Afturelding - 01.04.1981, Side 7

n
Kristinn Ólason
,,Fyrir þeim mun
upplokið verða,
er á knýr”
Hugsaðu stutta stund um það að Jesús, sem lifir í
dag, á erindi við þig. Hann veit um það að stundum
ertu dauf(ur), stundum líður þér illa og stundum
finnst þér innri kvöl bíta þig. Hvað gerir þú við
slíkar aðstæður? Hvert snýrðu þér? Reynirðu að
bæla tilfinningarnar, eða reynirðu að snúa þér frá
kvölinni að einhverju upplífgandi?
Biblían segir frá því að Jesús Kristur hafi gengið
um á jörðinni, meðal sjúkra og bágstaddra. Hann
sagði ekki við fólkið: „Farið þið í fjallgöngu og
dreifið huganum.“ Nei, hann elskaði það, bar um-
hyggju fyrir því og spurði: „hvað get ég gert fyrir þig
vinur?“
Jesús er lifandi í dag og nú mátt treysta því að
hann finnur til með þér þegar þú finnur til. Hann
segir við þig: „Vinur, er eitthvað að? Leyfðu mér að
hjálpa þér.“ Þú þarft að opna dyrnar. Þú þarft að
leggja sjúkleikann, vandamálin, tómleikann, eða
ástand þitt fram fyrir hann í bæn, í samtali við hann.
Segðu honum hvernig þér líður. Jesús vill frelsa þig,
leysa þig frá öllu því sem bindur þig.
Sjálfsagt hefur þú einhvem tíma keypt þér gleði
fyrir peninga. Til dæmis vín, aðgöngumiða á dans-
leik eða kvikmyndahús. Hversu lengi varði sú gleði?
Ertu enn þá jafn glaður(glöð) yfir sveitaballinu sem
þú fórst á síðastliðið sumar? Ertu hamingjusamur
(söm) í dag? Það skiptir ekki máli hvemig fortíðin
er, en hvernig er nútíðin í þínu lífi? Ef þú ert friðlaus
og án gleði, þá gef ég þér það ráð að leggja ástand
þitt í hendi Jesú Krists. Hann elskar þig og HANN
HEFUR DÁIÐ FYRIR ÞIG og blóðið sem rann úr
líkama hans á Golgáta hæð, hreinsar syndir þínar.
Þú þarft aðeins að gefa þér tíma og tala við hann,
þann sem elskar þig, ber umhyggju fyrir þér og þráir
að gefa þér eilífan frið, eilífa gleði og eilíft líf.
Þú hugsar kannski um það hvernig þú getir
kynnst Jesú. Jóhannes skírari vitnaði um hann og
sagði: „Mitt á meðal yðar stendur hann.“ (Jóh.
1:26.) Þetta er sannleikur. Þú veist e.t.v. einhvers
staðar um Biblíu eða Nýja testamenti, kannski er
Biblían til á heimili þínu. Þá skaltu opna hana, lesa
og kynnast Jesú Kristi. Guð blessi þig og gefi þér
náð.
Kristinn Ólason
„Jesús er lifandi í dag og þú mátt treysta því aö hann finnur til
meö þér þegar þú finnur til. Hann segir við þig: Vinur, er
eitthvað að? Leyfðu mér að hjálpa þér”.