Afturelding - 01.01.1976, Blaðsíða 4
HORFNIR STUÐNINGS
Mjög óvænt barst fregnin út um andlát
Þorsteins Einarssonar 25. nóvember s.l. Enda
gera slys sjaldan boð á undan sér. Þorsteinn
heitinn var fæddur 2. júlí 1922 og var því
liðlega 53. ára við burtför sína af þessum heimi.
Um mörg ár var Þorsteinn, einn af ötulustu
stuðningsmönnum þessa blaðs. Arum saman
ferðaðist hann um landið, breiddi blaðið út,
sveit úr sveit frá heimili til heimilis. Þorsteinn
gekk ávallt heill til verka. Gekk undan honum
svo um munaði. Verk hans og framlag um
árabil, var einn af undirstöðusteinunum í því
hvað bókaútgáfa hreyfingarinnar er í dag.
Sumarið 1975 tók Þorsteinn sumarfríið sitt,
ók meira en fjögur þúsund kíkómetra, ein-
göngu vegna starfsemi Blaða- og Bókaútgáf-
unnar. Allsstaðar var Þorsteinn aufúsugestur og
myndaðist traust vinátta og gagnkvæm, við
fjölda heimila um land allt.
Þorsteinn var mjög söngvinn maður. Hafði
óvenju djúpa og hreina rödd. Lék hann vel á
citar. Þorsteinn samræmdi þetta einkar vel.
Útbreyðslu hins ritaða máls og samkomuhöld í
heimilunum. Sjálfur var hann andríkur,
eldheitur Andans maður og fyrirvarð sig ekki
fyrir fagnaðarerindið, sem hann hafði sjálfur
reynt, sem kraft til trúar.
Við leiðarlok Þorsteins, þakkar Afturelding
honum trygga og góða þjónustu. Blaðið sendir
eiginkonu og börnum og öllum ástvinum hans,
sínar innilegustu samúðarkveðjur.
Kristín Þóra Sæmundsdóttir
fœdd 14. janúar 1897
dáin 7. nóvember 1973.
Árið 1937 bættist Fíladelfíusöfnuðinum í
Reykjavík góður liðsmaður, þar sem var Kristín
Sæmunds. Kristín stóð þá á fertugu. Lífsreynd
og búin að ganga með Drottni sínum um árabil.
Söfnuðurinn hinsvegar ungur, aðeins á öðru ári.
Á samstöðu Krisrínar við málefnið, varð síðan
ekkert lát, alla tíð allt til enda.
Afturelding var á þeim árum rétt að slíta
fyrstu skónum sínum. Liðsinni Kristínar við
blaðið, bæði innihald og útbreiðslu, var því
mikils virði. Kristín gekk með blaðið, frá húsi til
húss, kynnti það og útbreiddi. Liðsemd
Kristínar var blaðinu ómetanleg.
Þeir sem þekktu Kristínu, fundu að þar fór
engin meðal kona.
Skarpgáfuð og með skýra hugsun, lagði hún
sig fram með eldmóði trúar. Hlífði hún sér
4