkur öll.
Mættum við, eins og PáH gerði, þakka Drottni fyrir það,
að hann telur okkur þess verð að iþjóna honum, og standa
upp og ganga af stað, þegar hann kallar okkur. Þegar
Guð kallaði Davíð, urðu bæði faðir hans og bróðir undr-
andi. Ekki hafði sá sem gætti sauðanna neitt til að bera.
Hann var ekki einu sinni álitinn verður þess að vera með
við fórnarmáltíðina, sem í skyndi var stofnað til, þegar
öldungurinn Samúel kom til borgarinnar. Samúel hafði
komið til Betlehem til að smyrja konung yfir ísrael, og
Guð hafði sagt, að í húsi Ísaí, væri sá sem Drottinn hafði
fundið. Ísaí leiddi fram fyrir Samúel sjö glæsilega sonu
sú'a, hávaxna menn og fríða. En Drottinn hafði gengið
Iram hjá þeim öllum, og hafði valið hinn yngsta. Guð
valdi hann vegna þess að liann sá að hann hafði hreint
hjarta, hreinar hugsanir og hreint eðli. Samúel lét senda
eftir Davíð, og þegar hann kom, fékk Samúel skipun um
að smyrja hann. „Þá tók Samúel olíuhornið og smurði
hann mitt á meðal bræðra hans.“ Konungurinn var
fundinn. Hann var smurður með olíu, sem var táknræn
athöfn, sem sannaði það að Heilagur Andi hvíldi yfir
Davíð.
Þessi eftirminnilegi dagur, þegar Davíð var smurður,
varð þýðingarmikill fyrir allt hans líf. Hugsið ykkur hve
þýðingarmikið það hefur verið fyrir hann, að fá lilut-
deild í Heilögum Anda, áður en hann gekk inn í sitt
mikla hlutverk og þær þungu og erfiðu reynslur, sem
mættu honum í lífinu! Það sem dagur þessi varð fyrir
Davíð, varð hvítasunnudagur fyrir lærisveina Jesú.
Æskufólk! Það er staðreynd, að Guð vill nota ykkur
sem þjóna sína og verkamenn. Við eigum að keppa eftir
að fyllast Heilögum Anda og krafti, til þess að við verð-
um sannir þjónar Drottins, eins og Davíð varð. Mætti
Droltinn með sama sigurhrósi geta sagt það sama um
okkur sem hann sagði um Davíð. „Ég hef fundið Davíð
þjón minn, smurt hann með minni heilögu olíu.“
Þýtt. Sylvía Haraldsdótlir.
GULLKORN DAGSINS.
Þegar Guð varðveitir okkur verður veikasti köngulóar-
vefur að múrvegg, en ef hann sleppir okkur verður sterk-
asti múrveggur að köngulóarvef. Ekko.
Ekkert sýnir eins greinilega andlegt sinnislag manns-
ins og framkoma hans gagnvart bróður, sem eitthvað
hefur orðið á, hvort hann óskar frekar að uppbyggja hann
eða niðurbrjóta. Augustin.
Ódauðleiki sálarinnar er svo áríðandi spurning, að
menn hljóta að hafa misst vitið ef þeir ekki kæra sig um
að vita svar við henni. Pascal.
63