Afturelding - 01.04.1981, Page 23

TIL ÍSRAEL
Augu heimsbyggðarinnar beinast nú að Miðjarðar-
hafsbotni og Austurlöndum nær. Heimurinn stendur á
öndinni í hvert skipti sem eitthvað stórvægilegt gerist í
þessum heimshluta. Enda virðist sem fjöregg heimsfrið-
arins liggi þar berskjaldað og óvarið. Engum blöðum er
um það að fletta að þarna eru að gerast örlagaríkir at-
burðir.
Þetta kemur Biblíutrúuðu fólki ekki á óvart. Spádómar
Biblíunnar um efstu daga beinast mjög að endurreisn
Israelsríkis og hlutskipti þess í heimsmálum. ísrael nú-
tímans er eins konar spádómsklukka Guðs og hún tifar
ört, spádómarnir uppfyllast.
í Israel eru söguslóðir Biblíunnar og enn eru til margar
og merkar minjar frá þeim tímum er Biblían var rituð.
Þetta eru slóðir Jesú Krists, þarna fæddist hann, boðaði
fagnaðarerindið og þarna gaf hann líf sitt.
Ekki er því að undra þótt kristið fólk hópist í ferðir til
Landsins helga. Bættar samgöngur og betri efnahagur
hefur enda valdið straumi kristinna ferðalanga, sem fara í
„pílagrímsferðir" til ísrael.
Daníel Glad, sem hefur starfað hérlendis að trúboði
um árabil, komst I kynni við sænsku ferðaskrifstofuna
„Lingmerths“ sem sérhæfir sig I ferðum fyrir trúað fólk á
söguslóðir Biblíunnar. Að skrifstofunni standa trúaðir
menn og skipuleggja þeir ferðirnar þannig að Biblíu-
elskandi fólk njóti fararinnar í ríkum mæli. I fyrra fór
Daníel ásamt konu sinni í slíka ferð og bar hún þann
árangur að í haust verður hann annar tveggja fararstjóra í
ísraelsför með „Lingmerths" og hefst hún 29. október.
Hér er um fjórtán daga ferð að ræða og er ferðaáætlun I
grófum dráttum sem hér segir.
Flogið verður frá Kaupmannahöfn til Tel Aviv. Þar
hefst ökuferð og er farið til gistingar í Natanya. Síðan er
ekið vítt og breitt um landið, meðal viðkomustaða má
nefna Tíberías, farið er með Genesaretvatni, um Cesareu,
fram hjá Karmelfjalli um hafnarborgina Haifa til Nasa-
ret og Kana. Siglt er yfir Genesaretvatnið og farið yfir ána
Jórdan til Kapernaum. I Jerúsalem er dvalið og sögu-
staðir skoðaðir: Olíufjallið, höll Kaífasar, Getsemane,
Sílóamlaug, Grátnrúrinn, Via Dolorosa, Golgata. Einnig
erfarið til Betlehem, til Masada, Quamran og Jeríkó. Frá
ísrael er síðan farið til Egyptalands. Gist er í Kaíró og
ýmsar merkar minjar skoðaðar í því landi, svo sem pýra-
mídar, sfinxar og fleira.
Af þessari þulu má ráða að hér er um hina skemmti-
legustu ferð að ræða. Á tiltölulega skömmum tínra eru
skoðaðar helstu minjar og merkir staðir á söguslóðum
Biblíunnar. Ekki skemmir fararstjórnin fyrir, en þar er
um Daníel Glad að ræða, eins og fyrr segir og auk hans
Hilding Fagerberg, en hann er þekktur Biblíukennari í
Svíþjóð. Hilding Fagerberg er væntanlegur hingað til
lands I ágúst nk.
Þess má geta að þegar þessi ferð hefst I vetrarbyrjun á
Islandi er loftslag með þægilegasta móti í Israel, 20°-
24°C hiti i Jerúsalem.