Heimir - 01.10.1911, Page 14

HEIMIR
3«
'Nokkrar athugasemdir.
I átjánda tölublaði “Nýs Kyrkjublaðs” þetta ár, er greinar-
korn eftir séra Matthías Jochumsson á Akureyri með fyrirsög-n-
inni: “Það sem ég vildi sagt hafa”. Svo er að sjá af dálitlum
formála, sem á undan greininni er, að hún hafi verið send til að
lesast á prestastefnu á Hólum síðastliðið sumar, en það farist
fyrir, og þess vegna birtist hún í Kyrkjublaðinu.
Það má gera ráð fyrir að skoðanir séra Matthíasar, sem
birtast í þessari grein og öðrum, sem hann hefir ritað um kyrkju-
og trúmál, séu gott sýnishorn af skoðunum niargra frjáls-
lyndari manna, máske nokkurra presta, á Islandi nú. 8éra
Matthías hefii- lengi haft orð á sér fyrir frjálsljmdi, og eitthvað
hefir heyrsí um það skrafað, að hann hafi loks hætt prestsþjón-
ustu í þjóðkyrkjunni vegna þess. Það er einnig sumum kunn-
ugt, að hann hefir um langan tíma verið í allmiklu vjnfengi viö
forstöðumenn brezka og erlenda únítarafélagsins í Lundúnum,
þó aldrei hafi hann víst sjálfur haft þann kunningsskap í hámæl-
um úti á Islandi. En hvaða skoðanir eru það, setn hann lætur í
ljós í þessum greinarstúf sínum?
í rauninni er mjög erfitt að átta sig á því; greinin er fremur
hvöt en röksemdafærsla um skoðanir. Hann er í engum vafa
um að trúarskoðanir og guðfræði íslenzku þjóökyrkjunnar eru
langt á eftir tímanum. Ollu þessu, sem er á eftir tímanum,
verður að sleppa, en í stað þess verður að koma eitthvað nýtt.
Svo er að sjá sem þetta nýja, sem á að prédika í stað hinnar
gömlu og úreltu guðfræði sé fagnaðarboðskapur Jesú Krists, eins
og hann finst í samhljóða guðspjöllunnm, og víða í öðrum bók-
um Nýja testamentisins. Þetta lætur nú Ijómandi vel í eyrum,
en gallinn er, að menn hafa aldrei verið á eitt sáttir um, og eru
það ekki enn í dag, hvað sé fagnaðarboðskapur Krists; og þó
hafa allir, sem reynt hafa að gera sér grein fyrr því, bygt á rit-
um Nýja testamentisins, hafa ekki haft á neinu öðru að byggja.