Nýjar kvöldvökur - 01.01.1951, Blaðsíða 27
N. Kv.
BÆKUR
19
hafa verið áður í heildarútgáfum Forn-
aldarsagnanna. Mætti og prenta þær með
þéttara letri en hinar, og er það í samræmi
við útgáfu íslendingasagnaútgáfunnar á ís-
lendingasögunum, þar sem sögur þær, sem
skrifaðar hafa verið á síðari öldum, eru
prentaðar með þéttu letri.
Náskyldar Fornaldasögum Norðurlanda
að efni til eru Sigurgarðs saga frækna, Vil-
hjálms saga konungs, Álfaflekks saga og
Vilmundar saga viðutans. En þar sem sögu-
persónurnar eru ekki norrænar, þá mun
rétt að gefa þær rit í flokki riddarasagna.
Þ.M. J.
Þóroddur Guðmundsson frá Sandi:
Guðmundur Friðjónsson, ævi og
: störf.. Reykjavík 1950. ísafoldar-
prentsmiðja.
Það má segja, að Guðmundi skáldi Frið-
jónssyni sé gerð góð skil um þessar mundir.
Hafin er myndarleg útgáfa á ritum hans,
og nú birtist löng og greinargóð ævisaga
hans, er Þóroddur sonur hans hefir ritað.
Er það að maklegleikum, því að gildur er
sá skerfur, er Guðmundur hefir lagt til ís-
lenzkra bókmennta og menningar. Það hef-
ir eigi verið vandalaust verk að semja ævi-
sögu þessa, einkum þegar tillit er tekið til
þess, að sonur skrifar þar um föður sinn.
Þótt svo náinri skyldleiki hafi að vísu í för
með sér, að hægt er að lýsa betur en ella
ýmsum atvikum og háttum hins daglega
lífs, sem gefa góða og glögga mynd manns
þess,. sem um er skráð, þá er sú hættan á
hinn bóginn, að skyldleikinn glepji sýn og
ritið verði ein lofgerð, en ekki hlutlaust
mat á verkum og störfum mannsins. En
Þóroddi hefir tekizt mæta vel að sigla milli
skers og báru. Að vísu ber sagan öll vitni
Um hlýhug sonarins, en hvergi á þá lund,
að hann geti ekki framkvæmt mat sitt á
verkum og persónu föður síns. Fyrir þetta
er ævisaga Guðmundar merkilegt rit. Ævi
hans er nákvæmlega rakin, lýst er heimilis-
högum hans og starfsháttum, vinum hans
og vildarmönnum, en einnig er getið and-
stæðinga og þeirra, er sendu honum hnút-
ur. Lýst er skapferli Guðmundar og við-
horfi til manna og málefna, í stuttu máli:
það eru dregnar fram allar þær hliðar
mannsins, sem naðsynlegar eru til að kynn-
ast honum. Er mynd hans skýr hverjum,
sem bókina les. Og engan vafa tel ég á því,
að mjög hljóti að aukast skilningur manna
á ritverkum Guðmundar á Sandi við þessa
bók, enda þótt þeirn sé ekki gerð sérstök
skil í lienni. Er ævisaga þessi um allt hin
merkasta og mikill og góður fengur fyrir
íslenzka persónusögu og bókmenntir.
Eggert Stefánsson: Lífið og ég. Rvík
1950. ísafoldarprentsmiðja.
Það er kunnugt, að Eggert Stefánsson
söngvari hefir allmikið sinnt ritstörfum
hin síðari úr. N ú sendir hann frá sér fyrsta
bindi ævisögu sinnar, og segir þar frá
bernsku hans og æsku heima í Reykjavík,
söngnámi í Kaupmannahöfn og Stokk-
hólmi, dvöl í London og fyrstu kynnum
hans af Ítalíu. Frásögnin er fjörug og lif-
andi og stíllinn með þeim hætti, sem Egg-
ert á einn manna. Ber. margt á góma hjá
honum og yfir allri bókinni er hrifningar-
blær listamannsins. Munu margir hlakka til
framhaldsins. •
Þorsteinn Erlingsson: Litli dýravin-
urinn. Reykjavík 1950. ísafoldar-
prentsmiðja. •
í bók þessari hefur verið safnað kvæðum
og sögum þeim, er Þorsteinn Erlingsson
ritaði í Dýravininn, öðrum en ævintýrun-
um, sem prentuð eru í Málleysingjum.
Er bókin fagurlega frágengin með fallegum
myndum, sem er samboðið efninu. Því að
engum mun vera gert rangt til þótt sagt
sé að þetta sé ein lang bezta barnabókin á
3*