Kirkjublað - 15.04.1934, Qupperneq 2

102
KIRKJUBLAÐ
vonda yfirbuga þig, heldur sigra 'þú illt með gó8u“.
Það getur virzt undarleg regla. En þeim, sem reynir
hana, mun hún reynast rétt.
Vald er veikara en gæði.
(Lauslega þýtt.)
Um söguna af manni einum
og samvizku hans.
Eftir Knút Arngrimsson.
Framh.
Þetta gerist árið, sem innanlandsófriðurinn hefst.
Prestarnir tveir, Hastig og Bro, verða þess brátt varir,
að líf þeirra er í hættu. Samt starfa þeir eftir mætti. Bro
þarf ekki ósjaldan að jarða myrta menn og vera sjónar-
vottur að örvæntingu ekkna og barna, sem byssukúlur
uppreisnarmannanna hafa dæmt til einstæðingsskapar
og varpað í örbyrgð.
Hryðjuverkunum fjölgar. Brátt verða þau daglegt
brauð.—Kirkjur eru brotnar upp, skemmdar og brennd-
ar, — prestar myrtir, — sumir krossfestir. Hastig og
Bro verða að fara huldu höfði, meðan höfuðborgin er
á valdi uppreisnarmanna. Bro fær þá fregn, að bróðir
hans, sem var óðalseigandi 1 byggðarlagi einu, hafi ver-
ið myrtur. Hann fær ekki varizt því, að hatur til þessara
trylltu böðla blossar upp í sál hans, og hann biður þeim
óbæna. Koma þýzka liðsins til Helsingfors er honum því
fagnaðarefni, og ekki veldur það honum minnigleði, þeg-
ar Mannerheim heldur þangað hrósandi úrslitasigri. —-
Þann dag fagnar Bro af hjarta, — en það er líka síð-
asti gleðidagur æfi hans.
Um kvöldið fær hann boð frá Hastig um að koma
út á Sveaborg og búast þangað til lengri dvalar.