Afturelding - 01.04.1981, Page 24

Vænlegt til blessunar!
Á hvítasunnudag 7. júní 1981 birtist heilsiðugrein
í útbreiddasta blaði íslendinga, Morgunblaðinu,
sem bar nafnið Náðargjafavakning. Umsjónar-
menn: séra Jón Dalbú Hróbjartsson, sóknarprestur
í Laugarnesprestakalli í Reykjavík, séra Karl Sig-
urbjörnsson, sóknarprestur við Hallgrímskirkju í
Reykjavík og Sigurður Pálsson námstjóri og fram-
kvæmdastjóri KFUM í Reykjavík.
Þar sem hér virðist vera skrif í vinsemd og reynt
að hafa það er sannara reynist, þá leyfum við okkur
að taka orðrétta pósta úr greininni. Finnst okkur er
að þessu blaði standa, koma hér fram ákveðnari og
betri tónn, heldur en við stundum höfum fengið.
Um 60 ár hefir Hvítasunnuhreyfingin staðið ein um
þessi Biblíulegu sannindi í landi voru. Meðfylgjandi
póstur er gleðileg staðreynd um að svo sé ekki
lengur. Teljum við það vænlegt til blessunar. Hér
hefst svo tilvitnunin:
„Rætur Hvítasunnuhreyfingarinnar eru í USA, þ.e. í
þeim vakningum, sem þar voru fyrir síðustu aldamót.
Samfara vakningunni fór viss andúð á öllu kirkjulegu.
Öllu formi (rituali) var hafnað, en leitast við að láta
andann stjórna guðsþjónustunum og öðrum trúarlegum
samkomum. Eitt af því sem festi þessa frjálsu hreyfingu í
sessi, var sú barátta, sem hún þurfti að eiga í við „frjáls-
lyndu guðfræðina“, sem óð uppi um síðustu aldamót.
Til þess að sýna nýguðfræðinni og vísundunum fram á,
að trúin væri áþreifanleg reynsla, voru yfimáttúrlegir
hlutir, eins og lækningar fyrir bæn og handayfirlagningu
svo og tungutal notað sem sönnunargagn. Það er því
nokkuð Ijóst, að það var þessi mikla löngun og þrá eftir
táknum, þ.e. vissu fyrir því að kristindómurinn væri ekki
„grá fræði“, heldur „dynamiskur“ veruleiki, sem liggur á
bak við áhuga Hvítasunnumanna á yfirnáttúrlegum
náðargáfum. Hvítasunnuhreyfingin er í dag mjög öflug
og hefir unnið á í mörgum löndum, en starf hennar hefir
fengið ákveðið form og skipulag. Þeir hafa byggt sam-
komuhús, stofnað Biblíuskóla o.s.frv. Þeir eru framarlega
í öllu sem viðkemur söng og tónlist og nota það mikið í
sínu starfi.
Áhuginn fyrir náðargáfum hefir lengi verið bundinn
við Hvítausnnuhreyfinguna. Á síðustu árum hefir
merkilegur „hvítasunnuvindur“ blásið um fjölmargar
kirkjudeildir og trúarsamfélög. Nú þykir ekki lengur til-
tökumál, að heyra tungutal í hinum ýmsu kirkjudeildum
og menn hafa í auknum mæli gefið náðargáfunum gaum.
Og það er sameiginleg löngun og þrá allra kristinna
manna að Guð fylli þá krafti Heilags Anda til þjónustu og
átaka fyrir ríki hans. Náðargáfurnar eru margar og Guð
notar þær eftir sínum vilja“.
Ritstjórinn
Andlegur
viöbúnaður fyrir
endurkomu Krists
Höfundur þessarar greinar, Corrie Ten Boom, er
háöldruð trúarhetja frá Hollandi sem hœtti lífi sínu til
að hjarga Gyðingum úr klóm nasista í seinni heims-
styrjöld. Hún er andlegt stórmenni í hinum kristna
heimi, hefur ritað fjölda bóka og kunnasta bók
hennar — Fylgsnið, kom út hér á landi fyrir fjórum
árum. Samnefnd kvikmynd hefur verið gerð eftir
bókinni.
Á þessum dögum þegar ótryggt ástand í heims-
málum færist stöðugt í aukana, opnar Drottinn
fleiri og fleiri nýjar dyr. Biblían fræðir okkur mikið
um það sem koma skal. Við kristnir menn erum þeir
einu sem höfum einhverja vitneskju um það sem
framtíðin ber í skauti sér, vegna þess að við þekkj-
um Hann sem hefur framtíðina í hendi sinni.
Getum við vænst þess að Jesús komi brátt aftur?
Ég tel að við getum vænst þess og ég lít með
mikilli eftirvæntingu til þeirrar miklu stundar. Hví-
líkur fögnuður og gleði verður þegar Jesús fram-
kvæmir það, sem hann gaf fyrirheit um í Opinber-
unarbókinni 21:5: „Sjá, éggjöri alla hluti nýja“.
Mun lýður Guðs þurfa að ganga í gegnum
þrenginguna miklu? Fjölmargir vænta þess að við,
sem fylgjum Jesú, verðum tekin í burtu af jörðunni
áður en hún gengur í garð. En nú þegar stendur yfir
og geisar ógurlegt stríð, milli ríkis ljóssins og veldis
myrkursins. Er ekki sérhver kristinn, endurfæddur
maður meira eða minna að berjast á þeim víg-
stöðvum? En við vitum að þeir sem eru með okkur
eru langtum sterkari og fjölmennari, en þeir sem
berjast gegn okkur.
Það er gleðilegt að vita til þess að Jesús sagði: „í
heiminum hafið þér þrenging en verið hughraustir,
ég hefi sigrað heiminn.“ Og þegar ástandið verður
verra og verra, og okkur liggur við að örmagnast af
ótta og skelfingu er þá ekki sú stund runnin upp,
„að þér réttið úr yður og lyftið upp höfðum yðar,
því að lausn yðar er í nánd“? (Lúkas 21:28.)
Heimurinn þarfnast sterkra og traustra kristinna
manna á öllum aldri, sérstaklega á þrengingartím-
um. Hann er í þörf fyrir kristið fólk sem eygir með
augum trúarinnar, raunveruleikann í áformi Guðs
og sigur Jesú Krists.
„Þar sem engar vitranir (hugsjónir), eru kemst
fólkið á glapstigu“, (Orðsk. 29:18.)